Biblia Todo Logo
Bib sou entènèt

- Piblisite -




1 Pedro 4:4 - TÄ̧DO Ä̧CUÄ̧ I̧HUȨNȨ

4 Jitämä ucutu ja̧'hua̧nö̧ suronä jȩpä̧tö̧cu̧ cuecuhuächätucuoca'attö, jerupätödo cuesetätucu. Ja̧'hua̧nö̧ ja̧'a̧ttö̧ ucuturu suronä ucuocuätö.

Gade chapit la Kopi

Nuevo Testamento Uwotjüja

4 Jitämä̧, suronä̧ jȩpü̧ ttü̧jü̧ jȩ'kuä̧tu̧kuo̧ko̧mȩmä̧ ukutumä̧ suronä̧ ttu̧kuo̧kuä̧u̧jä̧.

Gade chapit la Kopi




1 Pedro 4:4
11 Referans Kwoze  

Adiunä amöcuädö ka̧cuä̧tu̧cui̧, korotö ucutu adiu cu̧ja̧cuä̧tu̧cua̧'a̧ topö suronä ttucuocuomenä, jitötä ttucuocuäji amöcuädö ttödäpecuäcua'a̧nö̧.


Adiunä ka̧cuä̧tu̧cui̧ Diosrö esetocotö ttä'ca jo̧mȩ. Ja̧'hua̧nö̧ ja̧'a̧ttö̧ jahuätö suronä jȩpä̧tö̧rö̧ ttucuocu'a̧nö̧ ttucuocuomenä ucuturu, adiu jȩcu̧'ä̧tu̧cua̧'a̧ topö, Diosrö ttesehuäcuotö, Dios ttö̧ja̧rö̧ pojocuä mo̧ro̧ päi'omenä.


Ja̧'hua̧nö̧ päomenä, jahuätö judíos ttö̧ja̧ kö'cocotö pi̧nä̧tö̧do. Ja̧'hua̧nö̧ ja̧'a̧ttö̧ suronä ucuocuinätödo. Pablo ö̧'ca̧tä̧huä̧ta̧ yȩ'ȩcu̧ icu ädätinödo: —Ttömä “Jarodätucui” pä'ocösä. Ucututä cuhuarodätucua'attö tocu'e'äcuotöjä. Jitämä judíos huocotörö ji̧dä̧huä̧cua̧sä̧.


Ja̧'hua̧nö̧ ja̧'a̧nä̧ jitö Diosrö jarode'ätömä, ji̧nä̧ iso huo̧juä̧huä̧ huo̧jui̧cuä̧ juiyönä suronä ucuocuätö. Ja̧'hua̧nö̧ ja̧'a̧ koro huo̧juä̧huä̧, de'a ka̧cuä̧tö̧ jȩttö̧'a̧nö̧ jȩpä̧tö̧mä̧, tottei'a pä'ö jȩpä̧tö̧.


Judíos ttö̧ja̧ topinätödo Pablocu ttö̧ja̧ recuätö tti̧'cha̧'a̧. Ja̧'hua̧nö̧ ja̧'a̧ttö̧ ra̧huä̧rö̧ a'cuoyähuinätödo Pablorö. —Pablo yapareu ucuocu. Suronä jȩpö̧, —pä'inätödo.


Täbocö päinö huȩnȩ päa'a: “Ähuiri edecui'i'ca̧, edehua pä'äji ta'anö cu. Ja̧'hua̧ta̧nö̧ cuchi aje i'i'ca̧, redähuanä pä'äji ta'anö borepö.” Ja̧'hua̧nö̧ ja̧'a̧ttö̧ adihuä huȩnȩ jaropi'ätömä, pi̧yȩ päinö huȩnȩ päö'a̧nö̧ jȩpä̧tö̧do.


Pitö u̧mä̧tö̧ de'a isotö ta'anö ä̧ju̧cuo̧co̧tö̧. Topötä ka̧cuä̧tö̧do. 'Chu'ädö cuä'ö tticuatö pä'ötä böo juo'ätö. Ttä̧ju̧cu̧ juiyönä ucuocuätö suräjuä huȩnȩ. De'a i̧sa̧ 'corupäi'ö'a̧nö̧ 'corupätti'äcuotö.


Adiu cuetächaja, mo̧ro̧ cuettächa'a jä̧'i̧nö̧'a̧nö̧. Tä̧'ä̧mö̧'i̧nä̧, ttö̧ja̧cu̧ ca̧ca̧cu̧ huopö'inä, ka̧ra̧ irecuarö usu'inä, korotörö suronä jȩpö̧'i̧nä̧, korotörö rohuäu'inä, korotö ttu̧ju̧nä̧rö̧ pä̧huä̧ rö̧jö̧ topö'inä jȩpö̧ tö̧jö̧ juiyö'a̧nö̧ ja̧'a̧.


A̧'u̧cu̧nä̧tä̧ mo̧ro̧ o'come i̧tti̧ röji ru̧hua̧ öäre o'ca juiyönä ca̧ca̧ti̧'ö̧, i̧hui̧nö̧do korotö tti̧rȩjä̧ra̧'a̧ juhuorö oto. Juhua'atä kä̧nö̧ suronä jȩpö̧, öäre pärätä be'ecu icuinödo.


Tä̧cu̧huä̧mä̧tu̧cuä̧'. Ja̧'hua̧nö̧ jȩpö̧ be'ipächätöjä. Pärocua'acu rö̧ȩnä̧ ku̧nä̧rä̧tu̧cui̧ Espíritu Santorö cuami iso'quinä su'penö.


“Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Ucutumä sä̧rä̧bä̧'i̧nä̧, i̧so̧'ta̧'i̧nä̧ huämetä töcätöjä, jacuänä suhuädi'önä ka̧'a̧nä̧ korotö ttöäre cu̧nä̧u̧cuä̧ri̧nä̧tu̧cua̧'a̧ttö̧.


Swiv nou:

Piblisite


Piblisite