1 Timoteo 2:8 - TÄ̧DO Ä̧CUÄ̧ I̧HUȨNȨ

⁸ Ja̧'hua̧nö̧ ja̧'a̧ttö̧ u̧mä̧tö̧ ttidepiyu pa̧ja̧cu̧nä̧ ttami iso'quinä surojö juiyönä ttu̧mö̧ cä'epö, Diosrö ttucuocua pä'ösä. Ja̧'hua̧ta̧nö̧ ttahuaruhuärö ra̧huä̧rä̧cuä̧huä̧ juiyönä'inä, amönä rohuäcuähuä huȩnȩ ucuocuäcuähuä juiyönä'inä ttucuocu'a̧nö̧ ja̧'a̧.

Nuevo Testamento Uwotjüja

⁸ Ja̧'wa̧nü̧ ja̧'a̧ttü̧, u̧mä̧tü̧mä̧ ttü̧ja̧kuo̧mȩ pünä̧ tta̧mi̧so'kinä̧ surojü juiyünä̧, ttü̧ra̧wä̧ro̧ka̧'a̧, pättä'chäkuäwoka'a, ttu̧mü̧ kä'epü Dio-rü ttukuokua pä̧wä̧rü̧jä̧ku̧sä̧.

1 Timoteo 2:8 Referans Kwoze

Hebreos 10:22

Ja̧'hua̧nö̧ ja̧'a̧ttö̧ tami iso'quinä adiu amöcuädö, iso päi'önä esetö kä̧nö̧, Diosrö tötö'cöhuächö'a̧nö̧ ja̧'a̧. Ujutu suronä jȩti̧nö̧ tamöcuädö juiya pä'ö, chutä aditö icuinö tami iso'qui. Ujutu jättäpäyotörö'inä adihuoya, päcuäoyanä töcö icuinä̧u̧jä̧.

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.

Santiago 4:8

Diosrö tö'cöpächätucui. Ja̧u̧ru̧ cutö'cöhuächätucuomenä, ja̧u̧'i̧nä̧ ucuturu ö̧tö̧'cö̧huä̧chä̧cua̧. Ucutu suronä jȩpä̧tö̧mä̧, cu̧mö̧pi̧yä̧ töcähuätucui. Ucutu Diosrö'inä, pi̧jä̧ jähuä'inä amöcuädätö ttö̧ja̧mä̧, Diosrötä amöcuädätucui cuami iso'quitucunä.

San Lucas 24:50

Ja̧'hua̧ ja̧'a̧ Jesús jahuätöcu ötahuiyättö rä'opö 'chi̧nö̧do Betania ötahuiyära̧'a̧. Juhuorö u̧mö̧ cä'epö, Diosrö ucuocuinödo jahuätörö.

1 Pedro 3:7

Ucutu'inä u̧mä̧tö̧, cuirecuarö repe'ö ka̧cuä̧tu̧cui̧. Adiu ucuotönö amöcuädätucui jahuätörö, ucututtu'inä abonänö juiyupätörö. Diosrö pä̧huä̧ rö̧jo̧mȩnä̧, ucuturu iyinö ta'anö, jahuätörö'inä iyinö cunichi'ätucuoca'a ka̧cuä̧tu̧cui̧. Ja̧'hua̧nö̧ jȩpä̧tu̧cui̧, Diosrö cucuocuätucuomenä, surojö juiyäcua'a̧nö̧.

1 Timoteo 5:14

Ja̧'hua̧nö̧ ja̧'a̧ttö̧ ttö pä'ösä rȩcua̧mö̧ möäyotörö, ttirecuorö ttȩmä̧cua̧'a̧nö̧. Tti̧tti̧mö̧rö̧ ttu̧ju̧nä̧rä̧cua̧'a̧nö̧. Ttojusodenä'inä adiu tta̧ttä̧rä̧cua̧'a̧nö̧. Ja̧'hua̧nö̧ adiu jȩtto̧mȩnä̧, ttaboiyotömä suronä ucuocuocotö jahuätörö.

Hechos 21:5

Ko̧ro̧mö̧ttö̧nö̧ todäre mo̧ro̧ o'ca'a rä'opinätöjä. O'ca toi'önä Jesucristorö esetätömä tti̧rȩcua̧mö̧cu̧, tti̧tti̧mö̧cu̧, ujutucu 'chi̧nä̧tö̧ ötahuiyä yabocu. Juhuorö jäyotottö tihue'quiyunä kä̧mä̧dö̧, Diosrö ucuocuinätöjä.

Hechos 10:4

Cornelio ángelrö ye'ö to̧pä̧rö̧ ki̧nö̧do. Pä'inödo: —¿Däjejä̧ttö̧, Chu̧ru̧hua̧? Angel pä'inödo: —Diosmä churutä cucuocua'attö eseunu ä̧ju̧cui̧nö̧. Usurä isotörö ppäcuhuädinömä eseunu topinö.

Hechos 10:2

Cornelio Diosrö amöcuädinödo. O'ca toi'önä ahuaruhuä'inä Diosrö ye'ecunu amöcuädinätödo. Öäre pärätättö rö̧ȩnä̧ iyö ppä'ädinödo judíos ttö̧ja̧ttö̧ usurä isotörö. Ja̧'hua̧ta̧nö̧ 'cuäopönä Diosrö ucuocuinödo.

