1 Pedro 2:6 - TÄ̧DO Ä̧CUÄ̧ I̧HUȨNȨ

⁶ Ja̧'hua̧nö̧ ja̧'a̧ttö̧ Huȩyu̧cuä̧ Huȩnȩ päa'a: Jueö isä'ca ttu̧ju̧nu̧'a̧nö̧, adihuä juäi inähuä, rö̧ȩnä̧ micuähuähuä, ku̧nu̧sä̧ Siónnä. Ja̧u̧ru̧ esetömä, yoröiso a̧'cua̧ tta̧'ȩcu̧ re'tehuocö.

Nuevo Testamento Uwotjüja

⁶ Ja̧'wa̧nü̧ ja̧'a̧ttü̧ wȩyu̧kuä̧mä̧ pä'a: «Ttümä̧ Sión-nä̧ i̧no̧'ki rütüsä ä̧kuo̧mȩnä̧ iso'ki, pojopü ȩmä̧wo'ki ja̧'wa̧ta̧nü̧ rü̧ȩnä̧ mikuäwo'ki; juo'kinä̧ a̧'kua̧ wȩnä̧rü̧mä̧ dä'ä ttu'okü jä̧kua̧.»

1 Pedro 2:6 Referans Kwoze

1 Pedro 2:4

Tö'cöpächätucui Tu̧ru̧hua̧rö̧, inähuä hua'ö icuocohuä jä̧'i̧nö̧'a̧nö̧ hua̧rö̧. Pi̧jä̧ ttö̧ja̧ ttöjö'cocö ji̧nö̧. Ja̧'hua̧nö̧ ja̧'a̧nä̧'i̧nä̧ Dios öjö'ca'attö, rö̧ȩnä̧ micuähuähuä.

Efesios 2:20

Ucutumä isode jä̧'i̧nö̧'a̧nö̧ huotöjä. Jesús hue'ähuotö'inä, Dios i̧huȩnȩ jiäcuähuä isotö'inä, jittähuinö huȩnȩ esetö ka̧cuä̧tö̧jä̧. Chutä Jesucristo ji̧nä̧ isocu adihuo'qui isode jueö isä'ca kö̧'a̧nö̧ kö̧do.

San Marcos 12:10

“¿Huȩyu̧cuä̧ Huȩnȩ ucuocuocotö pä'ijätöjä tä̧ji̧? Ja̧u̧ huȩnȩ päa'a: Jitötä adicuä ttö̧ja̧mä̧ ttöjö'cocohuä ji̧nähuä, jueö isä'ca jä̧'i̧nö̧'a̧nö̧ kähuä jitämä.

Romanos 10:11

Pa̧'a̧nö̧ päa'a Huȩyu̧cuä̧ Huȩnȩ: “Ja̧u̧ru̧ esetömä, dä'ä ttu'ocö.”

2 Timoteo 3:16

O'ca juiyönä adihuä Huȩyu̧cuä̧ Huȩnȩ Dios iyinö. Adihua'a huo̧juȩcuä̧nä̧. Ja̧'hua̧ta̧nö̧ adihua'a tä̧bo̧cuä̧nä̧'i̧nä̧. Korotö i̧mi̧cu̧nä̧ huȩnȩ jittähua'anä, pi̧yȩ huȩnȩ adihuä jiäcuähuänä. O'ca toi'önä huo̧jui̧cuä̧nä̧ adihua'a, adiu jȩpö̧ ttö̧ja̧cua̧ pä'ö.

San Juan 7:38

Huȩyu̧cuä̧ Huȩnȩ päö ta'anö, ttörö esetömä, ami iso'quittö kä̧cuä̧huä̧ ajiya aje i̧sä̧rä̧ räopö'a̧nö̧ rä̧o̧pä̧cua̧.

San Lucas 23:35

Ttö̧ja̧ ju̧huȩnȩtä̧ ka̧cu̧ to̧pä̧ri̧nä̧tö̧do. Ruhuotö'inä ja̧u̧ru̧ ya̧'ä̧huä̧'chö̧ pä'inätödo: —Korotörö ppä'ädinö. Iso päi'önä Cristo, Dios ȩmi̧nä̧cu̧ jö̧ttö̧mä̧, chutä amönä ppädäcuäudo.

