1 Timoteo 3:1 - TÄ̧DO Ä̧CUÄ̧ I̧HUȨNȨ

¹ Pi̧yȩ iso päi'önä huȩnȩ. Ya̧tȩ iglesia ruhuärö tta̧huä̧rä̧cuä̧huä̧ i̧sa̧ ö̧ja̧ pä'ömä, iso päi'önä adiu amöcuädö.

Nuevo Testamento Uwotjüja

¹ Pi̧yȩmä̧ isopäi'ünä̧tä̧ ja̧'a̧. Ya̧tȩ igresia-nä̧ Pató juoa pä'ümä̧, isopäi'ünä̧ adiu adita pä'ütä amükuädü.

1 Timoteo 3:1 Referans Kwoze

Tito 1:7

Ya̧tȩ tta̧huä̧rä̧cuä̧huä̧ i̧sa̧ Dios i̧huȩnȩ tta̧'ä̧rö̧. Ja̧'hua̧nö̧ ja̧'a̧ttö̧ adiunätä jȩpö̧ kö̧. “Ttömä adihuä i̧sa̧sä̧” pä'ocö. O'ca päi'önä ra̧huä̧ri̧po̧cö̧. Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä rö̧ȩnä̧ amöcuädö ko̧cö̧.

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

1 Pedro 5:2

O̧vȩja̧stö̧rö̧ tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, Dios i̧tti̧mö̧rö̧, ucuturu hueinä̧u̧ru̧, tta̧'ä̧rö̧ ka̧cuä̧tu̧cui̧. Suronä päcuhuätucuoca'a, Diosrö pä̧huä̧ rö̧jo̧mȩnä̧ adiunä eseunu tta̧'ä̧rä̧tu̧cui̧. Ja̧'hua̧ta̧nö̧ pärätä cuamöcuädätucuoca'a, adiu tta̧'ä̧rä̧tu̧cui̧. Adiunä aditätucui cuaditähuätucu.

1 Timoteo 1:15

Pi̧yȩ huȩnȩ, adihuä huȩnȩ, o'ca toi'önä ttesetäcua'a̧nö̧. Cristo Jesús ichinödo pi̧jä̧ra̧'a̧ o'ca toi'önä suronä jȩpä̧tö̧rö̧ suronä jȩttö̧ jȩpö̧ icu. Iso päi'önä o'ca toi'önä suronä jȩpä̧tö̧ttö̧'i̧nä̧ abonänö suronä jȩpi̧nö̧sä̧ ttömä.

1 Pedro 2:25

Pä'äjimä oveja re'tehuächö cueächö'a̧nö̧ cue'ächinätöjä. Jitämä Cristocu ppa̧'ä̧chi̧nä̧tö̧jä̧. Chutämä o̧vȩja̧stö̧rö̧ tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧ tta̧'ä̧rö̧ ucuturu. Ja̧'hua̧ta̧nö̧ cua̧'cua̧ru̧hua̧nä̧'i̧nä̧ tta̧'ä̧rö̧ ucuturu.

Hebreos 12:15

Ya̧tȩttö̧'i̧nä̧ Dios ppädäcuähuä iya päinö ȩmo̧ca̧'a̧ ö̧ji̧pö̧ juiya pä'ö, ttu̧ȩcuä̧nä̧ ka̧cuä̧tu̧cui̧. Ja̧'hua̧ta̧nö̧ koro juäi surä'cua ya̧mö̧'cua̧ bahua'a jä̧'i̧nö̧'a̧nö̧ cu̧ja̧cuä̧tu̧cuä̧'. Ja̧'hua̧nö̧ jȩpö̧ kä̧nö̧, korotörö suronä jȩtta̧ pä'ö cu̧huo̧juȩtä̧tu̧cu̧ juiya pä'ö, ttu̧ȩcuä̧nä̧ ka̧cuä̧tu̧cui̧.

2 Timoteo 2:11

Pi̧yȩmä̧ iso päi'önä huȩnȩ: Chutäcu 'corupäti'öttömä, chutäcu tö̧ja̧cuä̧cuo̧tö̧jä̧.

1 Timoteo 4:9

Pi̧yȩmä̧ iso päi'önä huȩnȩ. O'ca toi'önä ttesetö'a̧nö̧ ja̧'a̧.

Filipenses 1:1

Pablocu, Timoteocu, Jesucristocu aditätömä, pi̧yȩ cuyäru huȩyu̧tu̧ hue'ätöjä Dios i̧tti̧mö̧rö̧, Jesucristorö esetätörö'inä, iglesia tta̧huä̧rä̧cuä̧huä̧ ruhuärö'inä, diáconosrö'inä, Filipos ötahuiyänä ka̧cuä̧tö̧rö̧.

San Lucas 15:10

Ttö pä'ösä ucuturu, ja̧'hua̧ta̧nö̧ Dios isotö ángelesmä esehuätö, ya̧tȩ suronä jȩpö̧mä̧ pärocuäcutä amöcuädomenä, —pä'inödo Jesús.

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.

Efesios 4:12

Ja̧'hua̧nö̧ iyinödo, i̧tti̧mö̧ aditö ppättäda pä'ö korotörö, Dios i̧huȩnȩ rö̧ä̧cha̧ pä'ö.

Hechos 1:20

Salmos cuyäru'tä Huȩyu̧cuä̧ Huȩnȩ päa'a: Ja̧u̧ ö̧ji̧no̧mȩmä̧ yoröiso tometä kä̧cua̧'a̧, ya̧tȩ'i̧nä̧ ö̧jö̧ juiyönä. Ja̧'hua̧ta̧nö̧ päa'a: Ja̧u̧ aditinömä ka̧ra̧tä̧ a̧di̧tä̧cua̧.

1 Pedro 4:15

Ucutu ubara ttucuhuätucuttumä, ttö̧ja̧rö̧ cuä'ö icu'a̧nö̧ hua̧'i̧nä̧, nä̧u̧cuä̧rö̧ ö̧jö̧'a̧nö̧'i̧nä̧, koro suronä jȩttö̧'a̧nö̧'i̧nä̧ ubara ttuttu ta'anö, ubara ttucuhuätucu juiya pä'ösä ucutumä.

1 Tesalonicenses 5:14

Tö̧jä̧hua̧tö̧, ja̧'hua̧ta̧nö̧ pä'ätöjä ucuturu. Ötähuätörö adiu ucuocu ji'ähuätucui. Ye'ecuätörö ppä'ädätucui. Juiyupätörö'inä ppä'ädätucui. O'ca toi'önärö cuami 'qui'ächi'ö ka̧cuä̧tu̧cui̧.

Romanos 11:13

Jitä koro juäi jidähua pä'ösä ucuturu, judíos huocotörö. Dios ttörö hue'inö judíos huocotörö jidähua pä'ö. Ja̧'hua̧nö̧ ja̧'a̧ttö̧ adiu chadita pä̧huä̧ rö̧jä̧cu̧sä̧.