Hechos 7:60

Ja̧'hua̧ ja̧'a̧ ihue'quiyunä kä̧mä̧dö̧, pä̧i̧cu̧nä̧ huopinödo: —Chu̧ru̧hua̧, unichi'i pitö suronä jȩttö̧mä̧. Ja̧'hua̧nö̧ huopö, 'corupä'i'inödo Estebanmä.

1 Corintios 7:7

O'ca toi'önä ttö chö̧jö̧'a̧nö̧ ttö̧jö̧ttö̧mä̧, adihua'a ttörö. Ja̧'hua̧nö̧ ja̧'a̧nä̧ Dios ka̧ra̧rö̧'i̧nä̧, ka̧ra̧rö̧'i̧nä̧ i̧mi̧cu̧nä̧ ttö̧ja̧ pä'ö hue'inödo, churutä pä̧huä̧ rö̧jo̧mȩnä̧.

Hechos 10:31

Ja̧u̧ pä'äji ttörö: “Ucu Cuä̧do̧ ä̧cua̧rö̧ cucuocua'a eseunu ä̧ju̧cuä̧ji̧ Diosmä. Usurä isotörö ppäcuhuädinömä eseunu amöcuädäji, Cornelio.

San Juan 4:21

Jesús jahuäjuru ädätö pä'inödo: —Isaju, ttörö eseti. Yodoji mo̧ro̧ päi'omenä, ucutumä Diosrötä cua̧'cua̧ cu̧huȩnä̧rä̧cuo̧tö̧jä̧ Jerusalén ötahuiyära̧'a̧'i̧nä̧, pi'ca möä'cara̧'a̧'i̧nä̧ cui̧'chä̧tu̧cuo̧ca'a̧.

San Lucas 23:34

Jesúsru daunä pȩ'o̧pö̧ ttu̧ju̧no̧mȩnä̧, Jesús pä'inödo: —Chä'o, pitö jerupö jȩtta̧'a̧ unichi'i. Su̧ro̧da̧u̧mä̧ Jesús ö̧'ca̧tä̧huä̧ta̧ ttȩma̧ pä'ö, dittö jueö päaja pä'ö pä'ä'chäcuähuinätödo.

San Mateo 21:21

Jesús ädätinödo: —Iso päi'önä pä'ösä ucuturu, ucutu jarodäcuähuä juiyönä cuesetätucuttumä, juhuäi jȩchä̧ji̧ttö̧'i̧nä̧ abonänö jȩcu̧'ä̧tu̧cu̧'a̧nö̧ ja̧'a̧. Ja̧'hua̧ta̧nö̧ ji'caja möä'ca päcuhuätucuttumä: “Pporächi'ö jacuoto ma̧'ä̧chi̧”, pporächi'ö jacuoto ma̧ä̧chä̧cua̧'a̧.

San Mateo 5:44

Jitämä ttö pä'ösä ucuturu, cuaboiyotörö repe'ätucui. Ucuturu suronä jȩpä̧tö̧rö̧, adiunätä ppä'ädätucui. Ucuturu repe'ocotörö, adiu jȩpä̧tu̧cui̧. Ucuturu suronä jȩpö̧ ucuocuätörö, Diosrö jä'epö ucuocuätucui jahuätörö.

San Mateo 6:12

Ja̧'hua̧ta̧nö̧ ujutu suronä jȩtö̧mä̧ jȩpö̧ icu unichi'i, korotömä ujuturu suronä jȩpä̧tö̧rö̧ jȩttö̧ tunichi'ö'a̧nö̧.

2 Corintios 2:14

Diosrö tesehuäcuähuätucuaja. Ja̧u̧tä̧ Cristo Jesúsru teseta'attö, ȩpö̧ ujuturu o'ca juiyönä tujuruhua pä'ö. Ja̧'hua̧ta̧nö̧ koro juäi adiu ameu 'cö̧tta̧'a̧ jä̧'i̧nö̧'a̧nö̧, ä̧ju̧cuä̧tö̧ chutä i̧huȩnȩ, pa̧ja̧cu̧nä̧ jitähuomenä.

Filipenses 1:12

Chö̧jä̧hua̧tö̧, cu̧huo̧juä̧tu̧cua̧ pä'ösä, o'ca juiyönä ttörö 'cuäopäjimä, ttö̧ja̧ suronä jȩttö̧ jȩpö̧ icu huȩnȩ jitähua pä'ö ppädina'a.

1 Tesalonicenses 1:8

Ucutucu äcuomenä kä̧mä̧dö̧ Macedonia rȩjȩttö̧tä̧mä̧cö̧, Acaya rȩjȩttö̧tä̧mä̧cö̧ ä̧ju̧cui̧nä̧tö̧ Tu̧ru̧hua̧ i̧huȩnȩ. O'ca toi'önä pa̧ja̧cu̧nä̧ ä̧ju̧cui̧nä̧tö̧ Tu̧ru̧hua̧ i̧huȩnȩ. Ujutu jitähuoca'anä, o'ca toi'önä huo̧juä̧tö̧ ucutu Diosrö cuesetätucua'a.