1 Pedro 3:22 - TÄ̧DO Ä̧CUÄ̧ I̧HUȨNȨ

²² Chutä Jesucristo mo̧ro̧jä̧ra̧'a̧ cä'ecuächinö. Jitämä Dios u̧huo̧jua̧'a̧nä̧ kö̧do. Ja̧'hua̧ta̧nö̧ o'ca toi'önä ángeles'inä, hue'ähuotö'inä Ttu̧ru̧hua̧ päi'önä kö̧do Jesucristomä.

Nuevo Testamento Uwotjüja

²² mo̧ro̧jä̧ra̧'a̧ kä'ekuächü Dio u̧wo̧jua̧'a̧ku̧nä̧ pä̧mä̧di̧nü̧nä̧tä̧, ja̧'wa̧ta̧nü̧ á̧gȩrȩ ttukuo'i̧nä̧ ttujuru'i̧nä̧ kku̧nä̧rä̧tü̧tä̧ tta̧ttä̧rä̧ku̧nä̧tä̧.

1 Pedro 3:22 Referans Kwoze

Hebreos 9:24

Cristomä, ja̧u̧ juäi Diosrö ucuocuäcuähuode, ttö̧ja̧ ttaditode, mo̧ro̧jä̧nä̧ kode a̧'cua̧rodenä do'ächocö pi̧nö̧do. Mo̧ro̧jä̧nä̧tä̧ do'ächinödo. Jitä'inä Dios ä'ca jo̧mȩttö̧ ujuturu ucuocu kö̧do.

Hebreos 12:2

Jesús, ujutu tesetäcuru, ujuturu aditö icuru, adiunätä to̧tä̧rä̧tu̧cua̧ja̧. Jesús dau isodänä kä̧nö̧ 'corupäi'omenä, ja̧'hua̧nö̧ 'corupä'i'ö ödäpecua pä'ö amöcuädoca'a ubara ttu'inödo. Chutä huo̧jui̧nö̧do ja̧'hua̧nö̧ ubara ttudu o'ca'a chȩsȩhuä̧cua̧sä̧ pä'ö. Ja̧'hua̧ta̧nö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

Hebreos 10:12

Ja̧'hua̧nö̧ ja̧'a̧nä̧ Jesucristo ya'utenätä iyähuinödo, suronä jȩttö̧ 'cuäopönä jȩpö̧ icua pä'ö. Ja̧u̧nu̧ o'ca'a Dios u̧huo̧jua̧'a̧nä̧ pä̧mä̧di̧nö̧do.

San Marcos 16:19

Jahuätörö ucuocuäji'ca̧, Tu̧ru̧hua̧ Jesús mo̧ro̧jä̧ra̧'a̧ cä'ecuächinödo. Dios u̧huo̧jua̧'a̧nä̧ pä̧mä̧di̧nö̧do.

Hebreos 8:1

Jitä pätäjimä pi̧yȩjä̧: ujutu adihuä ji̧nä̧ isocu sacerdote ru̧hua̧ ku̧nä̧rä̧tö̧jä̧ mo̧ro̧jä̧ra̧'a̧ttö̧, Dios i̧dȩä̧cä̧ u̧huo̧jua̧'a̧nä̧ pö̧rö̧.

Hebreos 6:20

Jesús juhua'a do'ächinödo, tu̧mä̧nä̧ ötodeta pä'ö. Ja̧'hua̧nö̧ ja̧'a̧ttö̧ Jesús Melquisedec ö̧ji̧nö̧ ta'anö, sacerdote hua̧ päi'önä kö̧do 'cuäopönä.

Colosenses 3:1

Iso päi'önä ucutumä Cristocu tto'ächinätöjä. Ja̧'hua̧nö̧ ja̧'a̧ttö̧ tö̧ä̧nä̧hua̧'a̧ jähuä, mo̧ro̧jä̧ jähuä, usätucui. Juhua'attö, mo̧ro̧jä̧ttö̧, Cristomä Dios u̧huo̧jua̧'a̧nä̧ pö̧.

Romanos 8:38

Ja̧'hua̧nö̧ ja̧'a̧ttö̧ iso päi'önä huo̧jua̧sä̧, yoröiso juiya'a ujuturu Dios repeöttö 'quȩ'ȩpö̧ icumä. 'Corupäi'äcuähuä'inä, ta̧'cua̧rö̧'i̧nä̧, ángeles'inä, pi̧jä̧ isoppanä ka̧cuä̧tö̧ hue'ähuotö'inä, jitä 'cuäopö'inä, yodoji 'cuäopä̧cuȩ'i̧nä̧ yoröiso 'quȩ'ȩpö̧ icuocö ujuturu Dios repeöttö.

Romanos 8:34

¿Dijä̧ttö̧ jahuätörö tä̧bo̧tö̧mä̧? Cristo 'corupäi'äji o'ca'a, Dios ttoädinäcu. Ja̧'hua̧ta̧nö̧ Cristo Dios u̧huo̧jua̧'a̧nä̧ pö̧, Diosrö ucuocu ujuturu.

