1 Timoteo 1:10 - TÄ̧DO Ä̧CUÄ̧ I̧HUȨNȨ

¹⁰ Ja̧'hua̧ta̧nö̧ nä̧tö̧rö̧ suronä jȩpä̧tö̧rö̧, u̧mä̧tö̧ u̧mä̧tö̧cu̧ suronä jȩpä̧tö̧rö̧, korotörö 'chu'ädö ȩmi̧pä̧tö̧rö̧, yapareu huȩnȩ ucuocuätörö, o'ca toi'önä adihuä huȩnȩ päö ta'anö jȩpo̧co̧tö̧rö̧ päa'a ja̧u̧ hueähuä huȩnȩ.

Nuevo Testamento Uwotjüja

¹⁰ Ja̧'wa̧ta̧nü̧ irekua wokojuku kkirekuo woküku jȩpä̧'chä̧tü̧rü̧'i̧nä̧, u̧mä̧tü̧ ttawaruwä u̧mä̧tu̧ku̧ jȩpä̧'chä̧tü̧rü̧'i̧nä̧, ttü̧ja̧rü̧ nä̧u̧kuä̧rä̧tü̧rü̧'i̧nä̧, yaparewätürü'i̧nä̧, ja̧'wa̧ta̧nü̧ kkorojueinä̧ i̧mi̧nä̧ wȩnȩtü̧ ttesetünä̧ jȩpä̧'chä̧tü̧rü̧'i̧nä̧ ja̧'wa̧ta̧nü̧ adiwäjuei wȩnȩ ttu̧wo̧juȩtü̧ to'ija̧'a̧ku̧ wo̧juȩtä̧tü̧rü̧'i̧nä̧.

1 Timoteo 1:10 Referans Kwoze

2 Timoteo 4:3

Koronö mo̧ro̧ päi'omenä, yoröiso ä̧ju̧cuo̧co̧tö̧ ttäcuotö adihuä huo̧juȩcuä̧ huȩnȩ. Jitötä ttamönä ttamöcuädö jȩpö̧, ottäcuotö huo̧juȩcuä̧ isotörö jitörötä pä̧huä̧ rö̧jö̧ä̧tä̧ ttu̧huo̧juȩta̧tö̧ pä'ö.

Romanos 1:26

Ja̧'hua̧nö̧ ja̧'a̧ttö̧ Dios jaroi'inä̧u̧ jitörötä, surojö pä̧huä̧ rö̧jö̧ jȩtta̧'a̧ttö̧. Nä̧tö̧'i̧nä̧, u̧mä̧tö̧cu̧ jȩa̧cuä̧hua̧ jaropi'ö, jȩä̧cuä̧huo̧cö̧'i̧nä̧ nä̧tö̧ nä̧tö̧cu̧ suronä jȩpä̧tö̧.

Apocalipsis 21:27

Ja̧'hua̧nö̧ ja̧'a̧nä̧ idicuätö'inä, suronä ttöjö'cocö juäi jȩpä̧tö̧'i̧nä̧, yapareu ji'äu jȩpä̧tö̧'i̧nä̧ ju̧huȩnȩmä̧ yoröiso do'ächocotö ttäcuotö. Jitämä tti̧mi̧mä̧ kä̧cuä̧huä̧ i'co cuyäru'tänä, Cordero 'chu̧huä̧rä̧'tänä huȩyu̧cuä̧tö̧tä̧ ju̧huȩnȩmä̧ dottächäcuotö.

1 Timoteo 6:3

Ya̧tȩ koro huȩnȩ, adihuä huȩnȩ, Tu̧ru̧hua̧ Jesucristo i̧huȩnȩ, ujutu tu̧huo̧juȩtö̧ huȩnȩttö̧'i̧nä̧ i̧mi̧cu̧nä̧ jiäuttumä, jerupö a'cuoyäunu ji'äu. Rohuä huȩnȩtä̧ ucuocuäcuähuä kö̧'ca̧. Ja̧u̧ huȩnȩttö̧ räopa'a a'cuoyähuäcuähuä'inä, curä huȩnȩ'i̧nä̧, ttahuaruhuärö suronä ucuocuäcuähuä'inä, suronä amöcuädäcuähuä'inä.

Judas 1:7

Jahuätö ángeles, suronä jȩpi̧nä̧tö̧rö̧ tä̧bo̧ti̧nö̧do Dios. Ja̧'hua̧ta̧nö̧ Sodoma ötahuiyä ttö̧ja̧rö̧'i̧nä̧, Gomorra ötahuiyä ttö̧ja̧rö̧'i̧nä̧, koro ötahuiyä tö'cönänö ka̧cu̧ ttö̧ja̧rö̧'i̧nä̧ tä̧bo̧ti̧nö̧do. Jahuätömä nä̧tö̧cu̧ u̧mä̧tö̧cu̧ suronä jȩpi̧nä̧tö̧do. Ja̧'hua̧ta̧nö̧ u̧mä̧tö̧ u̧mä̧tö̧cu̧ suronä jȩpi̧nä̧tö̧do. Ja̧'hua̧ ja̧'a̧ Dios jahuätörö ocuränä, beipocaränä tä̧bo̧cuä̧ päi'önä ku icuinö, huo̧juȩcuä̧ päi'önä ka̧'a̧ jitä ka̧cuä̧tö̧rö̧.

