1 Juan 4:15 - TÄ̧DO Ä̧CUÄ̧ I̧HUȨNȨ

¹⁵ Jesúsmä Dios I̧tti̧ ja̧'a̧ pä'ö ji'ähuätöcu kö̧ Diosmä. Jahuätötä Dioscu ka̧cuä̧tö̧.

Nuevo Testamento Uwotjüja

¹⁵ Ya̧tȩ, Jesú-ru Dio I̧tti̧ ja̧'a̧ pä'ü ji'äurumä̧, Dio'i̧nä̧ jua̧u̧nä̧tä̧ kkü̧; pärokua'aku jua̧u̧ ttü̧ja̧sa̧'i̧nä̧ Dio-ku kkü̧.

1 Juan 4:15 Referans Kwoze

1 Juan 5:5

Jesúsma̧ iso päi'önä Dios I̧tti̧ ja̧'a̧ pä'ö esetätötä pi̧jä̧ jähuättö'inä abonänö juruhuätö.

Romanos 10:9

Ucu cuättö “Jesúsmä Chu̧ru̧hua̧” päcuttumä, Dios Jesucristorö hua'arettö tto'ädinö cuami iso'quittö cuesetöttömä, Dios ucuru ȩmä̧cua̧.

San Mateo 10:32

“O'ca toi'önä korotö ttä'ca jo̧mȩttö̧ ttörö adiu ucuocuätömä, jahuätörö adiu chu̧cuo̧cuä̧cua̧sä̧ Chä'o mo̧ro̧jä̧ra̧'a̧ kö̧ ä'ca jo̧mȩttö̧.

1 Juan 4:2

Ja̧'hua̧nö̧ cu̧huo̧juä̧cuo̧tö̧jä̧ Espíritu Santorö ku̧nä̧rä̧tö̧rö̧. Jesucristo ubo jö̧nä̧ ichinö pä'ö pä'ätömä, jahuätötä Espíritu Santorö ku̧nä̧rä̧tö̧.

1 Juan 3:24

O'ca toi'önä Dios hueinö ta'anö jȩpä̧tö̧mä̧, ja̧u̧cu̧ ka̧cuä̧tö̧. Ja̧'hua̧ta̧nö̧ Dios jahuätöcu kö̧. Espíritu Santorö ujutucu ö̧ja̧ pä'ö iyina'attö, huo̧juä̧tö̧jä̧ Dios ujutucu kö̧.

Filipenses 2:11

Ja̧'hua̧ta̧nö̧ o'ca toi'önä ttättö'inä jittähuäcuotö Jesucristomä Tu̧ru̧hua̧ ja̧'a̧ pä'ö. Iso päi'önä Tä'o Diosrö ttucuotäcua'a̧nö̧.

1 Juan 4:12

Yoröiso ya̧tȩ'i̧nä̧ topocö pi̧nö̧ Diosrömä. Ja̧'hua̧nö̧ ja̧'a̧nä̧ tö̧jä̧hua̧tö̧rö̧ repetomenä, Dios ujutucu kö̧. Ja̧'hua̧ta̧nö̧ Diosttö repeähuä jo̧mȩ päi'önä rö̧ä̧cha̧'a̧ ujuturu.

1 Juan 5:1

O'ca toi'önä Jesúsmä Cristo ja̧'a̧ pä'ö esetätömä, Dios i̧tti̧mö̧. Ya̧tȩ ta̧hua̧ru̧hua̧ i̧tti̧mö̧ ku̧nä̧rö̧rö̧ repetöttömä, ja̧u̧tä̧ i̧tti̧mö̧rö̧'i̧nä̧ repe'ätöjä.

San Lucas 12:8

“Ttö pä'ösä ucuturu, o'ca toi'önä korotö ttä'ca jo̧mȩttö̧ ttörö adiu ucuocuätömä, jahuätörö adiu u̧cuo̧cuä̧cua̧ Ubo I̧tti̧ Dios umöhuäyotö ángeles ttä'ca jo̧mȩttö̧.

2 Juan 1:7

Ja̧'hua̧ ja̧'a̧ recuätö yapareu ji'ähuätö pi̧jä̧nä̧ ka̧cuä̧tö̧. Jahuätö “Jesucristo ubo jö̧nä̧ ichinö” pä'ocotö. Ja̧'hua̧nö̧ jȩpö̧mä̧ yaparehua̧. Ja̧u̧mä̧ Cristo a̧bo̧i̧ya̧.

San Juan 6:56

Ttötä chidepättö'inä cumä, chucuojattö'inä aumä, ttöcu eseunu kö. Ttö'inä ja̧u̧cu̧ eseunu kö̧sä̧.

1 Juan 2:23

Tä'o Dios I̧tti̧rö̧ ä̧ppö̧tä̧rö̧mä̧, Tä'o Dios i̧tti̧mä̧cö̧. Tä'o Dios I̧tti̧ Jesucristorö “Esetösä” pä'ömä, iso päi'önä Tä'o Dios i̧tti̧.

1 Juan 2:24

Ja̧'hua̧nö̧ ja̧'a̧ ucutu äcuomenä cuesetinomettö kä̧mä̧dö̧ cuä̧ju̧cui̧nä̧tu̧cu̧mä̧, esetö ka̧cuä̧tu̧cui̧. Äcuomenä cuesetinomettö kä̧mä̧dö̧ cuä̧ju̧cui̧nä̧tu̧cu̧mä̧ esetö cu̧ja̧cuä̧tu̧cu̧ttu̧mä̧, ucutu Tä'o Dioscu, Tä'o Dios I̧tti̧ Jesucristocu cu̧ja̧cuä̧cuo̧tö̧jä̧.

1 Juan 3:23

Dios pi̧yȩ hue'inö: tesetö'a̧nö̧ ja̧'a̧ Dios I̧tti̧ Jesucristorö. Ja̧'hua̧ta̧nö̧ tö̧jä̧hua̧tö̧rö̧ repetö'a̧nö̧ ja̧'a̧, Dios hueinö ta'anö ujuturu.

Hechos 8:37

Felipe ädätinödo: —Jesucristorö adiu cuesetöttömä, bautizando jȩchä̧cua̧jä̧. Ruhuaju kippeyä ru̧hua̧ pä'inödo: —Jesucristomä iso päi'önä Dios I̧tti̧ ja̧'a̧ pä'ö esetösä.