1 Juan 3:4 - TÄ̧DO Ä̧CUÄ̧ I̧HUȨNȨ

⁴ O'ca toi'önä suronä jȩpä̧tö̧mä̧ Dios hueähuä huȩnȩ jarode'ätö. Suronä jȩä̧cuä̧huä̧mä̧, Dios hueähuä huȩnȩ jarode'äcuähuä ja̧'a̧.

Nuevo Testamento Uwotjüja

⁴ O'katoi'ünä̧ surojü jȩpä̧tü̧mä̧ weäwä wȩnȩ'i̧nä̧ jarodätü; ja̧'wa̧nü̧ ja̧'a̧ttü̧ surojümä̧ weäwä wȩnȩ jarodäkuäwä ja̧'a̧.

1 Juan 3:4 Referans Kwoze

1 Juan 5:17

O'ca juiyönä jarode'ö jȩä̧cuä̧huä̧mä̧, suronä jȩä̧cuä̧huä̧ ja̧'a̧. Ja̧'hua̧nö̧ ja̧'a̧ koro'inä 'corupätti'ö juiyönä jȩä̧cuä̧huä̧'i̧nä̧ ka̧'a̧.

Romanos 3:20

Ja̧'hua̧nö̧ ja̧'a̧ttö̧ hueähuä huȩnȩ hueö ta'anö jȩä̧cuä̧huä̧nä̧, Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö tta pä'ö. Hueähuä huȩnȩ pi̧jä̧ ttö̧ja̧ suronä jȩpä̧tö̧jä̧ pä'ö ttu̧huo̧jua̧ pä'ö huea'a.

2 Corintios 12:21

Pä'äji ta'anö ucuturu do'ächö chi̧'cho̧mȩnä̧, Dios ä'ca jo̧mȩttö̧ ucuturu chö̧dä̧pȩcuä̧cua̧sä̧ a̧'cua̧ra̧'a̧ pä'ö ye'ecu amöcuädösä. Ja̧'hua̧ta̧nö̧ ucututtu recuätö täbocö päi'önä suronä jȩtti̧na̧'a̧ amöcuädö, cha̧juä̧huä̧cua̧sä̧ a̧'cua̧ra̧'a̧. Jahuätö suronä jȩpö̧, nä̧tö̧rö̧ jȩpä̧'chö̧'i̧nä̧, koro juäi'inä jȩtto̧mȩnä̧'i̧nä̧ yoröiso ji'äu icuocotö pi̧nä̧tö̧do.

Romanos 4:15

Moisés hueähuä huȩnȩ ttu̧ju̧nä̧ro̧mȩnä̧, tä̧bo̧cuä̧ ka̧'a̧. Hueähuä huȩnȩ juiyomenä, tä̧bo̧cuä̧'i̧nä̧ juiya'a.

Santiago 5:15

Diosrö esetö ttucuocuomenä, na̧'ä̧chö̧mä̧ ö̧'i̧pä̧cua̧. Dios ja̧u̧ na̧'ä̧chö̧rö̧ aditö i̧cuä̧cua̧. Suronä jȩi̧nö̧ttö̧mä̧, jȩpö̧ icu Diosmä.

San Mateo 5:19

Ja̧'hua̧nö̧ ja̧'a̧ttö̧ ya̧tȩ ja̧u̧ hueähuä huȩnȩ ji̧'qui̧cha̧nö̧'i̧nä̧ päö'a̧nö̧ jȩpo̧cö̧mä̧, korotö'inä ja̧'hua̧ta̧nö̧ jȩttö̧ juiya pä'ö huo̧juȩtö̧mä̧, Diosrö esetätöttömä o'ca toi'önä ja̧u̧ttu̧'i̧nä̧ abonänö adihuä isotö ttäcuotö. Ja̧'hua̧ta̧nö̧ ja̧u̧ huȩnȩ o'ca juiyönä jȩpö̧mä̧, korotö'inä ja̧'hua̧ta̧nö̧ jȩtta̧ pä'ö huo̧juȩtö̧mä̧, ji̧nä̧ isocu adiunä ö̧jä̧cua̧ Diosrö esetätöcu.

Hechos 23:3

Ja̧'hua̧nö̧ ja̧'a̧ Pablo pä'inödo: —Diostä ucuru cuä̧cua̧mä̧. Ucumä “Adihuä i̧sa̧sä̧” päcuhua'anä, yaparehua̧jä̧. Ucu isode räbä jacuänä suroja'anä huämenätä adiu tea'a jä̧'i̧nö̧'a̧nö̧ hua̧jä̧. Ttö hueähuä huȩnȩ päö'a̧nö̧ jȩchö̧ttö̧mä̧ jä'epö cuä̧ju̧cua̧ja̧cu̧sä̧ cu̧huo̧jua̧ pä'ö. Ja̧'hua̧nö̧ ja̧'a̧nä̧ ucumä hueähuä huȩnȩ hueö'a̧nö̧ jȩttö̧ juiyö'a̧nö̧ jö̧, ttörö cuätta pä'ö hue'öjä.