1 Juan 5:8 - TÄ̧DO Ä̧CUÄ̧ I̧HUȨNȨ

⁸ Ja̧'hua̧ta̧nö̧ pi̧jä̧nä̧ ji'ähuätömä, huämetucuä ja̧'a̧: Espíritu Santo'inä, ajiya'inä, ucuoja'inä. Jahuätö huämetucuä ji̧nä̧ ji̧yȩtȩ ji'ähuätö.

Nuevo Testamento Uwotjüja

⁸ Epíritu Dio weinä̧ku̧'i̧nä̧, ajiya bautizo jȩä̧kuä̧wi̧nü̧'i̧nä̧ ja̧'wa̧ta̧nü̧ ukuoja, ü̧jo̧kä̧ jäittü werächinoya'i̧nä̧, jü̧nä̧. Ja̧'wa̧nü̧ ja̧'a̧ttü̧, pi̧yȩ [wäbodäkuänä̧ jo̧mȩnä̧ jü̧mä̧, ji̧nä̧ ji̧yȩtȩtä̧ jiäwa'a.]

1 Juan 5:8 Referans Kwoze

San Juan 15:26

“Ucuturu Ppädäcuähuä I̧sa̧, iso päi'önä Espíritu, Chä'ottö huȩdä̧cua̧mä̧ ichomenä, ttörö adiu u̧cuo̧cuä̧cua̧.

1 Pedro 3:21

Ja̧u̧ aje suhuädinömä bautizando jȩtta̧'a̧ jä̧'i̧nö̧'a̧nö̧ ji̧na̧'a̧do. Ujutu'inä bautizando jȩto̧mȩnä̧, suronä jȩtö̧ jȩpö̧ icu Dios. Bautizando jȩtö̧mä̧, ujutu tidepämä töcö icuocödo. Ji̧yȩä̧cuȩtä̧ Diosrö jäecuätä ta̧'cua̧ adiu iyömä. Ja̧'hua̧ta̧nö̧ Jesucristo ttoächinö huȩnȩ esetö, ujutu suronä jȩtö̧ jȩpö̧ icudo.

Romanos 8:16

Ja̧'hua̧ta̧nö̧ ja̧u̧tä̧ Espíritu Santo ujutu ta̧'cua̧ru̧hua̧rö̧ huo̧juȩtö̧, ujutu iso päi'önä Dios i̧tti̧mö̧jä̧ pä'ö.

San Marcos 14:56

Recuätö ttö̧ja̧ suronä ttucuocuomenä, jeruhua'ara̧'a̧ koro koronö ucuocuinätödo.

2 Corintios 1:22

Ja̧u̧mä̧ ujuturu hue'inödo i̧tti̧mö̧ päti'a pä'ö. Ja̧'hua̧ta̧nö̧ iyinödo Espíritu Santorö tami iso'quinä. Ja̧'hua̧nö̧ jȩpö̧ huo̧juä̧tö̧jä̧, iso päi'önä iyömä tȩmä̧cuo̧tö̧jä̧.

Hechos 15:15

Dios i̧huȩnȩ jiäcuähuä isotö'inä ja̧u̧tä̧ huȩnȩ ji'ähuinätödo.

San Mateo 28:19

Ja̧'hua̧nö̧ ja̧'a̧ttö̧ o'ca toi'önä ttö̧ja̧rö̧ pi̧jä̧ pa̧ja̧cu̧nä̧ 'chä̧nö̧, ji'ähuäjätucui ttörö ttesetäcua'a̧nö̧. Chä'o i̧mi̧nä̧'i̧nä̧, I̧tti̧ i̧mi̧nä̧'i̧nä̧, Espíritu Santo i̧mi̧nä̧'i̧nä̧ jahuätörö bautizando jȩpä̧tu̧cui̧.

Hebreos 13:12

Ja̧'hua̧ta̧nö̧ Jesús ötahuiyä abocu 'corupä'i'inödo, pi̧jä̧ ttö̧ja̧rö̧ aditö icua pä'ö chutä ucuojanä.

Hebreos 6:4

Korotö tȩa̧u̧ ȩmi̧nä̧tö̧'i̧nä̧, Dios iyö ka̧cuä̧mö̧ topinätö'inä, Espíritu Santorö ku̧nä̧ri̧nä̧tö̧'i̧nä̧, Dios adihuä i̧huȩnȩ'i̧nä̧, yodoji 'cuäopä̧cuȩ huȩnȩ'i̧nä̧, ka̧cuä̧mö̧ topinätö'inä, pä'äji ta'anö jaropi'ö ma̧ttä̧chö̧ttö̧mä̧, pä'äji ta'anö jareönä pärocuäcutä ttamöcuäda pä'ö hueyecua'a. Ja̧'hua̧nö̧ jaropi'ö, Dios I̧tti̧rö̧ pä'äji ta'anö daunä pȩ'o̧pö̧ ku̧nu̧, cuä'ö icuätö jä̧'i̧nö̧'a̧nö̧ jȩpä̧tö̧. Korotö ttä'ca jo̧mȩttö̧ suronä ya̧'ä̧huȩ'ä̧tö̧ Dios I̧tti̧rö̧.

San Juan 19:34

Ja̧'hua̧nö̧ ja̧'a̧nä̧ ya̧tȩ su̧ro̧da̧u̧ i̧sa̧ dacuodänä ta'inödo Jesúsru i'esubänä. Ja̧'hua̧nö̧ tahuomenä ucuoja'inä, ajiya'inä erina'ado.

1 Juan 5:9

Ttö̧ja̧ jittäumä ujutu ä̧ju̧cu̧ esetätöjä. Ja̧'hua̧nö̧ ja̧'a̧ Dios jiäumä ttö̧ja̧ jittäuttu'inä abonänö micuähua'a. Pi̧yȩ jiäumä Dios ji'ähuinö I̧tti̧rö̧ tteseta pä'ö.