1 Juan 3:13 - TÄ̧DO Ä̧CUÄ̧ I̧HUȨNȨ

¹³ Chö̧jä̧hua̧tö̧, pi̧jä̧ jähuä jȩpö̧ ka̧cuä̧tö̧mä̧ ucuturu ttöjö'cocomenä, “¿Tta̧'a̧nö̧ pä'ö kö'cocotöjo?” päcuhuätucuä'.

Nuevo Testamento Uwotjüja

¹³ Chawaruwä chü̧jä̧wa̧tü̧ pi̧jä̧ ttü̧ja̧ ttüjü'küjuiyüttümä̧, ¿tta̧'a̧nü̧ pä'ü ttü̧jü̧'ko̧ko̧u̧jä̧ttü̧? pä'ümä̧ kuamükuädätukuä.

1 Juan 3:13 Referans Kwoze

San Juan 17:14

Ucu huecuhuinö huȩnȩ jahuätörö ji'ähuinösä. Ja̧'hua̧nö̧ ja̧'a̧nä̧ pi̧jä̧ ttö̧ja̧ jahuätörö kö'cocotö. Ttö pi̧jä̧ ttö̧ja̧ i̧sa̧cö̧sä̧. Jahuätö'inä ttö ta'anö pi̧jä̧ ttö̧ja̧ huocotö.

San Lucas 21:17

Ja̧'hua̧ta̧nö̧ ttörö cuesetätucua'attö, o'ca toi'önä ttö̧ja̧ kö'cocotö ttäcuotö ucuturu.

Santiago 4:4

Ucutu ttö̧ja̧ suropätö, ucutu unichi'ätöjä Diosrö, pi̧jä̧ jähuä amöcuädö. ¿Jerupätöjä tä̧ji̧? Pi̧jä̧ ahuaruhuä päi'önä ka̧cuä̧tö̧mä̧ Dios aboiyotö. O'ca toi'önä pi̧jä̧ ahuaruhuä päi'önä amöcuädätömä Dios aboiyotö pä'i'ätö.

2 Timoteo 3:12

Iso päi'önä o'ca toi'önä Cristo Jesúsru adiu esetö ttö̧ja̧cua̧ pä'ätömä, jahuätörö suronä jȩtto̧mȩnä̧, ubara ttuttäcuotö.

San Marcos 13:13

Ttörö cuesetätucua'attö, o'ca toi'önä ttö̧ja̧ kö'cocotö ttäcuotö ucuturu. Ja̧'hua̧nö̧ ja̧'a̧nä̧ röji mo̧ro̧ päi'önä adiu esetömä, kä̧cuä̧huä̧ i'co u̧ju̧nä̧rä̧cua̧.

Romanos 8:7

Ttidepä jähuä amöcuädätömä, Dios aboiyotö. Jahuätömä Diosttö hueähuä hueö jȩtta̧ pä'ocotö. Ja̧'hua̧ta̧nö̧ jȩpo̧co̧tö̧ Dios hueömä.

San Juan 16:33

Ucuturu ji'äusä pi̧yȩ, ttörö esetö cuesehuätucua pä'ö. Pi̧jä̧nä̧ kä̧nö̧ ubara ttucuhuäcuotöjä. Ja̧'hua̧nö̧ ja̧'a̧nä̧ cujuruhuätucuaja. Ttömä pi̧jä̧ttö̧'i̧nä̧ abonänö ju̧ru̧hua̧sä̧, —pä'inödo Jesús.

San Juan 7:7

Pi̧jä̧ ttö̧ja̧ ucuturu ttaboiyotö päi'önä topocotö. Ttörötä yoröiso kö'cocotö, suronä jȩttö̧ jidähua'attö.

San Lucas 6:22

“Ucutumä ttö̧ja̧ ttöjö'cocomenä'inä, ucuturu 'quȩ'ȩcu̧ tticuomenä'inä, huottäcuähuomenä'inä, pä̧huä̧ juiyönä tottomenä'inä, ucutu Ubo I̧tti̧rö̧ cuesetätucua'attö, eseunu cu̧ja̧cuä̧cuo̧tö̧jä̧.

San Mateo 24:9

“Ja̧u̧nu̧mä̧ ucuturu korotörö ttiyäcuotö, suronä jȩtta̧ pä'ö. Ja̧'hua̧ta̧nö̧ ucuturu cuä'ö tticuäcuotö. Ttörö cuesetätucua'attö, o'ca toi'önä ttö̧ja̧ kö'cocotö ttäcuotö ucuturu.

San Mateo 10:22

Ttörö cuesetätucua'attö, o'ca toi'önä ttö̧ja̧ kö'cocotö ttäcuotö ucuturu. Ja̧'hua̧nö̧ ja̧'a̧nä̧ röji mo̧ro̧ päi'önä adiu esetömä, kä̧cuä̧huä̧ i'co u̧ju̧nä̧rä̧cua̧.

Hechos 3:12

Pedro jahuätörö topö pä'inödo: —Israel ttö̧ja̧, ¿dä̧bö̧ tocu'ätucuocö jä̧'i̧jö̧ to̧pä̧rö̧ cu̧ja̧cuä̧tu̧cuä̧ttö̧? ¿Dä̧bö̧ ujuturu to̧cu̧'ä̧rä̧tu̧cuä̧ttö̧? ¿Diosrö adiu ttamöcuäda'attö, ttujurunä adiu cueächa pä'ö aditö tticuäjäcu amöcuädätöjä tä̧ji̧?

San Juan 16:2

Judíos ttu̧huo̧jui̧'i̧nodettö i̧mi̧cu̧nä̧ 'quȩ'ȩpö̧ tticuäcuotö ucuturu. Koronö'inä ucuturu cuä'ö tticuomenä, Diosrö pä̧huä̧ rö̧jö̧ jȩpä̧tö̧jä̧ a̧'cua̧ra̧'a̧ pä'ö ttamöcuädäcuotö.

San Juan 3:7

“O'ca toi'önä jareönä ttuhuäpächö'a̧nö̧ ja̧'a̧” pädomenä, to̧pä̧rö̧ cu̧jä̧'.

Apocalipsis 17:7

Ja̧'hua̧ ja̧'a̧ttö̧ chutä ángel pä'inö ttörö: —¿Dä̧bö̧ ye'ö to̧cu̧'ä̧rä̧ttö̧? Jahuäju isajuru'inä, ja̧u̧ pä̧i̧cua̧ i̧sa̧, uhuiyä ko̧ro̧mö̧ttö̧nö̧ toyure ku̧nä̧rö̧, u i̧sä̧juä̧'i̧nä̧ to̧mö̧rȩ jähuä ku̧nä̧rö̧, jahuäju isajuru jö̧'co̧huä̧rö̧'i̧nä̧, yä̧huä̧i̧nä̧ pättö huȩnȩ ji̧dä̧huä̧cua̧jä̧ cu̧huo̧jua̧ pä'ö.