1 Juan 3:9 - TÄ̧DO Ä̧CUÄ̧ I̧HUȨNȨ

⁹ Dios i̧tti̧mö̧mä̧ suronä jȩpö̧ ko̧co̧tö̧, Dios tta̧'cua̧rö̧ ttoädäcuähuä iya'attö. Yoröiso suronä jȩpö̧ ko̧co̧tö̧, Dios i̧tti̧mö̧ ja̧'a̧ttö̧.

Nuevo Testamento Uwotjüja

⁹ O'katoi'ünä̧ Dio-ttü uwäpächinä̧tü̧mä̧ surojümä̧ jȩpü̧ kko̧ko̧tü̧, Dio i̧tti̧mä̧ juätünä̧ ü̧ja̧'a̧ttü̧. Surojümä̧ jȩpü̧ ttü̧jü̧ juiyünä̧ jä̧u̧, Dio-ttü ttuwäpächina̧'a̧ttü̧.

1 Juan 3:9 Referans Kwoze

1 Juan 5:18

Ujutu huo̧juä̧tö̧jä̧ Dios i̧tti̧mö̧ suronä jȩpö̧ ko̧co̧tö̧, Dios I̧tti̧ jahuätörö tta̧'ä̧rö̧. Ähuettä jahuätörö mȩ'ö̧'i̧nä̧ mȩ'o̧cö̧.

1 Pedro 1:23

Ucutu jareönä uhuäpächinätöjä. Ja̧'hua̧nö̧ jareönä cuhuäpächätucuomenä, pi̧jä̧ ttö̧ja̧, 'corupä'i'ätöttömä uhuäpächocotö pi̧nä̧tö̧jä̧. Dios i̧huȩnȩttö̧, yoröiso beipocöttö, uhuäpächinätöjä.

San Juan 1:13

Jahuätö pi̧jä̧ ttö̧ja̧ tti̧tti̧mö̧ jö̧'a̧nö̧ huocotödo. Pi̧jä̧ ttö̧ja̧ tti̧tti̧mö̧ ttuhuäpächö'a̧nö̧ uhuäpächocotö pi̧nä̧tö̧do. Ja̧'hua̧ta̧nö̧ ya̧tȩ pi̧jä̧ ttö̧ja̧ i̧sa̧rö̧ pä̧huä̧ rö̧jo̧mȩnä̧, uhuäpächocotö pi̧nä̧tö̧do. Jahuätömä Dios i̧tti̧mö̧do.

1 Juan 2:29

Ucutu huo̧juä̧tö̧jä̧ Jesucristo adiu jȩpö̧ pä'ö. Ja̧'hua̧ta̧nö̧ cu̧huo̧juä̧tu̧cu̧'a̧nö̧ ja̧'a̧ o'ca toi'önä adiu jȩpö̧ ka̧cuä̧tö̧mä̧, Dios i̧tti̧mö̧ pä'ö.

1 Juan 5:1

O'ca toi'önä Jesúsmä Cristo ja̧'a̧ pä'ö esetätömä, Dios i̧tti̧mö̧. Ya̧tȩ ta̧hua̧ru̧hua̧ i̧tti̧mö̧ ku̧nä̧rö̧rö̧ repetöttömä, ja̧u̧tä̧ i̧tti̧mö̧rö̧'i̧nä̧ repe'ätöjä.

1 Juan 5:4

O'ca toi'önä Dios i̧tti̧mö̧ pi̧jä̧ jähuättö'inä abonänö juruhuätö. Ja̧'hua̧nö̧ ja̧'a̧ adiu tesetomenä, pi̧jä̧ jähuättö'inä abonänö juruhuätöjä.

San Juan 3:3

Ja̧'hua̧ ja̧'a̧ Jesús ja̧u̧ru̧ pä'inödo: —Iso päi'önä pä'ösä ucuru, ya̧tȩ jareönä uhuäpächö juiyöttömä, yoröiso do'ächocö jä̧cua̧ Dios ö̧jo̧mȩcu̧.

Gálatas 5:17

Ujutu tamönä pä̧huä̧ rö̧jö̧mä̧ Espíritu Santo jähuämäcö̧. Ja̧'hua̧ta̧nö̧ Espíritu Santomä ujutu tamönätä pä̧huä̧ rö̧jö̧mä̧ yoröiso kö'cocö. Espíritu Santo öjö'cö'inä, ujutu tamönä pä̧huä̧ rö̧jö̧'i̧nä̧ i̧mi̧cu̧nä̧ jö̧. Ja̧'hua̧nö̧ ja̧'a̧ttö̧ ucuturutä pä̧huä̧ rö̧jö̧mä̧ jȩcu̧'ä̧tu̧cu̧ juiyö'a̧nö̧ ja̧'a̧.

1 Juan 4:7

Chö̧jä̧hua̧tö̧, repeähuä Diosttö icha'attö, repetö'a̧nö̧ ja̧'a̧ tö̧jä̧hua̧tö̧ o'ca toi'önärö. Repe'ätömä Dios i̧tti̧mö̧. Diosrö huo̧juä̧tö̧.

San Mateo 7:18

Iso päi'önä adihuä juäi dau, u̧huä̧ju̧ suräjuäimä huȩjo̧cö̧. Ja̧'hua̧ta̧nö̧ suräjuäi dau, u̧huä̧ju̧ adihuä juäimä huȩjo̧cö̧.

Romanos 6:2

Tta̧'a̧huä̧jä̧. Suronä jȩti̧nö̧ttö̧mä̧, huä'ö icuätö jä̧'i̧nö̧'a̧nö̧ ka̧cuä̧tö̧jä̧. Ja̧'hua̧nö̧ ja̧'a̧ttö̧ ¿tta̧'a̧nö̧ suronä jȩpö̧ tö̧ja̧cuä̧ttö̧?

Hechos 4:20

Tä̧ju̧cui̧nö̧'i̧nä̧, totinö'inä jitäumä cä'ädi'ocotöjä, —pä'inätödo.

Tito 1:2

Ja̧'hua̧ta̧nö̧ kä̧cuä̧huä̧ i'co, Dios iya päinömä, tta̧ttä̧ra̧ pä'ö ji'äusä. Dios yoröiso yaparehuocö. Pi̧jä̧ juiyäi'inä, ja̧u̧ kä̧cuä̧huä̧ i'co iya pä'ö amöcuädinödo.

1 Juan 3:6

Ja̧'hua̧nö̧ ja̧'a̧ ja̧u̧cu̧ ka̧cuä̧tö̧mä̧ suronä jȩpö̧ ko̧co̧tö̧. Suronä jȩpö̧ ka̧cuä̧tö̧mä̧, ja̧u̧ru̧ topocotö pi̧nä̧tö̧. Ja̧u̧ru̧ jerupätö.

3 Juan 1:11

Suronä jȩpä̧tö̧ jȩttö̧'a̧nö̧ jȩcu̧'ä̧' chö̧jä̧hua̧. Adiu jȩpä̧tö̧ jȩttö̧'a̧nö̧ jȩpi̧. Adiu jȩpö̧mä̧, Dios i̧tti̧ päi'önä kö̧. Suronä jȩpö̧mä̧, Diosrö topocö pi̧nö̧.