1 Pedro 3:14 - TÄ̧DO Ä̧CUÄ̧ I̧HUȨNȨ

¹⁴ Adiu cu̧ja̧cuä̧tu̧cuo̧mȩnä̧'i̧nä̧, ubara ttucuhuätucuttumä, eseunu cu̧ja̧cuä̧cuo̧tö̧jä̧. Ttö̧ja̧rö̧mä̧ yecuhuecuätucuä'.

Nuevo Testamento Uwotjüja

¹⁴ Ja̧'wa̧nü̧ ja̧'a̧nä̧ yabonä̧ adiu jȩ'kuä̧tu̧kua̧'a̧nä̧'i̧nä̧ usurä ȩmä̧wä̧'i̧jä̧tü̧jä̧, ¡Eseäkuäwä kku̧nä̧rä̧tu̧kui̧! Ya̧tȩrü̧'i̧nä̧ ye'ünü̧mä̧ yekuekui'ätukuä.

1 Pedro 3:14 Referans Kwoze

San Mateo 10:28

Cuidepämä cuä'ö icuätörö yecuhuecuätucuä'. Jahuätö cua̧'cua̧ru̧hua̧rö̧ be'epö icuocotö. Pärocua'acu, chu ä̧cua̧rö̧tä̧ cuidepä'inä, cua̧'cua̧ru̧hua̧rö̧'i̧nä̧ ocuränä beipocaränä be'epö icurutä ye'ecuätucui.

2 Corintios 12:10

Ja̧'hua̧nö̧ ja̧'a̧ttö̧ Cristorö esetö kä̧nö̧, o'ca juiyönä ubara ttudinömä eseusä. Ja̧'hua̧ta̧nö̧ chijuiyuhua'anä'inä, ttörö suronä ttucuocuinö'inä, koro juiyönä chö̧ji̧nö̧'i̧nä̧, ttörö suronä jȩtti̧nö̧'i̧nä̧, ttörö suronä 'cuäopinö'inä amöcuädö eseusä. Iso päi'önä rö̧ȩnä̧ chijuiyuhuomenä, ji̧nä̧ isocu ju̧ru̧hua̧sä̧ cha̧'cua̧ru̧hua̧nä̧.

Santiago 1:12

Surojö 'cuäopomenä, ami 'qui'ächi'ö kö̧mä̧ adiu ö̧jä̧cua̧. Surojö 'cuäopäji o'ca'a, adiu kö̧mä̧ kä̧cuä̧huä̧ i'co ȩmä̧cua̧. Ja̧u̧ kä̧cuä̧huä̧ i'co Dios iya päinömä, Diosrö repe'ätörötä iyä̧cuȩ.

San Juan 14:27

“Chami iso'quinä eseunu röji ucuocusä ucuturu. Ucuturu eseäcuähuä iyösä. Ja̧'hua̧nö̧ ja̧'a̧nä̧ pi̧jä̧ ttö̧ja̧ eseäcuähuä ttiyö'a̧nö̧ iyocösä. Cua̧'cua̧ tta̧cu̧huȩcuä̧tu̧cuä̧'. Ja̧'hua̧ta̧nö̧ yecuhuecuätucuä'.

San Juan 14:1

Jesús pä'inödo: —Cua̧'cua̧ tta̧cu̧huȩcuä̧tu̧cuä̧' cuami iso'quitucunä. Diosrö esetätucui. Ttörö'inä esetätucui.

San Marcos 10:29

Jesús ädätinödo: —Iso päi'önä pä'ösä ucuturu, ya̧tȩ ojusode'inä, ö̧jä̧hua̧tö̧rö̧'i̧nä̧, jä'orö'inä, ja̧ju̧ru̧'i̧nä̧, irecuarö'inä, i̧tti̧mö̧rö̧'i̧nä̧, idepiyu'inä jaroi'öttömä ttöcu i̧'cha̧ pä'ö, ttö̧ja̧ suronä jȩttö̧ jȩpö̧ icu huȩnȩ eseta pä'ö, o'ca, o'ca juiyönä ojusode'inä, ö̧jä̧hua̧tö̧rö̧'i̧nä̧, ja̧ju̧tu̧ru̧'i̧nä̧, i̧tti̧mö̧rö̧'i̧nä̧, idepiyu'inä ttörö eseta'attö suronä 'cuäopa'anä kä̧nö̧ jaroi'inöttö'inä abonänö rö̧ȩnä̧ ȩmä̧cua̧. Jitä ko̧ro̧jä̧ i̧chä̧cuȩjä̧ttö̧'i̧nä̧ abonänö rö̧ȩnä̧ ȩmä̧cua̧.