Tito 1:9

Churutä Dios i̧huȩnȩ, ttu̧huo̧juȩti̧nö̧ huȩnȩ, adiu esetö ö̧jä̧cua̧'a̧nö̧. Ja̧'hua̧ta̧nö̧ ja̧u̧ huȩnȩ huo̧juȩtö̧ korotörö. Ja̧'hua̧ta̧nö̧ suronä ucuocuätörö, ja̧u̧ huȩnȩ ucuocu jiähuäcua'a̧nö̧.

Apocalipsis 21:8

Ja̧'hua̧nö̧ ja̧'a̧nä̧ ye'ecuätö'inä, esetocotö'inä, ttahuaruhuärö kö'cocotö'inä, korotörö cuä'ö icuätö'inä, nä̧tö̧rö̧ suronä usätö'inä, märirö esetö jȩpä̧tö̧'i̧nä̧, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esetö ucuocuätö'inä, o'ca toi'önä yapareu ji'ähuätö'inä, ocurä rö̧arära̧'a̧, azufrenä cuoarära̧'a̧ tti̧'chä̧cuo̧tö̧. Ja̧u̧ todärenä 'corupäi'äcuähuä ja̧'a̧.

Hebreos 13:4

O'ca toi'önä cuirecuarö ku̧nä̧rä̧tö̧mä̧, korotö ucuturu ttucuotäcua'a̧nö̧. Karajuru suronä jȩcu̧'ä̧'chä̧tu̧cuä̧'. Ja̧'hua̧nö̧ irecuarö ku̧nä̧rö̧, nä̧tö̧rö̧ suronä jȩpä̧'chö̧rö̧'i̧nä̧, irecua to̧'a̧ nä̧tö̧rö̧ suronä jȩpä̧'chö̧rö̧'i̧nä̧ ö̧tä̧bo̧tä̧cua̧ Dios.

Apocalipsis 22:15

Ja̧'hua̧nö̧ ja̧'a̧nä̧ esetocotö'inä, märirö esetätö'inä, nä̧tö̧rö̧ suronä usätö'inä, ttö̧ja̧rö̧ cuä'ö icuätö'inä, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esehuätö'inä, yapareu jȩpö̧ kö'cätö'inä, yapareu ji'ähuätö'inä u̧mi̧nä̧tä̧ ttö̧ja̧cuä̧cuo̧tö̧.

2 Timoteo 1:13

Ucuru adiu huo̧juȩcuä̧ jidähuinömä, 'cuäopönä amöcuädö kä̧hui̧. Cristo Jesúsru adiu esetö, cuahuaruhuärö repe'ö kä̧hui̧.

San Juan 8:44

Ucutu cuä'otucumä, ähuettä ja̧'a̧. Ja̧u̧ i̧tti̧mö̧jä̧ ucutumä. Ja̧u̧ru̧ pä̧huä̧ rö̧jö̧tä̧ jȩcu̧'ä̧tu̧cua̧ pä'ätöjä. Ähuettä ihueye ttö̧ja̧rö̧ cuä̧'ä̧hua̧ pi̧nö̧do. Iso päi'önä jähuä yoröiso jȩpo̧cö̧ pi̧nö̧do. Ja̧'hua̧ta̧nö̧ iso päi'önä huȩnȩ'i̧nä̧ ucuocuocö pi̧nö̧do. Yapareu jiähuomenä, chutä jö̧ ta'anö ji'äu. Ja̧u̧mä̧ ihueye ya̧pa̧rȩhua̧. Ja̧'hua̧ta̧nö̧ ja̧u̧mä̧ yapareu huȩnȩ kada'cado.

Tito 1:13

Ja̧'hua̧nö̧ päinömä, iso päi'önä pä'inö. Ja̧'hua̧nö̧ ja̧'a̧ttö̧ juruhuächi'ö huo̧juȩti̧tö̧ adiu esetö ttö̧ja̧cuä̧cua̧'a̧nö̧.

Apocalipsis 18:13

Ja̧'hua̧ta̧nö̧ cuäcuähuä jahuapö ȩnä̧huä̧ juäi, rö̧ȩnä̧ a̧mȩu̧ juäi'inä, canela'inä, koro incienso'inä, mirra'inä, adiu a̧mȩu̧ juäi isoya'inä, vino'inä, a̧dȩ'i̧nä̧, pan adicuä i̧sa̧ppȩ'i̧nä̧, trigo cuäcuähuä'inä ȩmä̧tö̧ toäcua'a. Ja̧'hua̧ta̧nö̧ isotörö amäcö juäi do'ätörö'inä, o̧vȩja̧stö̧rö̧'i̧nä̧, ca̧ba̧llo̧stö̧rö̧'i̧nä̧, caruquiyä'inä, ttö̧ja̧ adicuä isotörö'inä, ttö̧ja̧rö̧'i̧nä̧ tti'cächomenä, ȩmä̧tö̧ toäcua'a.

1 Timoteo 4:6

Tö̧jä̧hua̧tö̧rö̧ pi̧yȩ huȩnȩ cu̧huo̧juȩto̧mȩnä̧, adiu jȩpö̧jä̧ Jesucristo hueähuä. Ja̧'hua̧ta̧nö̧ cuesetinö'inä, ucuru ttu̧huo̧juȩti̧nö̧'i̧nä̧ jȩcu̧'i̧nö̧ ta'anö jȩcu̧'o̧mȩnä̧, juhua'a yabonö cu̧ju̧ru̧huä̧cua̧jä̧.