1 Pedro 1:8 - TÄ̧DO Ä̧CUÄ̧ I̧HUȨNȨ

^8-9 Jesucristorö tocu'ätucuoca'anä'inä, ja̧u̧ru̧ eseunu ka̧cuä̧tö̧jä̧. Ja̧'hua̧ta̧nö̧ ja̧u̧ru̧ tocu'ätucuoca'anä'inä cuesetätucuomenä, ttänämä jittäu juiyö'a̧nö̧ jö̧ rö̧ȩnä̧ cuesehuäcuotöjä, ucutu suronä jȩcu̧'ä̧tu̧cu̧ jȩpö̧ icu mo̧ro̧ päi'önä. Pi̧yȩ cuesetinätucu huȩnȩmä̧.

Nuevo Testamento Uwotjüja

⁸ Ukutumä̧ Jesucrito-rü to'kuätukuoka'a jä̧'i̧ja̧'a̧nä̧ eseu repe'ätüjä̧; ja̧'wa̧ta̧nü̧ to'kuätukuokoku ja̧'a̧nä̧ esetü, rü̧ä̧nä̧ eseäkuäwänä̧ esewätüjä̧ tti̧wȩnȩnä̧'i̧nä̧ jittäu juiyünä̧ jü̧nä̧.

1 Pedro 1:8 Referans Kwoze

San Juan 20:29

Jesús ja̧u̧ru̧ pä'inödo: —Tomás, ucutä tocuhuomenätä esetäjijä. Korotömä tottoca'anä esetinätömä, iso päi'önä eseunu ttö̧ja̧cuä̧cuo̧tö̧.

2 Corintios 5:7

Ja̧'hua̧ta̧nö̧ ja̧u̧ru̧tä̧ esetö cue'ächätöjä. Tö'ärenä totönätä amöcuädötä cue'ächocotöjä.

Romanos 15:13

Dios, ta̧'cua̧ tu̧huȩnä̧ra̧ pä'ö iyömä, ucuturu suhuädi'önä iyäcua'a̧nö̧ eseäcuähuä'inä, cua̧'cua̧ adiu kä̧cuä̧huä̧'i̧nä̧, ja̧u̧ru̧ cuesetätucuomenä. Ja̧'hua̧ta̧nö̧ Espíritu Santo ujurunä cua̧'cua̧ cu̧huȩnä̧rä̧cuä̧huä̧ rö̧ȩnä̧ juoächö'a̧nö̧ ucuturu.

Hebreos 11:1

Diosrö esetäcuähuänä, o'ca juiyönä tta̧tä̧rö̧mä̧ tȩmä̧cuo̧tö̧jä̧ pä'ö huo̧juä̧tö̧jä̧. Ja̧'hua̧ta̧nö̧ Diosrö esetäcuähuänä, koro juäi totocö juäi'inä iso päi'önä ja̧'a̧ huo̧juä̧tö̧jä̧.

San Juan 16:22

Ja̧'hua̧ta̧nö̧ ja̧'a̧ ucuturu'inä. Jitä cua̧'cua̧ tta̧'ȩcuä̧tö̧jä̧. Ja̧'hua̧nö̧ ja̧'a̧nä̧ ucuturu pä'äji ta'anö to̧chä̧cua̧sä̧. Ja̧u̧nu̧mä̧ ttörö tocu'ätucuomenä, cuami iso'quitucunä suhuädi'önä cuesehuäcuotöjä. Ja̧u̧ eseäcuähuä pi̧jä̧ ttö̧ja̧ yoröiso jȩpö̧ icuocotö.

2 Corintios 4:18

Ja̧'hua̧ta̧nö̧ ujutumä totomenätä esetocotöjä. Ujutumä totoca'anä'inä esetätöjä. Iso päi'önä tö'ärenä totä'ijö recuomä ko̧cö̧. Juhuorö'inä koromä tö'ärenä totocö jä̧'i̧jö̧mä̧, iso päi'önä 'cuäopönä kä̧cua̧'a̧.

