1 Timoteo 1:20 - TÄ̧DO Ä̧CUÄ̧ I̧HUȨNȨ

²⁰ Ja̧'hua̧nö̧ jȩpi̧nä̧tö̧ Himeneo'inä, Alejandro'inä. Jahuätörö hue'inösä ähuettärö, ttu̧huo̧jua̧ pä'ö Diosrö suronä ttucuocu juiyäcua'a̧nö̧.

Nuevo Testamento Uwotjüja

²⁰ Pi̧yȩmä̧ Himeneo-rü'i̧nä̧, Alejandro-rü'i̧nä̧ 'kuäopinü̧, juätümä̧ Satanás-rü̧ iyü chi̧kui̧nä̧u̧ Dio-rümä̧ to'ija̧'a̧ku̧mä̧ pä'ä'chäkuäwokü pä'ü ttu̧wo̧jui̧pä̧kua̧'a̧nü̧.

1 Timoteo 1:20 Referans Kwoze

2 Timoteo 2:17

Ja̧u̧ huȩnȩ ucuocuätömä sittähuächö märichei na̧'ä̧chä̧tö̧, sittähuächa'a jä̧'i̧nö̧'a̧nö̧ huotö. Himeneocu, Filetocu ja̧'hua̧nö̧ jö̧ huȩnȩ ucuocuätö.

1 Corintios 11:32

Ja̧'hua̧nö̧ ja̧'a̧nä̧ Tu̧ru̧hua̧mä̧ ujuturu ka̧cuä̧mö̧ tomenä, ujuturu adiu ro̧'ȩpö̧, pi̧jä̧ ttö̧ja̧ ro̧ȩcuȩ 'cuätopö juiya pä'ö.

2 Tesalonicenses 3:15

Ja̧'hua̧nö̧ ja̧'a̧nä̧ cua̧bo̧i̧ya̧tu̧cu̧ päi'önä jȩcu̧'ä̧tu̧cuä̧rö̧. Cu̧jä̧hua̧tu̧cu̧ru̧ cucuocuätucu'a̧nö̧, ucuocu ppä'ädätucuirö.

Apocalipsis 3:19

Ttömä o'ca toi'önärö repedä̧u̧ru̧ ro̧'ȩpö̧ tä̧bo̧tö̧sä̧. Ja̧'hua̧nö̧ ja̧'a̧ttö̧ adiunä amöcuädö jȩpö̧, pärocuäcutä amöcuädi.

Hechos 19:33

Judíos ttö̧ja̧mä̧ Alejandrorö ttö̧ja̧ ttö̧'quȩtȩttö̧ 'chu'ädö, ttö̧ja̧ ttä'ca jo̧mȩ kä̧mä̧dö̧ kittopinäcudo. Korotö 'cuäopäjimä Alejandrorö ji'ähuinätödo. Jahuätörö jiähuäcua'a ä'canä u̧mö̧ cä'epinödo ttö'coruchi'a pä'ö.

Apocalipsis 13:1

Ttö dubora rö̧ora jäyoto rȩba̧nä̧ chö̧jo̧mȩnä̧, pä̧i̧cua̧ i̧sa̧, uhuiyä'inä ko̧ro̧mö̧ttö̧nö̧ todäre ku̧nä̧rö̧mä̧, u i̧sä̧juä̧'i̧nä̧ to̧mö̧rȩ jähuä ku̧nä̧rö̧mä̧, juhuorattö räopa'a topinösä. Koro u i̧sä̧juä̧nä̧'i̧nä̧, koro u i̧sä̧juä̧nä̧'i̧nä̧ ppöttähuä huȩnä̧ri̧nö̧. Koro unä'inä, koro unä'inä Diosrö suronä pä'ö huȩnȩ huȩyu̧cui̧na̧'a̧.

