1 Tesalonicenses 2:3 - TÄ̧DO Ä̧CUÄ̧ I̧HUȨNȨ

³ Ujutu tieru huȩnȩmä̧ ji'ähuocotöjä. Ja̧'hua̧ta̧nö̧ suronä amöcuädö ji'ähuocotöjä. Ucuturu yapareu ucuocu ji'ähuocotöjä.

Nuevo Testamento Uwotjüja

³ Ujutu jitäumä̧ jäyä jäwämä̧ jo̧ka̧'a̧ ja̧'wa̧ta̧nü̧ surojükumä̧ wiwawoka'a ja̧'wa̧ta̧nü̧ yaparetü'i̧nä̧ ji'äwokotüjä̧.

1 Tesalonicenses 2:3 Referans Kwoze

2 Corintios 4:2

Ujutumä jaropi'inätöjä o'ca juiyönä dajahuächö jȩä̧cuä̧huä̧'i̧nä̧, dä'äcu jȩä̧cuä̧huä̧'i̧nä̧. Ujutumä yapareu jȩpo̧co̧tö̧jä̧. Ja̧'hua̧ta̧nö̧ Dios i̧huȩnȩ'i̧nä̧ i̧mi̧cu̧nä̧ ji'ähuocotöjä. Ji̧yȩä̧cuȩtä̧, iso päi'önä huȩnȩtä̧ ucuocuätöjä pi̧jä̧ ttö̧ja̧rö̧, Dios ä'ca jo̧mȩttö̧ ttamöcuädäcua'a̧nö̧ jitötä.

2 Corintios 2:17

Ujutumä Dios i̧huȩnȩ ji'äu kä̧nö̧, koro pä'ö ȩmo̧co̧tö̧jä̧ korotö recuätö jȩttö̧'a̧nö̧. Ujutu jueönä ta̧'cua̧ pö̧nö̧ ji'ähuätöjä Dios hue'ähuotö jittäu ta'anö. Ja̧'hua̧ta̧nö̧ Dios ä'ca jo̧mȩttö̧ ji'ähuätöjä Cristo umöhuäyotö jittäu ta'anö.

1 Tesalonicenses 4:7

Dios ujuturu ȩmo̧cö̧ pi̧nö̧ suronä jȩpö̧ kä̧nö̧ tö̧ja̧cua̧ pä'ö. Pärocua'acu churutä adiu amöcuädö, surojö juiyönä adiu jȩta̧ pä'ö pä̧huä̧ rö̧jä̧cu̧.

2 Corintios 7:2

Cuami iso'quitucunä eseunu topätucui ujuturu. Suronämä yoröiso jȩpo̧co̧tö̧ pi̧nä̧tö̧jä̧ korotörö. Ja̧'hua̧ta̧nö̧ ujutu jitähuomenä, korotö i̧mi̧cu̧nä̧ koro juäi huȩnȩ esetocotö pi̧nä̧tö̧do. Ujutu yoröiso yapareu ji'ähuocotö pi̧nä̧tö̧jä̧.

2 Corintios 4:5

Ujutu Cristo i̧huȩnȩ jitähuomenä, tamönämä ji'ähuocotöjä. Jesucristo Tu̧ru̧hua̧ päi'önä ö̧jö̧ huȩnȩ ji'ähuätöjä. Ja̧'hua̧ta̧nö̧ Jesús ujuturu repea'attö: “Ujutumä ucutu cumöhuäyotöjä” pä'ätöjä.

2 Pedro 1:16

Tu̧ru̧hua̧ Jesucristo ujuru huȩnȩ'i̧nä̧, ichä̧cuȩ huȩnȩ'i̧nä̧ ucuturu tu̧huo̧juȩti̧nö̧ huȩnȩ, pi̧jä̧ ttö̧ja̧ tti̧huȩnȩmä̧cö̧do ja̧u̧ huȩnȩ. Ujutu tö'ärenä topinätöjä Tu̧ru̧hua̧ ujurunä jȩa̧'a̧.

2 Tesalonicenses 2:11

Ja̧'hua̧nö̧ ja̧'a̧ttö̧ Dios huȩä̧cua̧ jahuätörö, yapareu huȩnȩ tteseta pä'ö.

1 Tesalonicenses 2:11

Ucutu huo̧juä̧tö̧jä̧, ya̧tȩ i̧tti̧mö̧rö̧ ppä'ädö u̧huo̧juȩta̧'a̧ jä̧'i̧nö̧'a̧nö̧, ppä'ädö huo̧juȩti̧nä̧tö̧jä̧ ucuturu o'ca toi'önärö.

2 Corintios 11:13

Jahuätö yapareu huȩnȩ jittähua pä'ö hue'ähuotö. Jahuätömä yapareu ji'äu, Cristo hue'ähuotörö a̧'cua̧rö̧nä̧ cue'ächätö.

Hechos 4:36

Ja̧'hua̧nö̧ ja̧'a̧ ya̧tȩ levita i̧sa̧ pi̧nö̧do, José pä'ö mi̧cua̧. Ja̧u̧ Chipre kä'co i̧sa̧sa̧ttö̧ uhuäpächinödo. Jesús hue'ähuotö i̧mi̧ päjure Bernabé ottinäcudo. Jahuätö tti̧huȩnȩnä̧ päa'a Bernabé, ujutu ti̧huȩnȩnä̧ päa'a ahuaruhuärö adiu ucuocu ppädäcuähuä i̧sa̧.

Hechos 13:15

Ya̧tȩ Dios i̧huȩnȩttö̧ hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ ucuocuinödo. Ucuocuäji o'ca'a judíos ttö̧ja̧ ttu̧huo̧jui̧'i̧node ruhuotö pättinä̧u̧do: —Chö̧jä̧hua̧tö̧, ttö̧ja̧rö̧ adiu ppädäcuähuä huȩnȩ cu̧ju̧nä̧rä̧tu̧cu̧ttu̧mä̧, ji'ähuätucui.

2 Corintios 6:8

Koronö pi̧jä̧ ttö̧ja̧ adiu ucuotätö ujuturu. Koronö'inä suronä ucuotocotö ujuturu. Ja̧'hua̧ta̧nö̧ koronö adiu ucuocuätö ujuturu. Koronö'inä suronä ucuocuätö ujuturu. Ja̧'hua̧ta̧nö̧ koronö yapareu ji'ähuätörö jȩttö̧'a̧nö̧ jȩpä̧tö̧ ujuturu. Koronö'inä iso päi'önä ji'ähuätörö jȩttö̧'a̧nö̧ jȩpä̧tö̧ ujuturu.