1 Juan 2:16 - TÄ̧DO Ä̧CUÄ̧ I̧HUȨNȨ

¹⁶ Pi̧jä̧ jähuä o'ca juiyönä ttidepä hueö, ttö'ärenä tottomenä pä̧huä̧ rö̧jö̧ toäcuähuä, korotöttö'inä abonänö adihuä i̧sa̧sä̧ pä'ö amöcuädäcuähuä, ja̧u̧mä̧ Tä'o Dios jähuämäcö̧. Pi̧jä̧ttö̧ amöcuädö jȩä̧cuä̧huä̧.

Nuevo Testamento Uwotjüja

¹⁶ Isopäi'ünä̧tä̧ pi̧jä̧nä̧ kka̧ku̧mä̧ o'kajuiyütä: tidepä kkü'kekumä̧, ti'äre jäepümä̧ ja̧'wa̧ta̧nü̧ pi̧jä̧nä̧ttü̧ tteseäkuäwümä̧, yorisotä Jä'o Dio-ttümä̧ ichokü ja̧'a̧nä̧, pi̧jä̧ttü̧tä̧ ichü ja̧'a̧.

1 Juan 2:16 Referans Kwoze

Romanos 13:14

Pärocua'acu Cu̧ru̧hua̧ Jesucristorö adiu esetö ka̧cuä̧tu̧cui̧. Cuidepä pä̧huä̧ rö̧jö̧ jȩö̧tä̧mä̧ cuamöcuädätucuä'.

Gálatas 5:17

Ujutu tamönä pä̧huä̧ rö̧jö̧mä̧ Espíritu Santo jähuämäcö̧. Ja̧'hua̧ta̧nö̧ Espíritu Santomä ujutu tamönätä pä̧huä̧ rö̧jö̧mä̧ yoröiso kö'cocö. Espíritu Santo öjö'cö'inä, ujutu tamönä pä̧huä̧ rö̧jö̧'i̧nä̧ i̧mi̧cu̧nä̧ jö̧. Ja̧'hua̧nö̧ ja̧'a̧ttö̧ ucuturutä pä̧huä̧ rö̧jö̧mä̧ jȩcu̧'ä̧tu̧cu̧ juiyö'a̧nö̧ ja̧'a̧.

Efesios 2:3

Ujutu'inä o'ca toi'önä ja̧'hua̧nö̧ ka̧cui̧nä̧tö̧jä̧ pä'äjimä. Ujutu tamönä pä̧huä̧ rö̧jö̧nä̧'i̧nä̧, tamönä tamöcuädäu'inä, tamönä tu̧huo̧ju̧nä̧ jȩä̧cuä̧huä̧'i̧nä̧ ja̧'a̧tä̧ jȩpi̧nä̧tö̧jä̧. Ja̧'hua̧nö̧ ja̧'a̧ttö̧ Dios ujuturu'inä ro̧ȩpö̧ttö̧mä̧ adihua'a, korotörö ro̧ȩpö̧ ta'anö.

Santiago 3:15

Ja̧u̧ huo̧juä̧huä̧mä̧ Diosttö ichoca'a. Pi̧jä̧ttö̧ huo̧juä̧huä̧mä̧, esetocotö ttamöcuädömä, ähuettättö icha'ado.

1 Pedro 2:11

Adihuä chö̧jä̧hua̧tö̧, ucuturu pä'ösä, korotö tti̧rȩjä̧ttö̧ ichö ttö̧jö̧'a̧nö̧, cua̧'cua̧ru̧hua̧nä̧ rohuäcuähuä, pi̧jä̧ttö̧ amöcuädäcuähuä, cuamöcuädätucuä'.

2 Pedro 2:10

Ttu̧ru̧hua̧rö̧ jarode'ö jitötä ttamönä suronä ttamöcuädäu jȩpä̧tö̧rö̧, ji̧nä̧ isocu ö̧tä̧bo̧tä̧cua̧ Dios. Jahuätö yettecuoca'anä jarode'ätödo. Mo̧ro̧jä̧ ruhuärö yecuäcuähuä juiyönä suronä huopätödo.

