1 Juan 5:19 - TÄ̧DO Ä̧CUÄ̧ I̧HUȨNȨ

¹⁹ Ujutu huo̧juä̧tö̧jä̧ Dios i̧tti̧mö̧jä̧. Korotö pi̧jä̧ jähuänä ka̧cuä̧tö̧rö̧ hue'ö ähuettämä.

Nuevo Testamento Uwotjüja

¹⁹ Ujutumä̧ Dio-ku ji̧nä̧ ji̧yȩtȩ wotüjä̧ ja̧'wa̧ta̧nü̧ pi̧jä̧ ttü̧ja̧mä̧ o'katoi'ünä̧ äwettä weünä̧tä̧ kka̧kuä̧tü̧.

1 Juan 5:19 Referans Kwoze

2 Corintios 4:4

Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

Efesios 2:2

Ja̧'hua̧nö̧ jȩpö̧ cuecuhuächätucuomenä, pi̧jä̧ ttö̧ja̧ jȩttö̧ jȩpi̧nä̧tö̧jä̧. Espíritu pi̧jä̧ isoppanä hue'örö pä̧huä̧ rö̧jo̧mȩnä̧ jȩpi̧nä̧tö̧jä̧. Ja̧u̧ espíritu Diosrö esetocotörö hue'ö, suronä jȩtta̧ pä'ö.

Gálatas 1:4

Ja̧'hua̧ta̧nö̧ 'corujuoächa pä'ö iyähuinö ujutu suronä jȩtö̧ jȩpö̧ icua pä'ö, pi̧jä̧ surojä̧jä̧ttö̧ ȩma̧tö̧ pä'ö Tä'o Diosrö pä̧huä̧ rö̧jo̧mȩnä̧.

San Juan 12:31

Jitä pä̧nä̧ pi̧jä̧ ttö̧ja̧rö̧ päcua'a̧nö̧. Ja̧'hua̧ta̧nö̧ jitä pi̧jä̧nä̧ hue'örö do'opö icuäcua'a̧nö̧.

Apocalipsis 12:9

Ja̧u̧ ojuo da'ä jä̧'i̧nö̧'a̧nö̧ hua̧rö̧, i̧sa̧rö̧, chutä täbocö ä̧ca̧ pi̧nö̧rö̧, ähuettä'inä, Satanás'inä pättäcuru, o'ca toi'önärö yapareu ji'äuru, ya'opö tticuinäcu. Chutäcu umöhuäyotöcu pi̧jä̧ rȩjȩra̧'a̧ do'opö tticuinäcu.

San Juan 16:11

Ja̧'hua̧ta̧nö̧ Dios pi̧jä̧nä̧ hue'örömä suronä 'cuäopa pä'ö hueina'attö, Dios adihuä pä̧cuȩ huȩnȩ tottäcuotödo.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.

1 Juan 5:13

O'ca juiyönä pi̧yȩ huȩnȩ huȩyu̧tu̧sä̧ ucuturu, Dios I̧tti̧rö̧ esetätörö, cu̧huo̧juä̧tu̧cua̧ pä'ö kä̧cuä̧huä̧ i'co ku̧nä̧rä̧tö̧jä̧ pä'ö.

Santiago 4:4

Ucutu ttö̧ja̧ suropätö, ucutu unichi'ätöjä Diosrö, pi̧jä̧ jähuä amöcuädö. ¿Jerupätöjä tä̧ji̧? Pi̧jä̧ ahuaruhuä päi'önä ka̧cuä̧tö̧mä̧ Dios aboiyotö. O'ca toi'önä pi̧jä̧ ahuaruhuä päi'önä amöcuädätömä Dios aboiyotö pä'i'ätö.

San Juan 14:30

“Jitämä rö̧ȩnä̧ ucuocuocösä ucuturu, pi̧jä̧nä̧ hue'ömä icha'attö. Chutä ttörö ujuruhuoca'anä, ja̧'hua̧nö̧ 'cuäopäcua'a, pi̧jä̧ ttö̧ja̧ Chä'orö repeda'a ttu̧huo̧jua̧ pä'ö. Ja̧'hua̧ta̧nö̧ Chä'o ttörö hue'inö hueö'inä jȩpö̧sä̧ ttu̧huo̧jua̧ pä'ö. Ä̧rä̧mi̧'ä̧tu̧cui̧. Ti̧'chä̧tu̧cua̧, —pä'inödo Jesús.

1 Juan 5:10

Dios I̧tti̧rö̧ esetätömä ttami iso'quinä hua'adö ku̧nä̧tö̧ ja̧u̧ Dios jiähuinömä. Diosrö esetocotömä “Dios yaparehua̧” pä'ätö, Diosmä I̧tti̧rö̧ tteseta pä'ö jiähuinömä ttesetoca'attö.

1 Juan 3:24

O'ca toi'önä Dios hueinö ta'anö jȩpä̧tö̧mä̧, ja̧u̧cu̧ ka̧cuä̧tö̧. Ja̧'hua̧ta̧nö̧ Dios jahuätöcu kö̧. Espíritu Santorö ujutucu ö̧ja̧ pä'ö iyina'attö, huo̧juä̧tö̧jä̧ Dios ujutucu kö̧.