2 Timoteo 3:2

U̧mä̧tö̧ jitöätä ttamöcuädäutä ttamöcuädäcuotö. Pärätä rö̧ȩnä̧ ttamöcuädäcuotö. Ttösä adihuä i̧sa̧ pättähuäcuotö. Diosrö suronä ttucuocuäcuotö. Ttä'o hueö jȩpo̧co̧tö̧ ttäcuotö. Ttahuaruhuärö esehuocotö ttäcuotö. Dios i̧huȩnȩ esetocotö ttäcuotö.

2 Timoteo 2:14

Tu̧ru̧hua̧ ä'ca jo̧mȩttö̧ adiu ji'äu huo̧juȩti̧ pi̧yȩ huȩnȩ. Amönä ttucuocu huȩnȩ jarotti'a huo̧juȩti̧. Ja̧'hua̧nö̧ ucuocuäcuähuä yoröiso micuähuocö. Ja̧u̧ amönä ttucuocu huȩnȩ ä̧ju̧cuä̧tö̧mä̧, Diosrö amöcuädocotö.

2 Corintios 10:6

Ja̧'hua̧ta̧nö̧ ucutu o'ca juiyönä pätö ta'anö jȩcu̧'ä̧tu̧cu̧ o'ca'a, korotö ja̧'hua̧nö̧ jȩpo̧co̧tö̧rö̧ tö̧tä̧bo̧tä̧cuo̧tö̧jä̧.

Hechos 13:45

Judíos ttö̧ja̧ topinätödo Pablocu ttö̧ja̧ recuätö tti̧'cha̧'a̧. Ja̧'hua̧nö̧ ja̧'a̧ttö̧ ra̧huä̧rö̧ a'cuoyähuinätödo Pablorö. —Pablo yapareu ucuocu. Suronä jȩpö̧, —pä'inätödo.

2 Corintios 13:10

Pi̧yȩ cuyäru huȩyu̧tu̧sä̧ ucuturu topö chi̧'chä̧cua̧'a̧ ä'canä, chi̧'cho̧mȩnä̧ pä̧i̧cu̧nä̧ ro̧dȩpö̧ juiya pä'ö, Tu̧ru̧hua̧ hueinö jȩpö̧. Chutä Tu̧ru̧hua̧, hue'inö ujurunä ttörö, ja̧'hua̧nö̧ ppädäda pä'ö ucuturu, juhua'a yabonö rö̧ä̧chö̧nä̧ cuesetätucuarö pä'ö. Ucuturu be'epäjipö chicua pä'ö hue'ocö pi̧nö̧do.

San Mateo 18:17

Ucuturu ji̧nä̧ ä̧ju̧cu̧ juiyöttömä, o'ca toi'önä iglesia ruhuä ttä'ca jo̧mȩttö̧ ucuocuirö. Ja̧'hua̧nö̧ ja̧'a̧nä̧ jahuätörö o'ca toi'önärö ä̧ju̧cu̧ juiyöttömä, 'quȩ'i̧pä̧chä̧tu̧cui̧rö̧ ka̧ra̧ Diosrö esetocö ö̧jö̧'a̧nö̧ ö̧ja̧ pä'ö. Ja̧'hua̧ta̧nö̧ ru̧hua̧ öäre pärätä ȩmä̧'i̧jö̧ ö̧jö̧'a̧nö̧ ö̧jä̧cua̧.

1 Timoteo 5:15

Täcö yotöte rȩcua̧mö̧ jaropi'inätö, ähuettäcu cuettächa pä'ö.

Hebreos 12:5

Dios ucuturu, i̧tti̧mö̧rö̧, päinömä ¿unichi'inätöjä tä̧ji̧? Huȩyu̧cuä̧ Huȩnȩ pa̧'a̧nö̧ päa'a: Ttö chi̧tti̧, Tu̧ru̧hua̧ ucuru ro̧ȩpo̧mȩnä̧, korotä cuamöcuädä'chä'. Ja̧'hua̧ta̧nö̧ ucuru ro̧ȩpo̧mȩnä̧, cuijuiyuhuä'.