1 Pedro 4:9 - TÄ̧DO Ä̧CUÄ̧ I̧HUȨNȨ

⁹ Cuojusodenä ichätörö ra̧huä̧rä̧cuä̧huä̧ juiyönä eseunu ppä'ädätucui.

Nuevo Testamento Uwotjüja

⁹ Kuojusodetukunä̧mä̧ kkorotü kkorotünü̧ do'ädätukui, ya̧tȩrü̧'i̧nä̧ suronä̧ ukuokuäwä juiyünä̧.

1 Pedro 4:9 Referans Kwoze

Hebreos 13:2

Korotö cuojusodenä do'ächö ichätörö, jahuätörö adiu ppäcuhuäda pä'ö cunichi'ätucuä'. Ja̧'hua̧nö̧ jȩpö̧ korotö ttieruhua'anä ángelesrö ppä'ädinätödo.

Romanos 12:13

Ppä'ädätucui Jesucristorö esetätörö recuä rö̧jä̧u̧ru̧. Ucuturu do'ächätörö, adiu ppä'ädätucui.

Filipenses 2:14

O'ca juiyönä o'ca'a jarode'ö ucuocuäcuähuä juiyönä jȩpä̧tu̧cui̧.

Hebreos 13:16

Adiu jȩä̧cuä̧huä̧nä̧ cunichi'ätucuä'. Ja̧'hua̧ta̧nö̧ cu̧ju̧nä̧rä̧tu̧cu̧ttu̧'i̧nä̧ iyö, korotörö ppäcuhuädätucua pä'ö cunichi'ätucuä'. Ja̧'hua̧nö̧ jȩpö̧, sacrificio päi'önä jȩpä̧tö̧jä̧ Dios esehua'anä.

Tito 1:8

Pärocua'acu tta̧huä̧rä̧cuä̧huä̧ i̧sa̧ koromettö ichätörö ppä'ädö. Ja̧u̧mä̧ adiunätä jȩpö̧. Ja̧u̧mä̧ korotö ttä'ca jo̧mȩ adiu kö̧. Ja̧u̧mä̧ Diosrö adiu esetö. Ja̧u̧mä̧ adiu ami 'qui'ächi'ö kö̧.

1 Timoteo 3:2

Ja̧'hua̧nö̧ ja̧'a̧ttö̧ tta̧huä̧rä̧cuä̧huä̧ i̧sa̧ päi'önä kö̧mä̧ korotö suronä ttucuocu juiyarö pä'ö adiunätä jȩpö̧ ö̧jä̧cua̧'a̧nö̧. Irecua'inä yajuterötä u̧ju̧nä̧rä̧cua̧'a̧nö̧. Ja̧u̧mä̧ a̧'cua̧ pö̧nö̧ ö̧jä̧cua̧'a̧nö̧. Ja̧u̧mä̧ korotö ttä'ca jo̧mȩ adiu ö̧jä̧cua̧'a̧nö̧. Korotö'inä ja̧u̧ru̧ ttucuotäcua'a̧nö̧. Ja̧'hua̧ta̧nö̧ koromettö ichätörö ppädäcua'a̧nö̧. Ja̧'hua̧ta̧nö̧ ahuaruhuärö huo̧juȩtä̧cuä̧huä̧ u̧huo̧juä̧cua̧'a̧nö̧.

Santiago 5:9

Korotörö pä'ä'chömä jȩcu̧'ä̧tu̧cuä̧', chö̧jä̧hua̧tö̧, Dios ucuturu ö̧tä̧bo̧tö̧ juiya pä'ö. Dios, Tä̧bo̧cuä̧ I̧sa̧mä̧, äpate ä'ca kö̧.

2 Corintios 9:7

Ka̧ra̧'i̧nä̧, ka̧ra̧'i̧nä̧ chutä ami iso'quinä iya pä'ö amöcuädö iyö'a̧nö̧ ja̧'a̧. Juhuorö'inä churutä pä̧huä̧ rö̧jo̧mȩnä̧ eseunu i̧yä̧cua̧, korotö huettoca'anä. Eseunu iyätörö repe'ö Dios.

Filemón 1:14

Ja̧'hua̧nö̧ ja̧'a̧nä̧ ucuru pä̧huä̧ juiyöttömä, ja̧u̧ ttöcu kä̧nö̧ ppädattö pä'ö hue'ocösä. Ucutä cuamöcuädomenä, ttö huedoca'anä, ppäcuhuäda pä'ösä ttörö.

Romanos 16:23

Gayo'inä ucuturu te'äu. Ttö ja̧u̧ ojusodenä kö̧sä̧. Ja̧u̧ ojusodettö o'ca toi'önä iglesia ruhuä ra̧'ä̧tö̧. Erasto'inä, ötahuiyättö pärätä tta̧'ä̧rö̧mä̧ ucuturu te'äu. Tö̧jä̧hua̧ Cuarto'inä te'äu ucuturu.