Tito 2:12

Ja̧u̧ Dios ppädäcuähuä ujuturu huo̧juȩta̧'a̧ churutä esetö kä̧nö̧, pi̧jä̧ jähuä jaroti'a pä'ö. Ja̧'hua̧ta̧nö̧ ta̧'cua̧ pö̧nö̧, adiunätä jȩpö̧ Diosrö tamöcuäda pä'ö huo̧juȩta̧'a̧.

2 Pedro 2:18

Jahuätömä a'cuoyäunu micuähuocö juäi ucuocuätö. Jitötä ttamönä pä̧huä̧ rö̧jö̧tä̧ suronä jȩpö̧ ttö̧ja̧cui̧nö̧ttö̧ rä'opächinätörö huo̧juȩtä̧tö̧ pi̧jä̧ ttö̧ja̧ ttamöcuädö huȩnȩ.

1 Pedro 1:14

Ppo̧'ä̧tö̧ ttä'o hueö jȩttö̧'a̧nö̧, jȩpö̧ ka̧cuä̧tu̧cui̧. Diosrö cuesetätucu juiyäi cuamönätucu pä̧huä̧ rö̧jö̧tä̧ jȩcu̧'i̧nä̧tu̧cu̧'a̧nö̧mä̧, jȩcu̧'ä̧tu̧cuä̧'.

Tito 3:3

Iso päi'önä täbocö ujutumä ja̧'a̧tä̧ cue'ächö, Diosrö esetocotö pi̧nä̧tö̧jä̧. Re'tehuächätö cuettächö'a̧nö̧ cue'ächinätöjä. Ujutumä suronä amöcuädö cue'ächinätöjä. Ja̧'hua̧ta̧nö̧ suronä jȩpi̧nä̧tö̧jä̧ korotörö. Korotö ttu̧ju̧nä̧rö̧ ta'anö, tu̧ju̧nä̧ra̧ pä'inätöjä. Korotörö pä̧huä̧ juiyönä topö cue'ächinätöjä.

San Mateo 5:28

“Jitämä ttö pä'ösä ucuturu, ya̧tȩ karajuru suronä amöcuädö pä̧huä̧ rö̧jö̧nä̧ tomenä, ami iso'quinä suronä jȩpö̧ jahuäjuru.

San Lucas 4:5

Ja̧u̧nu̧ o'ca'a ähuettä o'ipinödo Jesúsru möä'cara̧'a̧, ju'toju isä'cara̧'a̧. Juhua'attö o'ca juiyönä rȩjȩ ya'utecutä i̧jȩpi̧nä̧cu̧do.

Gálatas 5:24

Iso päi'önä Cristorö esetätömä Cristocu daunä pȩ'o̧pö̧ ku̧ni̧nä̧tö̧ pi̧jä̧ jähuä jȩä̧cuä̧huä̧'i̧nä̧, jitötä ttamönä ttamöcuädö'inä.

San Mateo 4:8

Pä'äji ta'anö ähuettä o'ipinödo Jesúsru möä'cara̧'a̧, ju'toju isä'cara̧'a̧. Juhua'attö o'ca juiyönä rȩjȩ'i̧nä̧, rȩjȩ öadihuä'inä i̧jȩpi̧nä̧cu̧do.

1 Corintios 10:6

Ja̧u̧mä̧ o'ca juiyönä 'cuäopina'ado, ujutu topö suronä amöcuädö jȩtö̧ juiya pä'ö, jahuätö jȩtti̧nö̧'a̧nö̧.

Santiago 4:16

Ja̧'hua̧nö̧ päcuhuä'inätucu juäimä, ucututä cuamöcuädätucutä ucuocuätöjä. Ja̧'hua̧nö̧ cucuocuätucuomenä, suroja'a.