1 Timoteo 1:7 - TÄ̧DO Ä̧CUÄ̧ I̧HUȨNȨ

⁷ Jahuätö hueähuä huȩnȩ huo̧juȩcuä̧ isotö päi'önä ttö̧ja̧cua̧ pä'ätö. Ja̧'hua̧nö̧ ttö̧ja̧cua̧ pätta'anä, jitötä ttucuocu'inä, eseunu ttu̧huo̧juȩtö̧'i̧nä̧ jerupätö.

Nuevo Testamento Uwotjüja

⁷ Dio weü wȩnȩ wo̧juȩkuä̧ isotü ttü̧ja̧kua̧ pätta'anä̧, jitütä tta̧mü̧nä̧ ttukuoku'i̧nä̧, ttu̧wo̧juȩtü̧'i̧nä̧ isopäi'ünä̧ jü̧nä̧mä̧ wo̧jui̧'o̧ko̧tü̧.

1 Timoteo 1:7 Referans Kwoze

Romanos 1:22

Ja̧'hua̧ta̧nö̧ huo̧juä̧tö̧jä̧ pätta'anä, yoröiso ttu̧'ȩpä̧ro̧co̧tö̧.

2 Pedro 2:12

Pitö u̧mä̧tö̧ de'a isotö ta'anö ä̧ju̧cuo̧co̧tö̧. Topötä ka̧cuä̧tö̧do. 'Chu'ädö cuä'ö tticuatö pä'ötä böo juo'ätö. Ttä̧ju̧cu̧ juiyönä ucuocuätö suräjuä huȩnȩ. De'a i̧sa̧ 'corupäi'ö'a̧nö̧ 'corupätti'äcuotö.

Gálatas 3:5

Dios ucuturu Espíritu Santorö'inä iyomenä, ucutu cu̧'quȩtȩtu̧cu̧nä̧ ttö̧ja̧ ttieru juäi'inä jȩo̧mȩnä̧, ¿dä̧bö̧ jȩa̧'a̧jä̧ttö̧ Dios ja̧u̧mä̧? Hueähuä huȩnȩ jȩcu̧'i̧yä̧tu̧cuä̧cu̧mä̧ jȩpo̧cö̧ ja̧u̧mä̧. Ja̧u̧mä̧ ja̧'hua̧nö̧ jȩpö̧ ucutu ujuturu ä̧ju̧cu̧ cuesetiniyätucuäcu.

2 Timoteo 3:7

Jahuätö ttu̧huo̧jui̧'a̧ pätta'anä yoröiso huo̧jui̧po̧co̧tö̧ iso päi'önä huȩnȩ.

Gálatas 3:2

Chu̧huo̧jua̧ ji'ähuätucuittö: ¿Ucutumä Espíritu Santorö ku̧nä̧rä̧tö̧jä̧ tä̧ji̧, Moisés hueähuä huȩnȩ jȩcu̧'i̧nä̧tu̧cua̧'a̧ttö̧mä̧? Isocö̧. Ucutumä Espíritu Santorö ku̧nä̧rä̧tö̧jä̧, ujutu jitähuinö esetö cuä̧ju̧cui̧nä̧tu̧cua̧'a̧ttö̧.

Gálatas 4:21

Ucutu iso päi'önä Moisés hueähuä huȩnȩ jȩcu̧'ä̧tu̧cua̧ pä'ätömä, chä̧ju̧cua̧ ji'ähuätucuittö pi̧yȩ: ¿Ä̧ju̧cuo̧co̧tö̧ pi̧nä̧tö̧jä̧ tä̧ji̧ ja̧u̧ hueähuä huȩnȩ päa'a?

San Mateo 15:14

Huäinä 'chä̧tö̧. Jahuätömä, ttä̧to̧cä̧cha̧'a̧nä̧ korotö ä̧to̧cä̧tö̧ ttä̧'canä 'chä̧tö̧. Ja̧'hua̧ta̧nö̧ ya̧tȩ ä̧to̧ca̧mä̧ ka̧ra̧ ä̧to̧ca̧ ä'canä i̧'chö̧ttö̧mä̧, ta̧ju̧cuä̧yo̧tö̧ rȩju̧ jacuä ma̧ttä̧chö̧'a̧nö̧ ja̧'a̧.

Hechos 15:1

Ja̧u̧nu̧ pä̧nä̧ korotö u̧mä̧tö̧ Judea rȩjȩttö̧ Antioquía ötahuiyära̧'a̧ ichinätödo. Jahuätö Jesucristorö esetätörö pä'inätödo: —Moisés hueinö ta'anö circuncisión jȩcu̧'ä̧tu̧cu̧ juiyöttömä, Diosmä suronä jȩcu̧'i̧nä̧tu̧cu̧ jȩpö̧ icuoco̧u̧jä̧, —pä'ö huo̧juȩti̧nä̧tö̧do.

San Mateo 21:27

Ja̧'hua̧ ja̧'a̧ttö̧ Jesúsru pä'inätödo: —Ujutu jerupätöjä. Ja̧'hua̧nö̧ pättomenä, chutä ädätinödo: —Ja̧u̧ttu̧mä̧, ttörö hue'inörömä ji'ähuocösä.

San Lucas 2:46

Huäbodäcuä mo̧ro̧ o'come Diosrö ucuocuäcuähuodera̧'a̧ttö̧ ttö̧'o̧cui̧'i̧nä̧cu̧do, Moisés hueähuä huȩnȩ huo̧juȩtä̧tö̧ ttö̧'quȩtȩnä̧ jä̧'ȩpä̧rö̧ ä̧ju̧cu̧ ö̧'a̧'a̧.

Santiago 3:1

Chö̧jä̧hua̧tö̧, ucututtu a̧'u̧cu̧nä̧tä̧ ttu̧huo̧juȩtö̧'a̧nö̧ ja̧'a̧. Ucutu huo̧juä̧tö̧jä̧ ujutu huo̧juȩcuä̧ ttö̧ja̧rö̧mä̧ huo̧jui̧pä̧tö̧ttö̧'i̧nä̧ abonänö pä̧cua̧ Dios.