1 Timoteo 1:13 - TÄ̧DO Ä̧CUÄ̧ I̧HUȨNȨ

¹³ Äcuomenä Jesucristorö suronä ucuocuinösä rö̧ȩnä̧. Jesucristorö esetätörö'inä rö̧ȩnä̧ suronä jȩpi̧nö̧sä̧. Ja̧'hua̧ta̧nö̧ rö̧ȩnä̧ suronä ucuocu'inä, suronä jȩpö̧'i̧nä̧ ki̧nö̧sä̧. Ttö jȩchö̧mä̧ jerupinösä. Diosrö'inä esetocö pi̧nö̧sä̧. Ja̧'hua̧nö̧ jȩpö̧ chö̧jo̧mȩnä̧, Dios re rö̧jö̧nä̧ topinö ttörö.

Nuevo Testamento Uwotjüja

¹³ ä'kojimä̧ churutä to'ija̧'a̧ku̧ suronä̧ ppädä'chia'anä̧, suronä̧ amükuädü chusina'a̧nä̧, ja̧'wa̧ta̧nü̧ suronä̧ wochina̧'a̧nä̧, Dio-mä̧ rȩrü̧jü̧ toinä̧ku̧sä̧, jua'amä̧ Dio-rü esetü jui'ü, jȩchü̧mä̧ chieruwa'attü̧.

1 Timoteo 1:13 Referans Kwoze

Hechos 8:3

Ja̧'hua̧ ja̧'a̧ Saulo juiyo suronä jȩpi̧nö̧do Jesucristorö esetätörö. Korodenä'inä, korodettö'inä do'ächö, u̧mä̧tö̧rö̧'i̧nä̧, nä̧tö̧rö̧'i̧nä̧ 'chu'ädö ȩpi̧nö̧do cärenä öta pä'ö.

1 Pedro 2:10

Pä'äjimä ttumöhuäyotö pocotö pi̧nä̧tö̧jä̧. Jitämä Dios umöhuäyotöjä. Pä'äjimä ihueye tta̧'cua̧ tta̧nö̧ tottoco̧u̧ pi̧nä̧tö̧ja̧. Jitämä Dios re rö̧jö̧nä̧ toä̧u̧jä̧.

Hechos 9:13

Ja̧'hua̧nö̧ ä̧ju̧cu̧ Ananías ädätinödo: —Chu̧ru̧hua̧, pide juiyo suronä jȩpi̧nö̧ pä'ö jittähua'a ä̧ju̧cuä̧ji̧sä̧, Jerusalén ötahuiyänä ucuru esetätörö.

Hebreos 4:16

Ja̧'hua̧nö̧ ja̧'a̧ttö̧ adihuä Dios ö̧jo̧mȩ, eseunu tötö'cöhuächö'a̧nö̧ ja̧'a̧, ja̧u̧ re rö̧jö̧nä̧ toäcua'a̧nö̧ ujuturu. Ja̧'hua̧ta̧nö̧ ujuturu suronä 'cuäopomenä, adiu ppädäcua'a̧nö̧.

Hechos 3:17

“Ja̧'hua̧nö̧ ja̧'a̧ chahuaruhuä, huo̧jua̧sä̧ ucutu'inä curuhuotö'inä cuä'ö cuicuätucuomenä, cuieruhuätucua'attö cuä'ö icuinätöjä.

San Lucas 23:34

Jesúsru daunä pȩ'o̧pö̧ ttu̧ju̧no̧mȩnä̧, Jesús pä'inödo: —Chä'o, pitö jerupö jȩtta̧'a̧ unichi'i. Su̧ro̧da̧u̧mä̧ Jesús ö̧'ca̧tä̧huä̧ta̧ ttȩma̧ pä'ö, dittö jueö päaja pä'ö pä'ä'chäcuähuinätödo.

1 Timoteo 1:16

Ja̧'hua̧nö̧ ja̧'a̧nä̧'i̧nä̧ Dios re rö̧jö̧nä̧ topinö ttörö. Dios ttö suronä jȩchö̧ jȩpö̧ icuinö, o'ca toi'önä ttu̧huo̧jua̧ pä'ö Jesucristo ami 'qui'ächi'ö topö suronä jȩpä̧tö̧rö̧. Dios ttörö ja̧'hua̧nö̧ jȩpi̧nö̧, korotö'inä ttö ta'anö kä̧cuä̧huä̧ i'co ttu̧ju̧nä̧ra̧ pä'ö ttesetomenä.