San Marcos 8:35

Ya̧tȩ chutä ö̧jö̧nä̧tä̧ ö̧ja̧ pä'ömä, to̧ȩi̧'ä̧cua̧. Ja̧'hua̧nö̧ ja̧'a̧nä̧ ya̧tȩ ttörö'inä, ttö adihuä chi̧huȩnȩ'i̧nä̧ esetö, a̧'cua̧rö̧ toei'öttömä, adiunä ö̧jä̧cuä̧.

San Mateo 19:29

O'ca toi'önä ttojusode'inä, ttö̧jä̧hua̧tö̧rö̧'i̧nä̧, ttä'orö'inä, tta̧ju̧ru̧'i̧nä̧ ttirecuarö'inä, tti̧tti̧mö̧rö̧'i̧nä̧, ttidepiyu'inä jarotti'öttömä ttöcu tti̧'cha̧ pä'ö, o'ca juiyönä jarotti'inöttö'inä abonänö rö̧ȩnä̧ ttȩmä̧cuo̧tö̧. Kä̧cuä̧huä̧ i'co'inä ttȩmä̧cuo̧tö̧.

San Mateo 16:25

Ya̧tȩ chutä ö̧jö̧nä̧tä̧ ö̧ja̧ pä'ömä, to̧ȩi̧'ä̧cua̧. Ja̧'hua̧nö̧ ja̧'a̧nä̧ ya̧tȩ ttörö esetö a̧'cua̧rö̧ toei'öttömä, adiunä ö̧jä̧cua̧.

1 Pedro 3:6

Ja̧'hua̧nö̧ jȩpi̧nä̧ju̧do Sara mi̧nä̧. Jahuäju kirecuo Abraham mi̧nä̧ hueö jȩpi̧nä̧ju̧do. Ja̧'hua̧ta̧nö̧ kirecuo Abraham mi̧nä̧rö̧ “Chu̧ru̧hua̧” pä'inäjudo. Adiu jȩcu̧'ä̧tu̧cu̧ttu̧mä̧, jahuäju kö̧ji̧nö̧ ta'anö, yecuäcuähuä juiyönä jȩpö̧, cu̧ja̧cuä̧cuo̧tö̧jä̧.

San Mateo 10:39

Ya̧tȩ chutä a̧'cua̧rö̧ repe'ömä, o'ca juiyönä to̧ȩi̧'ä̧cua̧. Ja̧'hua̧ta̧nö̧ ya̧tȩ ttörö esetö a̧'cua̧rö̧ toei'öttömä, iso päi'önä ja̧u̧tä̧ adiu ö̧jä̧cua̧.

Filipenses 1:29

Ucutumä Cristorö cuesetätucuomenä, churu pä̧huä̧ rö̧jo̧mȩnä̧ esetötä esetocotöjä. Ubara'inä ttu'ätöjä ja̧u̧ru̧ esetö.

San Mateo 10:31

Ja̧'hua̧nö̧ ja̧'a̧ttö̧ yecuhuecuätucuä'. Ucutumä ppi̧yu̧ recuätöttö'inä abonänö rö̧ȩnä̧ micuähuotöjä.

Hechos 9:16

Ja̧u̧ru̧ chi̧jȩpä̧cua̧sä̧ rö̧ȩnä̧ surojö ja̧u̧ru̧ 'cuäopä̧cuȩmä̧ chi̧huȩnȩ jiähuomenä.

Santiago 5:11

Ttami 'qui'ächi'ö ka̧cuä̧tö̧rö̧, “Eseunu ka̧cuä̧tö̧” pä'ätöjä ujutu. Ucutu ä̧ju̧cui̧nä̧tö̧jä̧ Jobrö, ami 'qui'ächi'ö ki̧nö̧rö̧. Huo̧juä̧tö̧jä̧, Dios ja̧u̧ru̧ jȩi̧nö̧mä̧ surojö 'cuäopinö o'ca'a. Dios a̧'cua̧ tta̧nö̧ re rö̧jö̧nä̧ topö tta̧'ä̧rö̧.