1 Pedro 5:3 - TÄ̧DO Ä̧CUÄ̧ I̧HUȨNȨ

³ Korotö ttumöhuäyotörö huettö'a̧nö̧, huecuhuätucuä' iglesia ruhuärö. Adihuä juäitä jȩpä̧tu̧cui̧, ucuturu topö adiu jȩttä̧cua̧'a̧nö̧.

Nuevo Testamento Uwotjüja

³ Tta̧kuä̧rä̧tu̧kuä̧u̧ tturuwotü jü̧nä̧mä̧ jȩ'kuä̧tu̧kuä̧, ja̧'wa̧nü̧ ja̧jü̧ jueimä̧ juätürü i̧jȩkuä̧ wotü jü̧nä̧tä̧ kka̧kuä̧tu̧kui̧.

1 Pedro 5:3 Referans Kwoze

2 Tesalonicenses 3:9

Iso päi'önä ujuturu ppäcuhuädätucu'a̧nö̧ ja̧'a̧nä̧, ujutu aditinätöjä ucutu'inä ujutu jȩtö̧'a̧nö̧ jȩcu̧'ä̧tu̧cua̧ pä'ö.

Filipenses 3:17

Chö̧jä̧hua̧tö̧, ttö cuedächinö ta'anö cue'ächätucui. Ja̧'hua̧ta̧nö̧ korotö ujutu cuetächinö ta'anö cue'ächätörö topätucui.

2 Corintios 1:24

Üjutu ji'äu hue'ocotöjä ucutu cuesetätucumä. Täcö cuami 'qui'ächi'ö esetätöjä. Ja̧'hua̧nö̧ ja̧'a̧ttö̧ juhua'a yabonö cuesehuätucua pä'ö, ppätäda pä'ätöjä.

Tito 2:7

Ucutä Tito o'ca juiyönä jȩcu̧'u̧mä̧, adiunätä jȩpi̧ jahuätö ttu̧huo̧jui̧'ä̧cua̧'a̧nö̧. Ucu cu̧huo̧juȩto̧mȩnä̧, cua̧'cua̧ pö̧nö̧ kä̧nö̧ huo̧juȩti̧. Adiunätä huo̧juȩti̧.

1 Timoteo 4:12

Ucumä mö̧ä̧ya̧jä̧. Adiu kä̧hui̧ korotö suronä ttucuocu juiyäcua'a̧nö̧. Diosrö esetätö ttä'ca jo̧mȩ adiu kä̧hui̧, adiu cu̧ja̧'a̧ totta pä'ö. Adiu ucuocu jȩpi̧ o'ca juiyönä. O'ca toi'önärö repe'i. Diosrö esetö cua̧'cua̧ pö̧nö̧ kä̧hui̧.

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

Filipenses 4:9

O'ca juiyönä chu̧huo̧juȩti̧nö̧ ucuturu, ttö jȩchi̧nö̧ tocu'inätucu'inä, ttö jidähuinö cuä̧ju̧cui̧nä̧tu̧cu̧'i̧nä̧ jȩpä̧tu̧cui̧. Ja̧'hua̧nö̧ jȩcu̧'ä̧tu̧cuo̧mȩnä̧, Dios eseäcuähuä i̧sa̧ ö̧jä̧cua̧ ucutucu.

2 Corintios 4:5

Ujutu Cristo i̧huȩnȩ jitähuomenä, tamönämä ji'ähuocotöjä. Jesucristo Tu̧ru̧hua̧ päi'önä ö̧jö̧ huȩnȩ ji'ähuätöjä. Ja̧'hua̧ta̧nö̧ Jesús ujuturu repea'attö: “Ujutumä ucutu cumöhuäyotöjä” pä'ätöjä.

1 Corintios 11:11

Ja̧'hua̧nö̧ ja̧'a̧nä̧'i̧nä̧ ujutu Diosrö esetö tö̧ja̧cuo̧mȩnä̧, ubomä isaju toönä ko̧cö̧. Ja̧'hua̧ta̧nö̧ isaju'inä ubo toönä ko̧co̧ju̧.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.

1 Corintios 3:9

Ujutumä ji̧nä̧ yo̧mȩtȩ aditätöjä Dios hueähuä. Ja̧'hua̧ta̧nö̧ rȩjȩ ttadita'a jä̧'i̧nö̧'a̧nö̧, ucuturu aditö Dios. Ja̧'hua̧ta̧nö̧ isode ttadita'a jä̧'i̧nö̧'a̧nö̧, ucuturu aditö Dios.

1 Corintios 3:5

Iso päi'önä, ¿dijä̧ttö̧ Pablomä? ¿Dijä̧ttö̧ Apolosmä? Ujutumä Dios i̧huȩnȩ ji'ähuätöjä. Ujutu jitähuomenä, ucutu Cu̧ru̧hua̧tu̧cu̧ru̧ esetinätöjä. Ja̧'hua̧ta̧nö̧ ujutu, ka̧ra̧'i̧nä̧, ka̧ra̧'i̧nä̧, Tu̧ru̧hua̧ hueötä jȩpi̧nä̧tö̧jä̧.

San Juan 13:15

Ttö jȩchä̧ji̧ ta'anö jȩcu̧'ä̧tu̧cua̧ pä'ö jȩpä̧ji̧sä̧.

1 Tesalonicenses 1:7

Ja̧'hua̧nö̧ ja̧'a̧ttö̧ korotö Jesucristorö esetätö Macedonia rȩjȩnä̧ ka̧cuä̧tö̧'i̧nä̧, Acaya rȩjȩnä̧ ka̧cuä̧tö̧'i̧nä̧ to̧pä̧ri̧nä̧tö̧ ucutu cu̧ja̧cuä̧tu̧cua̧'a̧.