Filipenses 3:6

Ja̧'hua̧nö̧ jȩpö̧, yoröiso suronä jȩpi̧nö̧sä̧ Diosrö esetinätörö. Judíos ttö̧ja̧ hueähuä huȩnȩ adiu jȩpö̧ kä̧cuä̧huä̧nä̧ adiu chö̧ja̧'a̧ttö̧, korotömä yoröiso suronä ucuocuocotö pi̧nä̧tö̧ ttörö.

Gálatas 1:13

Ucutu täcö ä̧ju̧cui̧nä̧tö̧jä̧ ttö ä'coji chö̧ji̧nö̧ huȩnȩ, judíos ttö̧ja̧ ttesetinö jȩchi̧nö̧ huȩnȩ. Ja̧'hua̧ta̧nö̧ huo̧juä̧tö̧jä̧, Diosrö esetätörö ra̧huä̧rö̧ suronä jȩchi̧nö̧. Yoröiso toönä bettipächa pä'ö amöcuädö jȩpi̧nö̧sä̧.

1 Corintios 15:9

Ttömä korotö Jesús hue'ähuotöttö'inä abonänö usurä i̧sa̧sä̧. Ttörömä Jesús huȩ'ä̧hua̧ pättö juiyö'a̧nö̧ ja̧'a̧, Diosrö esetätörö suronä jȩchi̧na̧'a̧ttö̧.

1 Corintios 7:25

Ttirecua to'ätörö Tu̧ru̧hua̧ttö̧ hueähuä huȩnȩ jui̧'a̧sä̧. Ja̧'hua̧nö̧ ja̧'a̧nä̧ Diosrö pä̧huä̧ rö̧jo̧mȩnä̧ huȩ'ä̧hua̧ cha'attö, ttötä chamöcuädö ji'äusä.

Hechos 22:4

Adiu kä̧cuä̧huä̧ huȩnȩ esetätörö suronä jȩpi̧nö̧sä̧ bettipächönä cuä'ö chicua pä'ö. U̧mä̧tö̧rö̧'i̧nä̧, nä̧tö̧rö̧'i̧nä̧ cuoräusanä nö̧'cä̧rö̧ ȩpi̧'ä̧ji̧nö̧sä̧ cärenä chöta pä'ö.

Hechos 9:5

Saulo pä'inödo: —Chu̧ru̧hua̧, ¿di jä̧ ucumä? Ja̧'hua̧nö̧ jäepomenä ädätinödo: —Ttötäsä Jesúsmä. Suronä jȩcu̧'u̧mä̧ ttörötä suronä jȩpö̧jä̧. Ucutä cuamönätä suronä jȩpä̧cuä̧u̧jä̧, buey chuta amönä so̧a̧ri̧nä̧ teächäcuähua'a jä̧'i̧nö̧'a̧nö̧.

Hechos 9:1

Ja̧u̧nu̧ pä̧nä̧ Saulo ra̧huä̧rö̧ ro̧'ȩpö̧ ki̧nö̧do Jesucristorö esetätörö cuä'ö icua pä'ö. Sacerdotes ttu̧ru̧hua̧rö̧ jä'epö 'chi̧nö̧do. Ja̧u̧ru̧ jä'epinödo cuyäru ojiyä huȩyu̧tu̧ iyarö pä'ö, chutäcu huea pä'ö judíos ttu̧huo̧jui̧'i̧nodehuiyä ruhuotörö, Damasco ötahuiyänä ka̧cuä̧tö̧rö̧, iya pä'ö, juhua'attö Jesucristo i̧huȩnȩ esetätörö, u̧mä̧tö̧rö̧'i̧nä̧, nä̧tö̧rö̧'i̧nä̧ ö̧'o̧cui̧'ö̧ttö̧mä̧, i'cächa pä'ö Jerusalénra̧'a̧.

San Lucas 12:47

“Adicuä i̧sa̧ u̧ru̧hua̧rö̧ pä̧huä̧ rö̧jö̧ u̧huo̧jua̧'a̧nä̧, jo̧mȩ päi'önä jȩä̧cuä̧huä̧nä̧ jȩpo̧cö̧mä̧, pä̧i̧cu̧nä̧tä̧ cuäcuäpäcuähua̧ jä̧cua̧ ja̧u̧mä̧.