1 Pedro 1:6

Ja̧'hua̧nö̧ ja̧'a̧ttö̧ ucutu rö̧ȩnä̧ eseunu ka̧cuä̧tö̧jä̧. Ja̧'hua̧nö̧ ja̧'a̧nä̧'i̧nä̧ a̧'u̧cua̧'a̧tä̧ ucuturu suronä 'cuäopäcua'a.

Hebreos 11:27

Diosrö esetö, Egipto ru̧hua̧rö̧ ö̧ra̧huä̧ra̧'a̧ yecuoca'a, Moisés Egipto rȩjȩttö̧ rä'opinödo. Chutä, Diosrö uhuäpocörö, topö cuettächö jä̧'i̧nö̧'a̧nö̧, adiunätä jȩpö̧ 'chi̧nö̧do.

1 Pedro 2:7

Ucutu esetätörömä, ja̧u̧ inähuä rö̧ȩnä̧ micuähua'ado. Esetocotörömä pi̧yȩ Huȩyu̧cuä̧ Huȩnȩ päö ta'anö 'cuäopa'a: Jitötä adicuä ttö̧ja̧mä̧ ttöjö'cocohuä ji̧nähuä, jueö isä'ca jä̧'i̧nö̧'a̧nö̧ kähuä jitämä.

Filipenses 4:4

Tu̧ru̧hua̧ i̧mi̧nä̧ 'cuäopönä eseäcuähuätucui. Pä'äji ta'anö ji'äusä: ¡Eseäcuähuätucui!

1 Pedro 5:4

Ja̧'hua̧nö̧ jȩpö̧ kä̧nö̧, adihuä Tta̧huä̧rä̧cuä̧huä̧ I̧sa̧ ichomenä, adiu jȩcu̧'ä̧tu̧cua̧'a̧ttö̧ adihuä juäi ojiyä hua'ö icu jö̧'a̧nö̧mä̧ jo'ö icuocödo cuȩmä̧tu̧cuä̧cuȩmä̧.

Efesios 6:24

Ja̧'hua̧ta̧nö̧ o'ca toi'önä Tu̧ru̧hua̧ Jesucristorö jarotti'oca'a repe'ätörö, Dios ppädäcua'a̧nö̧. Amén.

Filipenses 1:25

Ja̧'hua̧nö̧ ja̧'a̧ttö̧ iso päi'önä huo̧jua̧sä̧, ji̧nä̧ ucuturu ppä'ädö chö̧jä̧cua̧sä̧, ji̧nä̧ isocu rö̧ȩnä̧ esetö cuesehuätucua pä'ö.

Romanos 14:17

Dios hueömä ttu̧cuȩnä̧tä̧mä̧cö̧, ttaunätämäcö̧. Dios hueömä adiu jȩä̧cuä̧huä̧, tta̧'cua̧ adiu, tta̧'cua̧rö̧ eseu, Espíritu Santonä ttö̧jo̧mȩnä̧.

San Juan 14:24

Ttörö repe'ocömä, ttö pädömä esetö ä̧ju̧cuo̧cö̧. Jitä ucuturu jidäumä, ttötä chamönä ji'ähuocösä. Chä'o ttörö hueinö huȩnȩ ji'äusä.

San Juan 8:42

Ja̧'hua̧nö̧ pättomenä, Jesús päinä̧u̧do: —Iso päi'önä Dios i̧tti̧mö̧ cu'ätucuttumä, ttörö repe'ajatöjä. Ttömä Diosttö ichösä. Cuä'catucu jo̧mȩ kö̧sä̧. Ttötä chamönä amöcuädäu ichocö pi̧nö̧sä̧. Diostä hueinäcusä.

Filipenses 3:3

Iso päi'önä ujutumä adiunä circuncidados huotöjä. Ujutumä Cristo Jesúsru esetö Espíritu Santonä eseunu amöcuädö ucuocuätöjä Diosrö. Ujutumä tidepä jähuämä ta̧'cua̧ huȩnä̧ro̧co̧tö̧jä̧.

