1 Juan 1:9 - TÄ̧DO Ä̧CUÄ̧ I̧HUȨNȨ

⁹ Suronä jȩtö̧ jitäuttumä, Dios päinö ta'anö adiu jȩpö̧, suronä jȩtö̧ jȩpö̧ i̧cuä̧cua̧. O'ca juiyönä jarode'ö jȩtö̧ töcö i̧cuä̧cua̧ ujuturu.

Nuevo Testamento Uwotjüja

⁹ Isopäi'ünä̧ suronä̧ jȩta̧'a̧, iweye ja̧'wa̧nü̧tä̧ wa̧sä̧ pätäuttümä̧, Dio-mä̧ adiwä juei, ppä'ädü ja̧'a̧ttü̧, suronä̧ jȩtä̧'i̧jü̧mä̧ aditü i̧kuä̧u̧jä̧.

1 Juan 1:9 Referans Kwoze

1 Juan 1:7

Dios tȩa̧u̧nä̧ ö̧jö̧'a̧nö̧ tȩa̧u̧nä̧ tö̧jö̧ttö̧mä̧, ji̧nä̧ ji̧yȩtȩ huotö ka̧cuä̧tö̧jä̧. Ja̧'hua̧nö̧ tö̧jo̧mȩnä̧, Dios I̧tti̧ Jesucristo ucuojanä o'ca juiyö suronä jȩtö̧ töcö icu.

Hebreos 10:23

Ja̧'hua̧nö̧ tesetomenä, koro tamöcuädoca'a, adiunätä tta̧tä̧rö̧'a̧nö̧ ja̧'a̧. Dios ujuturu iya päinö, o'ca juiyönä i̧yä̧cua̧ päinö ta'anö.

1 Timoteo 1:15

Pi̧yȩ huȩnȩ, adihuä huȩnȩ, o'ca toi'önä ttesetäcua'a̧nö̧. Cristo Jesús ichinödo pi̧jä̧ra̧'a̧ o'ca toi'önä suronä jȩpä̧tö̧rö̧ suronä jȩttö̧ jȩpö̧ icu. Iso päi'önä o'ca toi'önä suronä jȩpä̧tö̧ttö̧'i̧nä̧ abonänö suronä jȩpi̧nö̧sä̧ ttömä.

1 Corintios 1:9

Diosmä 'cuäopönä jȩpö̧ chutä päömä. Ja̧u̧ ucuturu huoinä̧u̧jä̧ ji̧nä̧ yo̧mȩtȩ cu̧ja̧cuä̧tu̧cua̧ pä'ö chutä I̧tti̧ Tu̧ru̧hua̧ Jesucristocu.

Hechos 19:18

Ja̧'hua̧ta̧nö̧ recuätö Jesucristorö esetätömä ichö, suronä jȩtti̧nö̧ ji'ähuinätödo.

San Marcos 1:5

O'ca toi'önä Judea rȩjȩttö̧'i̧nä̧, Jerusalén ötahuiyättö'inä ichinätödo, ja̧u̧ jiähua'a ttä̧ju̧cua̧ pä'ö. Ja̧'hua̧ta̧nö̧ suronä jȩtti̧nö̧mä̧ ji'äu tticuomenä, Juan bautizando jȩi̧nä̧u̧do Jordán ajettö.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

1 Corintios 6:11

Pä'äji ucututtu yotöte ja̧'hua̧nö̧ jȩpi̧nä̧tö̧jä̧. Jitämä Tu̧ru̧hua̧ Jesús i̧mi̧nä̧'i̧nä̧, Espíritu Santonä'inä Dios aditö icu ȩmi̧nä̧u̧jä̧ ucuturu. Ja̧'hua̧ta̧nö̧ Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö cu'ätucua pä'ö.

Hebreos 6:10

Diosmä amönä pä'ocö. Yoröiso unichi'ocö ucutu cuaditinätucu. Cuahuaruhuärö, Diosrö esetätörö, repe'ö ppäcuhuädinätucu'inä unichi'ocö. Jitä'inä ja̧u̧tä̧ juäi jȩpä̧tö̧jä̧.

Apocalipsis 15:3

Moisés, Dios u̧mö̧huä̧ya̧, ra̧hui̧nö̧'i̧nä̧, Cordero ra̧hui̧nö̧'i̧nä̧ ra̧'i̧nä̧tö̧. Pa̧'a̧nö̧ ra̧'i̧nä̧tö̧: Tu̧ru̧hua̧, Dios o'ca juiyönä ju̧ru̧hua̧mä̧, o'ca juiyönä jȩcu̧'u̧mä̧ yoröiso adihua'a. O'ca toi'önä Ttu̧ru̧hua̧, ucu cu̧mä̧nä̧ jueönätä 'chä̧mä̧mä̧. Iso päi'önä 'chä̧mä̧mä̧.

Hebreos 11:11

Diosrö esetö, Sara'inä ki̧tti̧ ku̧ju̧nä̧ro̧ca̧'a̧, böa isaju kö̧ja̧'a̧ttö̧'i̧nä̧, kujuru ȩmi̧nä̧ju̧do, ki̧tti̧rö̧ ku̧ju̧nä̧ra̧ pä'ö. Iso päi'önä Dios päinö ta'anö jȩä̧cua̧ pä'ö keseta'attö, ki̧tti̧rö̧ ku̧nä̧ri̧nä̧ju̧do.

San Mateo 3:6

Ja̧'hua̧ta̧nö̧ suronä jȩtti̧nö̧mä̧ ji'äu tticuomenä, Juan bautizando jȩi̧nä̧u̧do Jordán ajettö.

Efesios 5:26

Ja̧'hua̧nö̧ iyähuinödo, Diosrö esetätörö töcö icu aditö icua pä'ö ajiyanä'inä, chutä i̧huȩnȩnä̧'i̧nä̧.

Romanos 3:26

Jitä'inä i̧jȩpa̧'a̧ Dios adiu jȩpö̧ pä'ö. Ja̧'hua̧nö̧ pä'ö, o'ca toi'önä Jesúsru esetätörö jȩo̧mȩnä̧ ja̧u̧cu̧ ji̧nä̧ ji̧yȩtȩ huotö tta pä'ö, adiu jȩpö̧.

San Juan 17:25

Adihuä Chä'o, pi̧jä̧ ttö̧ja̧mä̧ ucuru jerupätö. Ja̧'hua̧nö̧ ja̧'a̧nä̧ ttötä ucuru huo̧jua̧sä̧. Ja̧'hua̧ta̧nö̧ pitö täcö huo̧juä̧tö̧ ttörö hue'inöjä pä'ö.

San Lucas 22:57

Ja̧'hua̧nö̧ päjäcu Pedro ä̧ppö̧tä̧rö̧ pä'inödo: —Isaju, ja̧u̧mä̧ chieruhuäcu.