1 Pedro 4:8 - TÄ̧DO Ä̧CUÄ̧ I̧HUȨNȨ

⁸ Korottö'inä abonänö eseunu repe'ätucui cu̧jä̧hua̧tö̧rö̧. Iso päi'önä adiu eseunu cu̧ja̧cuä̧tu̧cuo̧mȩnä̧, cu̧jä̧hua̧tö̧ suronä jȩttö̧ unichi'ätöjä.

Nuevo Testamento Uwotjüja

⁸ Ja̧'wa̧ta̧nü̧ ukutunä̧ rü̧ȩnä̧ eseäkuäwä kkä̧kua̧'a̧nü̧, isopäi'ünä̧ eseu repeäkuäwämä̧ rü̧ȩnä̧ suronä̧ jü̧ttü̧'i̧nä̧ jȩpü̧ iku.

1 Pedro 4:8 Referans Kwoze

Colosenses 3:14

Ja̧'hua̧ta̧nö̧ koro juäittö'inä abonänö repe'ätucui korotörö, ji̧nä̧ yo̧mȩtȩ amöcuädö cu̧ja̧cuä̧tu̧cuä̧cua̧'a̧nö̧.

1 Pedro 1:22

Jitämä, Espíritu Santo huo̧juȩcuä̧, adihuä huȩnȩ cuesetätucuomenä, cu̧jä̧hua̧tö̧rö̧ Cristonä, adiu eseunu cuamöcuädätucua pä'ö, töcö icuinä̧u̧jä̧. Ja̧'hua̧nö̧ ja̧'a̧ttö̧ o'ca juiyönä cuami iso'quitucunä'inä, cujuruhuätucunä'inä o'ca toi'önärö eseunu ka̧cuä̧tu̧cui̧.

Santiago 5:20

Amöcuädätucui. A̧hua̧ru̧hua̧ o'ipö ucuocuäji o'ca'a ppa̧huä̧chö̧ttö̧mä̧, a̧'cua̧rö̧ 'corupäi'äcuähuättö ö̧ji̧pa̧ pä'ö ppä'ädö. Ja̧'hua̧ta̧nö̧ ja̧u̧ re'tehuächäjirö o'ipäjimä, recuätörö ppä'ädö Dios suronä jȩttö̧ töcö icua pä'ö.

1 Corintios 13:1

Iso päi'önä pi̧jä̧ ttö̧ja̧ tti̧huȩnȩ'i̧nä̧, ángeles tti̧huȩnȩ'i̧nä̧ chucuocuttumä, o'ca toi'önärö repedoca'anä, koro juäi cuoräuttu adicuä ucuocu'a̧nö̧ ucuocusä ttömä.

1 Tesalonicenses 3:12

Ja̧'hua̧ta̧nö̧ Tu̧ru̧hua̧ ucuturu ppäda pä'ö, juhua'a yabonö esetö, ucuturu repetö ta'anö, ka̧ra̧rö̧'i̧nä̧, ka̧ra̧rö̧'i̧nä̧, o'ca toi'önärö repecuhuätucua pä'ätöjä.

Hebreos 13:1

Ttö̧jä̧hua̧tö̧rö̧ repettö'a̧nö̧ korotö, korotönörö repecuhuätucumä jarocuhui'ätucuä'.

1 Timoteo 1:5

Iso päi'önä pi̧yȩ huȩnȩ cu̧huo̧juȩtö̧'a̧nö̧ ja̧'a̧ Timoteo, tami iso'qui surojö juiyönä kä̧nö̧, adiu amöcuädö kä̧nö̧, Diosrö adiu esetö kä̧nö̧, tahuaruhuärö repetäcuä'a̧nö̧.

2 Tesalonicenses 1:3

Tö̧jä̧hua̧tö̧, 'cuäopönä Diosrö eseunu ucuocuätöjä ucuturu amöcuädö. Ucutu juhua'a yabonö Diosrö cuesetätucu'inä, cuahuaruhuärö juhua'a yabonö repecuhuätucu'inä amöcuädö, teseu'a̧nö̧ ja̧'a̧.

3 Juan 1:2

Chö̧jä̧hua̧, Diosrö jä'epö ucuocusä, ucu cua̧'cua̧ adiunä cu̧ja̧ pä'ö. Ye, ttömä huo̧jua̧sä̧ ucuru adiu eseunu kö̧jä̧ pä'ö Dioscu.

Santiago 5:12

Chö̧jä̧hua̧tö̧, mo̧ro̧jä̧ i̧mi̧nä̧ pä'ömä päcuhuätucuä'. Pi̧jä̧ i̧mi̧nä̧, koro juäi i̧mi̧nä̧ pä'ömä päcuhuätucuä', Diosttö tä̧bo̧cuä̧ 'cuäcuhuopätucu juiya pä'ö. “A̧” pä'ätömä, jueönätä “A̧” pä'ätucui. “Ja̧'hua̧nö̧cö̧” pä'ätömä, jueönätä “Ja̧'hua̧nö̧cö̧” pä'ätucui.

1 Corintios 13:4

Ya̧tȩ o'ca toi'önärö repe'ömä, a̧'cua̧ pö̧nö̧ kö̧. Adiu jȩpö̧ o'ca toi'önärö. Korotö ttu̧ju̧nä̧rö̧mä̧, pä̧huä̧ rö̧jö̧nä̧ topocö. Chutä korotöttö'inä abonänö adihuä i̧sa̧sä̧ pä'ömä amöcuädocö. A'cuoyäunu topocö korotörö.