1 Juan 4:20 - TÄ̧DO Ä̧CUÄ̧ I̧HUȨNȨ

²⁰ Ya̧tȩ pä'ö “Diosrö repe'ösä” päöttömä, ö̧jä̧hua̧rö̧ repeoca'anä, ja̧u̧mä̧ yaparehua̧. Ja̧'hua̧nö̧ ja̧'a̧ ö̧jä̧hua̧ toäcuru repe'ocömä, Dios tococuru repe'ocö.

Nuevo Testamento Uwotjüja

²⁰ Ja̧'wa̧nü̧ ja̧'a̧ttü̧, ya̧tȩ «Dio-rü eseu repe'üsä» pä'ükkä̧nü̧, a̧wa̧ru̧wa̧ i̧jä̧wa̧rü̧ eseu repeü juiyüttümä̧, yapareäkuäwä i̧sa̧ ja̧'a̧. Isopäi'ünä̧ tawaruwä ti̧jä̧wa̧ totäkuru'i̧nä̧ eseu repetoka'amä̧ ¿toku eseu repetäkua'ajä̧ttü̧, Dio-rümä̧, totokokurumä̧?

1 Juan 4:20 Referans Kwoze

1 Juan 3:17

Ya̧tȩ järe u̧ju̧nä̧ra̧'a̧nä̧ ö̧jä̧hua̧ jui̧'a̧rö̧ topö, re rö̧jö̧nä̧ toca'a jö̧ttö̧mä̧, Diosttö repeähuä ¿tta̧'a̧nö̧ u̧ju̧nä̧ra̧'a̧ttö̧ ami iso'quinä?

1 Juan 2:9

Ya̧tȩ pä'ö “Ttömä tȩa̧u̧nä̧ kö̧sä̧” päa'anä, ö̧jä̧hua̧rö̧ öjö'cö juiyönä kö̧mä̧, ji̧nä̧ yo̧ö̧cu̧ kö̧.

1 Juan 4:12

Yoröiso ya̧tȩ'i̧nä̧ topocö pi̧nö̧ Diosrömä. Ja̧'hua̧nö̧ ja̧'a̧nä̧ tö̧jä̧hua̧tö̧rö̧ repetomenä, Dios ujutucu kö̧. Ja̧'hua̧ta̧nö̧ Diosttö repeähuä jo̧mȩ päi'önä rö̧ä̧cha̧'a̧ ujuturu.

1 Juan 2:4

Ya̧tȩ “Diosrö huo̧jua̧sä̧” päöttömä, Dios hueinö ta'anö jȩpo̧cö̧mä̧, ja̧u̧mä̧ yaparehua̧. Iso päi'önä huȩnȩ ucuocuocö.

1 Juan 2:11

Ya̧tȩ ö̧jä̧hua̧rö̧ öjö'cö juiyönä kö̧mä̧, yo̧ö̧cu̧ kö̧, yo̧ö̧cu̧ cue'ächö. I̧'cha̧'a̧cu̧mä̧ jȩru̧pa̧. Ja̧u̧ yo̧ö̧ttö̧ ä̧to̧cä̧chö̧.

1 Pedro 1:8

Jesucristorö tocu'ätucuoca'anä'inä, ja̧u̧ru̧ eseunu ka̧cuä̧tö̧jä̧. Ja̧'hua̧ta̧nö̧ ja̧u̧ru̧ tocu'ätucuoca'anä'inä cuesetätucuomenä, ttänämä jittäu juiyö'a̧nö̧ jö̧ rö̧ȩnä̧ cuesehuäcuotöjä, ucutu suronä jȩcu̧'ä̧tu̧cu̧ jȩpö̧ icu mo̧ro̧ päi'önä. Pi̧yȩ cuesetinätucu huȩnȩmä̧.

1 Juan 1:6

Ja̧u̧cu̧ ji̧nä̧ ji̧yȩtȩ huotöjä pätöttömä, yo̧ö̧nä̧ cue'ächö kä̧nö̧, yapareu ucuocuätöjä. Iso päi'önä huȩnȩ päö'a̧nö̧ jȩpo̧co̧tö̧jä̧.

San Juan 13:35

Korotö korotönörö repecuhuätucuttumä, o'ca toi'önä pi̧jä̧ ttö̧ja̧ ttu̧huo̧juä̧cuo̧tö̧ ucutumä ttö chu̧huo̧juȩtä̧u̧jä̧ pä'ö.

1 Juan 1:8

“Ujutu yoröiso suronä jȩpo̧co̧tö̧jä̧” pätöttömä, ujutu tamönä yaparehuätöjä. Ja̧'hua̧nö̧ pätomenä, iso päi'önä huȩnȩ ucuocuocotöjä.