San Mateo 22:44

Dios pä'inö ttö Chu̧ru̧hua̧rö̧: “Chu̧huo̧jua̧'a̧nä̧ pä̧mä̧di̧, cuaboiyotörö cu̧jä̧pö̧ dȩa̧'a̧ chötome jubö päi'önä”, pä'inödo.

Hebreos 1:3

Chutä, Dios I̧tti̧mä̧, Dios i̧tȩa̧u̧. Ja̧u̧mä̧ yoröiso Dios ta'anö hua̧do. Ja̧'hua̧ta̧nö̧ ja̧u̧tä̧ i̧huȩnȩ, adiu juruhua'attö, o'ca juiyönä huȩ'ä̧rö̧do. Ujutu suronä jȩti̧nö̧ jȩpö̧ icuinö o'ca'a, mo̧ro̧jä̧ra̧'a̧ttö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

1 Corintios 15:24

Ja̧u̧nu̧ o'ca'a, röji mo̧ro̧ päi'äcua'a. Ja̧u̧nu̧mä̧ o'ca juiyönä pi̧jä̧ isoppanä huȩ'ä̧rä̧tö̧rö̧'i̧nä̧, ruhuotörö'inä, ttujuru'inä be'epäjipö i̧cuä̧cua̧ Cristomä. Ja̧'hua̧nö̧ be'epäjipö icu, i̧yä̧cua̧ o'ca juiyönä hueähuä Jä'o Diosrö.

Hechos 3:21

Ja̧u̧ Jesucristo mo̧ro̧jä̧ra̧'a̧ ö̧jä̧cua̧, o'ca juiyönä Dios äcuomenä aditinö ta'anö aditö u̧ju̧na̧'a̧ jubö päi'önä. Ja̧'hua̧nö̧mä̧ Diostä ji'ähuinö mo täbocö i̧huȩnȩ jiäcuähuä isotörö, adihuä ttö̧ja̧rö̧.

Hechos 1:11

Jahuätö pä'inätödo: —Galilea ttö̧ja̧, ¿dä̧bö̧ mo̧ro̧jä̧ra̧'a̧ to̧pä̧rö̧ cu̧ja̧cuä̧tu̧cuä̧ttö̧? Ja̧u̧tä̧ Jesús, ucutu cu̧'quȩtȩtu̧cu̧ttu̧ mo̧ro̧jä̧ra̧'a̧ cäecuächa'a tocu'äjätucu ta'anö, pä'äji ta'anö i̧chä̧cua̧.

San Marcos 12:36

Chutä Davidmä Espíritu Santo huo̧juȩcuä̧nä̧ pä'inödo: Dios pä'inö ttö Chu̧ru̧hua̧rö̧, “Chu̧huo̧jua̧'a̧nä̧ pä̧mä̧di̧, cuaboiyotörö cu̧jä̧pö̧ dȩa̧'a̧ chötome jubö päi'önä” pä'inödo.

Hebreos 1:13

Diosmä ángelesrö yoröiso pä'ocö pi̧nö̧do pa̧'a̧nö̧mä̧: Chö̧'o̧mȩ chu̧huo̧jua̧'a̧nä̧ pä̧mä̧di̧, cuaboiyotörö cu̧jä̧pö̧ dȩa̧'a̧ chötome jubö päi'önä.

San Lucas 20:42

Chutä David, Salmos cuyäru'tänä pä'inödo: Dios pä'inö ttö Chu̧ru̧hua̧rö̧, “Chu̧huo̧jua̧'a̧nä̧ pä̧mä̧di̧,

San Mateo 28:18

Ja̧'hua̧ ja̧'a̧ Jesús jahuätörö ichi'ö pä'inödo: —Mo̧ro̧jä̧nä̧'i̧nä̧, pi̧jä̧nä̧'i̧nä̧ o'ca juiyönä chujuruhua pä'ö iyinäcusä Diosmä.

Hebreos 1:6

Ja̧'hua̧nö̧ ja̧'a̧nä̧ I̧tti̧rö̧ chu ä̧cua̧rö̧ pi̧jä̧ra̧'a̧ i'cächomenä, pä'inödo: O'ca toi'önä ángeles, Dios umöhuäyotö, ja̧u̧ru̧ ucuotätucui, pä'inödo.

Hebreos 4:14

Jesús, Dios I̧tti̧, do'ächinödo Dios ö̧jo̧mȩ. Ja̧u̧ ji̧nä̧ isocu sacerdote ru̧hua̧ päi'önä kö̧do ujuturu. Ja̧'hua̧nö̧ ja̧'a̧ttö̧ adiunätä esetö tö̧jö̧'a̧nö̧ huotöjä.

San Juan 13:32

Ubo I̧tti̧mä̧ Dios öadihuä i̧jȩpö̧ttö̧mä̧, Dios Ubo I̧tti̧ öadihuä'inä i̧jȩpä̧cua̧. Jitä a̧'u̧cua̧'a̧tä̧ o'ca'a ja̧'hua̧nö̧ i̧jȩpä̧cua̧.