1 Juan 3:11 - TÄ̧DO Ä̧CUÄ̧ I̧HUȨNȨ

¹¹ Äcuomenä cuesetinomettö kä̧mä̧dö̧, cuä̧ju̧cui̧nä̧tu̧cu̧ Dios i̧huȩnȩ päa'a: repetäu'a̧nö̧ ja̧'a̧.

Nuevo Testamento Uwotjüja

¹¹ Isopäi'ünä̧, pi̧yȩ wȩnȩ ja̧'a̧ ä̧kuo̧mȩnä̧ttü̧tä̧ päi'ünä̧ kuä̧ju̧kui̧nä̧tu̧ku̧mä̧: «Yotükupünä̧ eseu repe'äkuäu tü̧ja̧kua̧ pä'ü.»

1 Juan 3:11 Referans Kwoze

San Juan 15:12

Pi̧yȩtä̧ ttö huedömä: ucuturu repedö'a̧nö̧, repe'ätucui ucutu'inä korotö korotönörö.

2 Juan 1:5

Jitä ucuru ji'äusä chöjähuaju, ujutu o'ca toi'önä repetäu'a̧nö̧ ja̧'a̧. Pi̧yȩ chi̧huȩyu̧tu̧mä̧ jareö hueähuä huȩnȩmä̧cö̧. Ja̧u̧tä̧ hueähuä huȩnȩ ku̧nä̧rä̧tö̧jä̧, äcuomenä tesetinomettö kä̧mä̧dö̧.

1 Juan 4:7

Chö̧jä̧hua̧tö̧, repeähuä Diosttö icha'attö, repetö'a̧nö̧ ja̧'a̧ tö̧jä̧hua̧tö̧ o'ca toi'önärö. Repe'ätömä Dios i̧tti̧mö̧. Diosrö huo̧juä̧tö̧.

1 Juan 4:21

Dios ujuturu hueinömä päa'a: Diosrö repe'ömä, ö̧jä̧hua̧rö̧'i̧nä̧ repeö'a̧nö̧ ja̧'a̧.

1 Pedro 4:8

Korottö'inä abonänö eseunu repe'ätucui cu̧jä̧hua̧tö̧rö̧. Iso päi'önä adiu eseunu cu̧ja̧cuä̧tu̧cuo̧mȩnä̧, cu̧jä̧hua̧tö̧ suronä jȩttö̧ unichi'ätöjä.

1 Pedro 3:8

Ja̧'hua̧nö̧ ja̧'a̧ttö̧ o'ca toi'önä korotöcu eseunu cua̧'cua̧ tta̧nö̧ jö̧nä̧ ji̧nä̧ yo̧mȩtȩ amöcuädö ka̧cuä̧tu̧cui̧, tö̧jä̧hua̧tö̧rö̧ repetö ta'anö, repe'önö kä̧nö̧. Eseäcuähuätucui. Usurä isotö ttö̧ja̧cu̧'a̧nö̧ ka̧cuä̧tu̧cui̧.

Efesios 5:2

Cristo ujuturu repeinö ta'anö, repe'äu ka̧cuä̧tu̧cui̧. Ujuturu repe'ö chutä iyähuinö cuä'ö tticuarö pä'ö, adihuä juäi ameu ta'anö sacrificio päi'önä jȩtta̧rö̧ pä'ö Dios ä'ca jo̧mȩttö̧, Dios esehuarö pä'ö.

1 Juan 1:5

Pi̧yȩ huȩnȩ Jesucristottö tä̧ju̧cui̧nö̧mä̧, ucuturu ji'ähuätöjä. Jesucristo pä'inö: Dios chutä i̧tȩa̧u̧ttu̧ tȩa̧u̧ kä̧dȩpö̧nä̧ kö̧. Ja̧u̧ yo̧ö̧ yoröiso jui̧'a̧.

1 Tesalonicenses 4:9

Ttömä huȩyu̧tu̧ hue'ocösä ucuturu cuahuaruhuärö repeähuä huȩnȩ. Diostä u̧huo̧juȩti̧nä̧u̧jä̧ cuahuaruhuärö repecuhuätucua pä'ö.

1 Pedro 1:22

Jitämä, Espíritu Santo huo̧juȩcuä̧, adihuä huȩnȩ cuesetätucuomenä, cu̧jä̧hua̧tö̧rö̧ Cristonä, adiu eseunu cuamöcuädätucua pä'ö, töcö icuinä̧u̧jä̧. Ja̧'hua̧nö̧ ja̧'a̧ttö̧ o'ca juiyönä cuami iso'quitucunä'inä, cujuruhuätucunä'inä o'ca toi'önärö eseunu ka̧cuä̧tu̧cui̧.

1 Timoteo 1:5

Iso päi'önä pi̧yȩ huȩnȩ cu̧huo̧juȩtö̧'a̧nö̧ ja̧'a̧ Timoteo, tami iso'qui surojö juiyönä kä̧nö̧, adiu amöcuädö kä̧nö̧, Diosrö adiu esetö kä̧nö̧, tahuaruhuärö repetäcuä'a̧nö̧.

Gálatas 6:2

Ja̧'hua̧ta̧nö̧ korotö korotönö surojö 'cuäopomenä, ppä'ädäcuähuätucui. Ja̧'hua̧nö̧ jȩpö̧ Cristo hueähuä jȩcu̧'ä̧cuo̧tö̧jä̧.

San Juan 13:4

Ja̧'hua̧nö̧ ja̧'a̧ttö̧ ttu̧cuȩ ttucua'a, Jesús mesa isodättö ä̧rä̧mi̧'ö̧, ö̧'ca̧tä̧huä̧ta̧ huäme i̧sä̧ta̧ ko̧'ä̧dö̧ icuipö, korota̧ pö̧jä̧ta̧ äcänä juä'ocuinödo.

1 Juan 4:11

Chö̧jä̧hua̧tö̧, Dios ja̧'hua̧nö̧ ujuturu repea'attö, ujutu repetö'a̧nö̧ ja̧'a̧ tö̧jä̧hua̧tö̧ o'ca toi'önärö.