1 Pedro 5:5 - TÄ̧DO Ä̧CUÄ̧ I̧HUȨNȨ

⁵ Ucutu'inä u̧mä̧tö̧ möäyotö, o'ca juiyönä ancianos huotö huettömä ä̧ju̧cu̧ jȩpä̧tu̧cui̧. Ja̧'hua̧ta̧nö̧ o'ca toi'önä korotörö ppä'ädö eseunu ka̧cuä̧tu̧cui̧. Huȩyu̧cuä̧ Huȩnȩ päa'a: Diosmä a'cuoyäunu jȩpä̧tö̧rö̧ kö'cocö. Usurä isotörötä eseunu ppä'ädö.

Nuevo Testamento Uwotjüja

⁵ Ja̧'wa̧ta̧nü̧ ukutu mü̧ä̧yotü'i̧nä̧ igresia-ttü a̧ci̧a̧nu̧tu̧ru̧mä̧ ukuotätukui. O'katoi'ünä̧tä̧ kkorotümä̧ kkorotüku ukuo tekuäwätukuoka'a ukuotätukui, Isopäi'ünä̧: Dio-mä̧ ttukuo te'äkuäwätürümä̧ kkü'kokü, ja̧'wa̧nü̧ ja̧'a̧nä̧ ttukuo te'äkuäwokotürütä adiwäjuei iyü ppä'ädü.

1 Pedro 5:5 Referans Kwoze

Santiago 4:6

Ja̧'hua̧nö̧ ja̧'a̧ Dios rö̧ȩnä̧ ppä'ädö ujuturu. Huȩyu̧cuä̧ Huȩnȩ päa'a: Diosmä a'cuoyäunu jȩpä̧tö̧rö̧ kö'cocö. Usurä isotörötä eseunu ppä'ädö.

Efesios 5:21

Diosrö cucuotätucuomenä, adiunä kä̧nö̧ korotö korotönö ppä'ädätucui.

Romanos 12:10

Korotö korotönörö repe'ätucui cuamönä cu̧jä̧hua̧tö̧rö̧ repecuhuätucu ta'anö. Ucuotönö ka̧cuä̧tu̧cui̧ korotö korotöcu.

Filipenses 2:3

Yoröiso ucutu cuamönätucunä a'cuoyäu amöcuädö jȩcu̧'ä̧tu̧cuä̧'. Usurä i̧sa̧ jö̧'a̧nö̧ amöcuädö cu̧ja̧cuä̧tu̧cua̧ja̧. Korotörö, ttöttö'inä abonänö adihuä isotö pä'ö, amöcuädätucui.

Colosenses 3:12

Dios ucuturu repe'ö huoinä̧u̧jä̧ i̧tti̧mö̧ cu'ätucua pä'ö. Ja̧'hua̧nö̧ ja̧'a̧ttö̧ korotörö re rö̧jö̧nä̧ topätucui. Adiu ucuotätucui o'ca toi'önärö. “Ka̧ra̧ttö̧'i̧nä̧ abonänö adihuä i̧sa̧sä̧” cuamöcuädätucuä'. Repe'önö jȩpö̧ ka̧cuä̧tu̧cui̧. Cuami 'qui'ächi'ö ka̧cuä̧tu̧cui̧.

Romanos 13:14

Pärocua'acu Cu̧ru̧hua̧ Jesucristorö adiu esetö ka̧cuä̧tu̧cui̧. Cuidepä pä̧huä̧ rö̧jö̧ jȩö̧tä̧mä̧ cuamöcuädätucuä'.

1 Pedro 4:5

Yodoji Dios ttö̧ja̧rö̧ pojocuä mo̧ro̧ päi'omenä, ji̧nä̧ ka̧cuä̧tö̧rö̧'i̧nä̧, 'corupä'i'inätörö'inä “Ucumä adiu jȩpi̧nö̧jä̧”, “Ucumä suronä jȩpi̧nö̧jä̧” pä̧cua̧rö̧ jȩtti̧nö̧mä̧ jittähuäcuotö jahuätö'inä.

Hebreos 13:17

Ucuturu huo̧juȩtä̧tö̧ pättö ta'anö, adiu jȩpä̧tu̧cui̧. Jahuätörö ucuotätucui. Jahuätö ucutu cua̧'cua̧ru̧hua̧tu̧cu̧ tta̧'ä̧rä̧tö̧do. Jahuätömä ucuturu tta̧ttä̧ro̧mȩnä̧, Dios to̧pä̧rö̧ jahuätörö. Jahuätö ttaditähuä, tta̧'cua̧ tta̧'ȩcu̧ juiyönä, adiunätä räopa pä'ö ppä'ädätucui. Tta̧'cua̧ tta̧'ȩcu̧nu̧ jȩttö̧ttö̧mä̧, ucuturu'inä adihuoca'ado.

1 Pedro 4:1

Ja̧'hua̧nö̧ ja̧'a̧ttö̧ Cristo chutä amönä jä̧ttä̧pä̧ya̧ ubara ttuhuinö ta'anö, ucutu'inä ubara ttucuhuätucuäcua'a̧nö̧. Ya̧tȩ, chutä amönä jä̧ttä̧pä̧ya̧ ubara ttu'u, suronä jȩä̧cuä̧huä̧ jaropi'ö, hua'ö icuome jubö päi'önä Diosrö pä̧huä̧ rö̧jo̧mȩnä̧ adiunä ö̧ja̧ pä'ö, chutä amöcuädö jȩö̧ juiya pä'ö.

San Lucas 22:26

Ja̧'hua̧nö̧ ja̧'a̧nä̧ ucutu ja̧'hua̧nö̧ jȩcu̧'ä̧tu̧cu̧ juiyö'a̧nö̧ ja̧'a̧. Pärocua'acu, ucututtu korotöttö'inä abonänö adihuä i̧sa̧mä̧, korotöttö'inä abonänö mö̧ä̧ya̧ ö̧jö̧'a̧nö̧ ö̧jä̧cua̧. Ja̧'hua̧ta̧nö̧ korotörö hue'ömä, ya̧tȩ huȩ'ä̧hua̧ ö̧jö̧'a̧nö̧ ö̧jä̧cua̧.

1 Timoteo 5:1

U̧mä̧tö̧ tä̧mö̧ böäcuächätörö ra̧huä̧rö̧nä̧nö̧mä̧ cucuocuä'. Ja̧'hua̧nö̧ ja̧'a̧ adiu ucuocu ji'ähuitö, ucuhuätä cuamönä cuä'o a̧'cua̧rö̧nä̧. Ja̧'hua̧ta̧nö̧ ucuocu ji'ähui u̧mä̧tö̧ möäyotörö, ucuhuätä cuamönä cu̧jä̧hua̧tö̧ a̧'cua̧rö̧nä̧.

1 Pedro 3:8

Ja̧'hua̧nö̧ ja̧'a̧ttö̧ o'ca toi'önä korotöcu eseunu cua̧'cua̧ tta̧nö̧ jö̧nä̧ ji̧nä̧ yo̧mȩtȩ amöcuädö ka̧cuä̧tu̧cui̧, tö̧jä̧hua̧tö̧rö̧ repetö ta'anö, repe'önö kä̧nö̧. Eseäcuähuätucui. Usurä isotö ttö̧ja̧cu̧'a̧nö̧ ka̧cuä̧tu̧cui̧.