1 Juan 3:19 - TÄ̧DO Ä̧CUÄ̧ I̧HUȨNȨ

^19-20 Ja̧'hua̧nö̧ repetomenä, tu̧huo̧juä̧cuo̧tö̧jä̧ iso päi'önä huȩnȩ jȩpö̧ ka̧cuä̧tö̧jä̧ pä'ö. Ja̧'hua̧nö̧ ja̧'a̧ Dios ä'ca jo̧mȩ yecuäcuähuä juiyönä tesehuäcuotöjä. Ujututä suronä jȩpä̧jä̧tö̧jä̧ pä'ö tamöcuädöttömä, Dios o'ca juiyönä u̧huo̧jua̧'a̧ttö̧ tamöcuädöttö'inä abonänö huo̧jua̧.

Nuevo Testamento Uwotjüja

¹⁹ Pi̧yȩttü̧ topü wo̧juä̧wä̧tü̧jä̧, jueü wȩnȩ isotüjä̧ pä'ümä̧. Jua̧u̧ Dio ä'kattü ta̧mi̧ iso'ki totäkuäwomȩnä̧ adiu tü̧jü̧nä̧ jä̧u̧;

1 Juan 3:19 Referans Kwoze

Hebreos 10:22

Ja̧'hua̧nö̧ ja̧'a̧ttö̧ tami iso'quinä adiu amöcuädö, iso päi'önä esetö kä̧nö̧, Diosrö tötö'cöhuächö'a̧nö̧ ja̧'a̧. Ujutu suronä jȩti̧nö̧ tamöcuädö juiya pä'ö, chutä aditö icuinö tami iso'qui. Ujutu jättäpäyotörö'inä adihuoya, päcuäoyanä töcö icuinä̧u̧jä̧.

1 Juan 3:21

Chö̧jä̧hua̧tö̧, ujututä suronä jȩpo̧co̧tö̧jä̧ pä'ö tamöcuädöttömä, Dios ä'ca jo̧mȩ tesehuäcuotöjä.

San Juan 18:37

Ja̧'hua̧nö̧ päomenä, Pilato jä'epinödo: —¿Ucumä ttö̧ja̧ ttu̧ru̧hua̧jä̧ tä̧ji̧? Jesús pä'inödo: —A̧'a̧, ucu päcu ta'anö ru̧hua̧sä̧. Ttömä uhuäpächö ichinösä pi̧jä̧ra̧'a̧ iso päi'önä huȩnȩ jidähua pä'ö. O'ca toi'önä iso päi'önä huȩnȩ päö'a̧nö̧ jȩpä̧tö̧mä̧, ttörö ä̧ju̧cuä̧tö̧.

1 Juan 1:8

“Ujutu yoröiso suronä jȩpo̧co̧tö̧jä̧” pätöttömä, ujutu tamönä yaparehuätöjä. Ja̧'hua̧nö̧ pätomenä, iso päi'önä huȩnȩ ucuocuocotöjä.

2 Timoteo 1:12

Ja̧'hua̧nö̧ ja̧'a̧ttö̧ jitä ubara ttu'usä. Ja̧'hua̧nö̧ ja̧'a̧nä̧ dä'äcuocösä. Ttö cha̧'cua̧ chu̧huȩnä̧rä̧cu̧ru̧ huo̧jua̧sä̧. Ja̧'hua̧ta̧nö̧ ttörö iyinömä, röji mo̧ro̧ päi'omenä tta̧huä̧rä̧cua̧'a̧ huo̧jua̧sä̧.

Romanos 4:21

Abraham adiu huo̧jui̧nö̧, Dios o'ca juiyönä päömä, ujurunä adiu jȩpö̧ pä'ö.

San Juan 13:35

Korotö korotönörö repecuhuätucuttumä, o'ca toi'önä pi̧jä̧ ttö̧ja̧ ttu̧huo̧juä̧cuo̧tö̧ ucutumä ttö chu̧huo̧juȩtä̧u̧jä̧ pä'ö.

1 Juan 3:14

Ujutumä pä'äjimä 'corupä'i'ätö jä̧'i̧nö̧'a̧nö̧ ka̧cui̧nä̧tö̧jä̧. Tö̧jä̧hua̧tö̧rö̧ repeta'attö huo̧juä̧tö̧jä̧ jitämä 'corupäi'äcuähuättö ka̧cui̧pi̧nä̧tö̧jä̧. Ö̧jä̧hua̧rö̧ repe'ocömä 'corupä'i'ätö jä̧'i̧nö̧'a̧nö̧ kö̧.

Hebreos 11:13

Jahuätö, Abraham ahuaruhuä o'cotö, o'ca toi'önä hua'ö icuinätödo, Dios iya päinö ttȩmo̧ca̧'a̧nä̧. Ja̧'hua̧nö̧ ja̧'a̧nä̧ Diosrö tteseta'attö, oto kä̧nö̧ Dios iya päinö topö esehuinätödo. Ja̧'hua̧nö̧ ttesehua'anä: “Pi̧jä̧nä̧, korotö tti̧rȩjä̧nä̧ cuettächö'a̧nö̧ cue'ächätöjä”, pä'inätödo.

Romanos 8:38

Ja̧'hua̧nö̧ ja̧'a̧ttö̧ iso päi'önä huo̧jua̧sä̧, yoröiso juiya'a ujuturu Dios repeöttö 'quȩ'ȩpö̧ icumä. 'Corupäi'äcuähuä'inä, ta̧'cua̧rö̧'i̧nä̧, ángeles'inä, pi̧jä̧ isoppanä ka̧cuä̧tö̧ hue'ähuotö'inä, jitä 'cuäopö'inä, yodoji 'cuäopä̧cuȩ'i̧nä̧ yoröiso 'quȩ'ȩpö̧ icuocö ujuturu Dios repeöttö.

1 Juan 2:21

Ucuturu huȩyu̧tu̧sä̧ iso päi'önä huȩnȩ cu̧huo̧juä̧tu̧cua̧'a̧ttö̧. Cuieruhuätucumä huȩyu̧to̧cö̧sä̧. Ja̧'hua̧ta̧nö̧ ucutu huo̧juä̧tö̧jä̧ yapareu huȩnȩ iso päi'önä huȩnȩttö̧ ichoca'a.