Apocalipsis 20:3

Ja̧'hua̧nö̧ önö'cäji o'ca'a, jahuäju rejunä, yoröiso beipocojunä, do'opö icuinäcu. Ju̧huȩnȩ äpate 'quiyönä mö̧'ȩpi̧nö̧. Ja̧'hua̧nö̧ jȩinä̧cu̧ pi̧jä̧ ttö̧ja̧rö̧ yapareu jiäu juiya pä'ö ya'ute mil a̧'ȩ päi'ome jubö. Ya'ute mil a̧'ȩ o'ca'a, pä'äji ta'anö beometä ja̧u̧ru̧ rä'epö tticuäcuotö.

1 Juan 5:18

Ujutu huo̧juä̧tö̧jä̧ Dios i̧tti̧mö̧ suronä jȩpö̧ ko̧co̧tö̧, Dios I̧tti̧ jahuätörö tta̧'ä̧rö̧. Ähuettä jahuätörö mȩ'ö̧'i̧nä̧ mȩ'o̧cö̧.

2 Corintios 5:1

Ujutu huo̧juä̧tö̧jä̧ pi̧yȩmä̧. Iso päi'önä tidepä, recuo ko̧cö̧mä̧, be'epö tticuttumä, Dios mo̧ro̧jä̧ra̧'a̧ttö̧ korode tojusode aditinödo, yoröiso beipocode, ttö̧ja̧ ttu̧mö̧nä̧'i̧nä̧ adicuocode.

Romanos 8:16

Ja̧'hua̧ta̧nö̧ ja̧u̧tä̧ Espíritu Santo ujutu ta̧'cua̧ru̧hua̧rö̧ huo̧juȩtö̧, ujutu iso päi'önä Dios i̧tti̧mö̧jä̧ pä'ö.

1 Juan 3:14

Ujutumä pä'äjimä 'corupä'i'ätö jä̧'i̧nö̧'a̧nö̧ ka̧cui̧nä̧tö̧jä̧. Tö̧jä̧hua̧tö̧rö̧ repeta'attö huo̧juä̧tö̧jä̧ jitämä 'corupäi'äcuähuättö ka̧cui̧pi̧nä̧tö̧jä̧. Ö̧jä̧hua̧rö̧ repe'ocömä 'corupä'i'ätö jä̧'i̧nö̧'a̧nö̧ kö̧.

Tito 3:3

Iso päi'önä täbocö ujutumä ja̧'a̧tä̧ cue'ächö, Diosrö esetocotö pi̧nä̧tö̧jä̧. Re'tehuächätö cuettächö'a̧nö̧ cue'ächinätöjä. Ujutumä suronä amöcuädö cue'ächinätöjä. Ja̧'hua̧ta̧nö̧ suronä jȩpi̧nä̧tö̧jä̧ korotörö. Korotö ttu̧ju̧nä̧rö̧ ta'anö, tu̧ju̧nä̧ra̧ pä'inätöjä. Korotörö pä̧huä̧ juiyönä topö cue'ächinätöjä.

2 Timoteo 1:12

Ja̧'hua̧nö̧ ja̧'a̧ttö̧ jitä ubara ttu'usä. Ja̧'hua̧nö̧ ja̧'a̧nä̧ dä'äcuocösä. Ttö cha̧'cua̧ chu̧huȩnä̧rä̧cu̧ru̧ huo̧jua̧sä̧. Ja̧'hua̧ta̧nö̧ ttörö iyinömä, röji mo̧ro̧ päi'omenä tta̧huä̧rä̧cua̧'a̧ huo̧jua̧sä̧.

2 Corintios 1:12

Pi̧yȩ amöcuädö esehuätöjä. Ujutu tami iso'quinä tamöcuädomenä, huo̧juä̧tö̧jä̧ iso päi'önä adiunä ta̧'cua̧ pö̧nö̧ cue'ächätöjä pi̧jä̧nä̧ ucutu cuä'catucu jo̧mȩttö̧. Diostä ujuturu repe'ö ppä'ädinö ja̧'hua̧nö̧ cuetächa pä'ö. Ujutu tamönä tamöcuädönä ja̧'hua̧nö̧mä̧ cue'ächocotöjä.

San Lucas 4:6

Ja̧'hua̧ ja̧'a̧ttö̧ ähuettä pä'inödo: —Ttö chi̧yä̧cua̧jä̧ pi̧yȩ o'ca juiyönä öadihuänä ru̧hua̧ cu̧ja̧ pä'ö. Ttörö ja̧u̧ o'ca juiyönä hueipinömä, ttö chiya pädäcuru chiyö'a̧nö̧ ja̧'a̧.

San Juan 17:15

Ja̧'hua̧ta̧nö̧ pi̧jä̧ttö̧ rä'epö cuicuatö pä'ö jä'epö ucuocuocösä. Ähuettä jȩa̧'a̧cu̧ tta̧cu̧huä̧ra̧tö̧ pä'ö ucuocusä.

1 Juan 5:15

Ujutu huo̧juä̧tö̧jä̧ Dios ujutu jätepö ä̧ju̧cua̧'a̧ttö̧, huo̧juä̧tö̧jä̧ ujuturu iyö ja̧u̧ru̧ jätepömä.