San Mateo 12:18

Pidemä ttö chu̧mö̧huä̧ya̧. Ttö ja̧u̧ru̧ o'ipinösä. Ja̧u̧ru̧ eseunu repe'ösä. Ttö Espírituru chi̧yä̧cua̧sä̧ ja̧u̧ru̧. Ttö huedömä o'ca toi'önärö ji̧ä̧huä̧cua̧.

2 Pedro 3:16

O'ca juiyönä huȩyu̧tu̧ hueinömä ja̧'hua̧ta̧nö̧ pä'ö huȩyu̧ti̧nö̧do ucuturu. Koromä ttä̧ju̧cu̧ juiyönä jerudo. Korotömä jerupätö'inä, esetäcuähuänä juiyupätö'inä ttä̧ju̧cuo̧ca̧'a̧ttö̧, i̧mi̧cu̧nä̧ ji'ähuätödo. Ja̧'hua̧ta̧nö̧ koro Huȩyu̧cuä̧ Huȩnȩ päa'attö'inä, i̧mi̧cu̧nä̧ ji'ähuätödo. Ja̧'hua̧nö̧ i̧mi̧cu̧nä̧ ji'äu, jitötä ttamönä be'ipächätödo.

2 Pedro 1:20

Korottö'inä abonänö, pi̧yȩtä̧ a̧mö̧cuä̧rö̧ ka̧cuä̧tu̧cui̧. Iso päi'önä ya̧tȩ Dios i̧huȩnȩ jiähuomenä, chutä amönä amöcuädömä jiäu juiyö'a̧nö̧ ja̧'a̧.

Efesios 1:4

Dios pi̧jä̧ juiyäi'inä, Cristonä ȩmi̧nä̧u̧jä̧, chutä ä'ca jo̧mȩttö̧ yoröiso surojö juiyönä, adiunätä tö̧ja̧cua̧ pä'ö.

Hechos 1:16

—Chahuaruhuä, Espíritu Santo ä'canä David änä ucuocuinödo Judas jȩä̧cuȩ huȩnȩ. Judas o'ipinö Jesúsru 'chuttädäcuotörö. Cu̧huo̧juä̧tu̧cua̧ pä'ö Huȩyu̧cuä̧ Huȩnȩ iso päi'önä ja̧'a̧, ja̧u̧ huȩnȩ Espíritu Santo ucuocuinö'a̧nö̧ 'cuäopäja'a.

San Lucas 20:17

Ja̧'hua̧nö̧ ja̧'a̧ttö̧ Jesús jahuätörö topö pä'inödo: —Ja̧u̧ttu̧mä̧, Huȩyu̧cuä̧ Huȩnȩ, ¿tta̧'a̧nö̧ päa'ajä̧ttö̧? Pa̧'a̧nö̧ päa'a: Jitötä adicuä ttö̧ja̧mä̧ ttöjö'cocohuä ji̧nähuä, jueö isä'ca jä̧'i̧nö̧'a̧nö̧ kähuä jitämä.

1 Pedro 2:8

Ja̧'hua̧ta̧nö̧ pi̧yȩ päinö huȩnȩ'i̧nä̧ 'cuäopa'a. Ja̧u̧ inähuä döttäcuähuä jä̧'i̧nö̧'a̧nö̧ kö̧. Juhuähuä inähuänä dö'ö ma̧ttähuä jä̧'i̧nö̧'a̧nö̧ kö̧, päa'a Huȩyu̧cuä̧ Huȩnȩ. Jahuätö Dios i̧huȩnȩ esetocotömä, inähuä dö'ö ma̧'ä̧chä̧tö̧ jä̧'i̧nö̧'a̧nö̧ ka̧cuä̧tö̧. Jahuätö ttuhuäpächäcua'a ä'canä, jahuätörö ja̧'hua̧nö̧ 'cuäopäcua'a pä'ö amöcuädinö Dios.