Gálatas 5:22

Ja̧'hua̧nö̧ ja̧'a̧nä̧ Espíritu Santo ujuturu iyömä repeäcuähuä, eseäcuähuä, tami iso'quinä eseäcuähuä, ta̧'cua̧ pö̧nö̧ jö̧, korotörö adiu ppädäcuähuä, ucuotäcuähuä, o'ca juiyönä yaparehuäcuähuä juiyönä jȩä̧cuä̧huä̧.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

2 Corintios 12:4

Juhua'attötä koro yä̧huä̧i̧nä̧ huȩnȩ, pi̧jä̧ ttö̧ja̧ yoröiso ttucuocuocö huȩnȩ, ä̧ju̧cui̧nö̧do.

2 Corintios 9:15

Diosrö adiu tesehuäcuähuätucuaja. Iso päi'önä ja̧u̧mä̧ juiyo rö̧ȩnä̧ adihuä juäi iyö ujuturu.

2 Corintios 1:22

Ja̧u̧mä̧ ujuturu hue'inödo i̧tti̧mö̧ päti'a pä'ö. Ja̧'hua̧ta̧nö̧ iyinödo Espíritu Santorö tami iso'quinä. Ja̧'hua̧nö̧ jȩpö̧ huo̧juä̧tö̧jä̧, iso päi'önä iyömä tȩmä̧cuo̧tö̧jä̧.

Hechos 16:34

Ja̧'hua̧nö̧ ja̧'a̧ cärenä ttö̧'a̧'a̧ tta̧'ä̧rö̧mä̧ jahuätörö ojusode jacuoju o'ipö, ttu̧cuȩ ttucua pä'ö iyinödo. Chutä'inä, o'ca toi'önä ojusodenä ka̧cuä̧tö̧'i̧nä̧ juiyo esehuinätödo Diosrö esetäjä'cotö.

San Juan 14:21

Ttö huedinö u̧huo̧jua̧'a̧ttö̧ jȩpö̧mä̧, iso päi'önä ttörö repe'ö. Ttörö repe'örö, Chä'o'inä rȩpȩä̧cua̧ ja̧u̧ru̧. Ttö'inä ja̧u̧ru̧ rȩpȩdä̧cua̧sä̧. Ja̧'hua̧ta̧nö̧ ja̧u̧cu̧ chö̧jä̧cua̧sä̧, —pä'inödo Jesús.

San Juan 14:15

“Ttörö repecuhuätucuttumä, jȩpä̧tu̧cui̧ ttö huedömä.

San Mateo 10:37

“Ya̧tȩ jä'orö'inä, ja̧ju̧ru̧'i̧nä̧, ttöttö'inä abonänö repeöttömä, ttö chi̧tti̧ päi'a pä'ö adihuä i̧sa̧cö̧. Ja̧'hua̧ta̧nö̧ ya̧tȩ i̧tti̧rö̧'i̧nä̧, ittijuru'inä, ttöttö'inä abonänö repeöttömä, ttö chi̧tti̧ päi'a pä'ö adihuä i̧sa̧cö̧.

1 Corintios 16:22

Ya̧tȩ Tu̧ru̧hua̧ Jesucristorö repe'ocömä, chutä Tu̧ru̧hua̧tä̧ ro̧ȩpä̧cua̧. Tu̧ru̧hua̧, ¡jurunä ichi!

Efesios 3:19

Ja̧u̧ repeömä cu̧huo̧juä̧tu̧cua̧'a̧ttö̧, Dios cuami iso'quitucunä suhuädi'önä ö̧ja̧ pä'ö jä'epösä Diosrö. Ihueye rȩbȩhuo̧co̧tö̧jä̧ o'ca juiyönä tu̧huo̧jua̧ pä'ö ja̧u̧ repeömä.