1 Timoteo 3:8 - TÄ̧DO Ä̧CUÄ̧ I̧HUȨNȨ

⁸ Ja̧'hua̧ta̧nö̧ diáconos huotörö'inä ttucuotäcua'a̧nö̧. Yapareu ucuocuocotö. Jahuätömä tä̧'ä̧mo̧co̧tö̧. Jahuätömä pärätä rö̧ȩnä̧ amöcuädö ko̧co̧tö̧.

Nuevo Testamento Uwotjüja

⁸ Ja̧'wa̧ta̧nü̧, Diákunu̧ wotümä̧ ttukuotä̧u̧tä̧ ja̧'a̧, pättümä̧ isopäi'ünä̧tä̧ ukuokuätü, tä̧'ä̧mä̧'cho̧ko̧tü̧, pärätä ttȩma̧ pä'ü'i̧nä̧ tta̧'kua̧ ro'ekuokotü.

1 Timoteo 3:8 Referans Kwoze

Filipenses 1:1

Pablocu, Timoteocu, Jesucristocu aditätömä, pi̧yȩ cuyäru huȩyu̧tu̧ hue'ätöjä Dios i̧tti̧mö̧rö̧, Jesucristorö esetätörö'inä, iglesia tta̧huä̧rä̧cuä̧huä̧ ruhuärö'inä, diáconosrö'inä, Filipos ötahuiyänä ka̧cuä̧tö̧rö̧.

Tito 2:3

Ja̧'hua̧ta̧nö̧ nä̧tö̧ böäcuächätörö'inä huo̧juȩti̧. Dios ä'ca jo̧mȩ adiu ttö̧jä̧cua̧'a̧nö̧. Ttahuaruhuärö yapareu huȩnȩ jittähuä'chö juiyäcua'a̧nö̧. Ja̧'hua̧ta̧nö̧ tä̧ttä̧mö̧ juiyäcua'a̧nö̧. Korotö ttä'ca jo̧mȩ adiu huo̧juȩtö̧ jȩttä̧cua̧'a̧nö̧.

1 Timoteo 5:23

Ajiya päcuäoyatämä au cu̧jä̧'. Cuhuacuä barahuäcu na̧cu̧huä̧cha̧'a̧ttö̧, vino ji̧'qui̧cha̧nö̧ au kä̧hui̧.

1 Timoteo 3:3

Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä yapareu ucuocu ȩmo̧cö̧. Pärocua'acu ahuaruhuärö adiu ppä'ädö. Adiu kö̧ korotö ttä'ca jo̧mȩ. Ja̧u̧mä̧ pärätä u̧ju̧nä̧ra̧ pä'ömä amöcuädocö.

Santiago 3:10

Jahuäyä ttänä räopa'a adiu ucuocuäcuähuä'inä, suronä ucuocuäcuähuä'inä. Ja̧'hua̧nö̧mä̧ jȩttö̧ juiyö'a̧nö̧ ja̧'a̧, chö̧jä̧hua̧tö̧.

Tito 1:7

Ya̧tȩ tta̧huä̧rä̧cuä̧huä̧ i̧sa̧ Dios i̧huȩnȩ tta̧'ä̧rö̧. Ja̧'hua̧nö̧ ja̧'a̧ttö̧ adiunätä jȩpö̧ kö̧. “Ttömä adihuä i̧sa̧sä̧” pä'ocö. O'ca päi'önä ra̧huä̧ri̧po̧cö̧. Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä rö̧ȩnä̧ amöcuädö ko̧cö̧.

1 Timoteo 3:12

Ja̧'hua̧ta̧nö̧ diácono hua̧ irecua'inä yajuterötä u̧ju̧nä̧rä̧cua̧'a̧nö̧. I̧tti̧mö̧rö̧'i̧nä̧, ahuaruhuärö'inä adiu hue'ö.

1 Pedro 5:2

O̧vȩja̧stö̧rö̧ tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, Dios i̧tti̧mö̧rö̧, ucuturu hueinä̧u̧ru̧, tta̧'ä̧rö̧ ka̧cuä̧tu̧cui̧. Suronä päcuhuätucuoca'a, Diosrö pä̧huä̧ rö̧jo̧mȩnä̧ adiunä eseunu tta̧'ä̧rä̧tu̧cui̧. Ja̧'hua̧ta̧nö̧ pärätä cuamöcuädätucuoca'a, adiu tta̧'ä̧rä̧tu̧cui̧. Adiunä aditätucui cuaditähuätucu.

Romanos 3:13

Idorättö huahuoppa räopa'a jä̧'i̧nö̧'a̧nö̧ räopä̧u̧ ttättö. Tti̧nȩnä̧ yapareu ucuocuätö. Ttänä räopä̧u̧ surä juäi huȩnȩ, ä̧ca̧ u̧mä̧nȩhuä̧ räopa'a jä̧'i̧nö̧'a̧nö̧.

1 Timoteo 3:2

Ja̧'hua̧nö̧ ja̧'a̧ttö̧ tta̧huä̧rä̧cuä̧huä̧ i̧sa̧ päi'önä kö̧mä̧ korotö suronä ttucuocu juiyarö pä'ö adiunätä jȩpö̧ ö̧jä̧cua̧'a̧nö̧. Irecua'inä yajuterötä u̧ju̧nä̧rä̧cua̧'a̧nö̧. Ja̧u̧mä̧ a̧'cua̧ pö̧nö̧ ö̧jä̧cua̧'a̧nö̧. Ja̧u̧mä̧ korotö ttä'ca jo̧mȩ adiu ö̧jä̧cua̧'a̧nö̧. Korotö'inä ja̧u̧ru̧ ttucuotäcua'a̧nö̧. Ja̧'hua̧ta̧nö̧ koromettö ichätörö ppädäcua'a̧nö̧. Ja̧'hua̧ta̧nö̧ ahuaruhuärö huo̧juȩtä̧cuä̧huä̧ u̧huo̧juä̧cua̧'a̧nö̧.