1 Juan 1:6 - TÄ̧DO Ä̧CUÄ̧ I̧HUȨNȨ

⁶ Ja̧u̧cu̧ ji̧nä̧ ji̧yȩtȩ huotöjä pätöttömä, yo̧ö̧nä̧ cue'ächö kä̧nö̧, yapareu ucuocuätöjä. Iso päi'önä huȩnȩ päö'a̧nö̧ jȩpo̧co̧tö̧jä̧.

Nuevo Testamento Uwotjüja

⁶ Jua̧u̧tä̧ku̧ ji̧nä̧ ji̧yȩtȩnä̧ kka̧kuä̧tü̧jä̧ päta'anä̧, yo̧ü̧nä̧ tü̧ja̧ku̧ttü̧mä̧, yaparewätüjä̧, jueü wȩnȩnä̧ tü̧ja̧kuo̧ka̧'a̧ttü̧.

1 Juan 1:6 Referans Kwoze

1 Juan 4:20

Ya̧tȩ pä'ö “Diosrö repe'ösä” päöttömä, ö̧jä̧hua̧rö̧ repeoca'anä, ja̧u̧mä̧ yaparehua̧. Ja̧'hua̧nö̧ ja̧'a̧ ö̧jä̧hua̧ toäcuru repe'ocömä, Dios tococuru repe'ocö.

1 Juan 2:4

Ya̧tȩ “Diosrö huo̧jua̧sä̧” päöttömä, Dios hueinö ta'anö jȩpo̧cö̧mä̧, ja̧u̧mä̧ yaparehua̧. Iso päi'önä huȩnȩ ucuocuocö.

1 Juan 1:10

“Ujutu yoröiso suronä jȩpo̧co̧tö̧ pi̧nä̧töjä̧” pätöttömä, “Dios yaparehua̧” pä'ätöjä. Ja̧'hua̧nö̧ pätomenä, Dios i̧huȩnȩ jui'ätöjä.

San Juan 8:12

Jesús pä'äji ta'anö ttö̧ja̧rö̧ ucuocu huo̧juȩti̧nö̧do: —Ttötäsä pi̧jä̧ tȩa̧u̧mä̧. Ttöcu cue'ächömä kä̧cuä̧huä̧ i'co tȩa̧u̧ u̧ju̧nä̧rä̧cua̧. Ja̧u̧mä̧ yo̧ö̧nä̧ cue'ächocö jä̧cua̧.

San Juan 12:35

Ja̧'hua̧ ja̧'a̧ Jesús pä'inödo jahuätörö: —Ucutu cu̧'quȩtȩtu̧cu̧nä̧ adihuä tȩa̧u̧ ö̧jä̧cua̧ ji̧nä̧ a̧'u̧cua̧'a̧tä̧. Ji̧nä̧ tȩa̧huä̧i̧tä̧ cue'ächätucui, yo̧ö̧nä̧ päi'omenä yecuhuecuätucu juiya pä'ö. Ya̧tȩ yo̧ö̧nä̧ cue'ächömä, i̧'cho̧mȩ jȩru̧pa̧.

Santiago 2:14

Chö̧jä̧hua̧tö̧, ya̧tȩ “Ttö Jesucristorö esetösä” pä'ömä, adiu jȩä̧cuä̧huä̧ jȩö̧ juiyöttömä, ¿adihua'a tä̧ji̧? Ja̧'hua̧nö̧ ttesetomenä, ¿ttö̧ji̧pä̧cuo̧tö̧ tä̧ji̧?

San Juan 12:46

Ttötäsä pi̧jä̧ tȩa̧u̧mä̧. Ttö ichinösä ttörö esetätömä yo̧ö̧nä̧ cuettächö juiya pä'ö juhua'a yabo.

1 Juan 1:3

Ja̧'hua̧nö̧ ja̧'a̧ttö̧ totinö'inä, tä̧ju̧cui̧nö̧'i̧nä̧ ucuturu ji'ähuätöjä, ujutu Tä'o Dioscu, I̧tti̧ Jesucristocu ji̧nä̧ ji̧yȩtȩ huotö tö'a̧nö̧, ucutu'inä ujutucu ji̧nä̧ ji̧yȩtȩ huotö cu'ätucua pä'ö.

San Juan 11:10

Ja̧'hua̧nö̧ ja̧'a̧nä̧ ya̧tȩ yodo cue'ächömä, tȩa̧u̧ juiya'attö koro juäinä dö'ö ma̧'ö̧.

Santiago 2:18

Ya̧tȩ pä̧cua̧: “Ucu esetöjä. Ttömä adiu jȩpö̧sä̧.” Ja̧'hua̧nö̧ ja̧'a̧ ji'ähuittö adiu jȩcu̧'o̧ca̧'a̧ cuesetö. Ttö ji̧dä̧huä̧cua̧sä̧ chesetö'inä adiu jȩchö̧mä̧.

1 Juan 1:8

“Ujutu yoröiso suronä jȩpo̧co̧tö̧jä̧” pätöttömä, ujutu tamönä yaparehuätöjä. Ja̧'hua̧nö̧ pätomenä, iso päi'önä huȩnȩ ucuocuocotöjä.

San Mateo 7:22

Ja̧u̧nu̧ mo̧ro̧ päi'omenä, recuätömä ttörö pättäcuotö: “Chu̧ru̧hua̧, Chu̧ru̧hua̧, ucu cui̧mi̧nä̧ ucuocuinätöjä. Espíritus suropätörö'inä jȩpö̧ icuinätöjä ucu cui̧mi̧nä̧. Ja̧'hua̧ta̧nö̧ rö̧ȩnä̧ ttö̧ja̧ ttieru juäi jȩpi̧nä̧tö̧jä̧ cui̧mi̧nä̧.”

1 Timoteo 4:2

Korotörö, yapareu ji'ähuätö ttamöcuädömä cuo̧rä̧u̧jä̧ cuo'ö icua'a jä̧'i̧nö̧'a̧nö̧ huotörö, ttesetäcuotö.

San Juan 8:55

Ja̧'hua̧nö̧ päcuhuätucuomenä, ja̧u̧ru̧ yoröiso jerupätöjä. Ttötä chu̧huo̧juä̧cu̧. “Ja̧u̧ru̧ jȩru̧pa̧sä̧” pädöttömä, ucutu ta'anö yapareu pä'ajisä. Ja̧'hua̧ ja̧'a̧nä̧ ja̧u̧ru̧ huo̧jua̧sä̧. Ja̧'hua̧ta̧nö̧ ja̧u̧ päömä jȩpö̧sä̧.