1 Corintios 9:21 - TÄ̧DO Ä̧CUÄ̧ I̧HUȨNȨ

²¹ Ja̧'hua̧ta̧nö̧ korotö Moisés hueähuä huȩnȩ jȩpo̧co̧tö̧cu̧ cuedächomenä, jahuätö cuettächö'a̧nö̧ cue'ächösä Diosrö ttesetäcua'a̧nö̧. Juhuorö'inä ttötä Dios hueähuä huȩnȩ jȩpö̧sä̧, Cristo ttörö huea'attö.

Nuevo Testamento Uwotjüja

²¹ Ja̧'wa̧ta̧nü̧ Moisé weäwä wȩnȩ juiyünä̧ kka̧kuä̧tü̧rü̧mä̧, ttü'i̧nä̧ weäwä wȩnȩ juiyünä̧ kkü̧sä̧ (jua'akumä̧ Dio weinü̧ wȩnȩ, Crito weäwä wȩnȩ juiyünä̧mä̧ chü̧jo̧ka̧'a̧nä̧), weäwä wȩnȩ juiyünä̧ kka̧kuä̧tü̧, Crito-rü esetü ttikua pä'ü.

1 Corintios 9:21 Referans Kwoze

Romanos 2:12

O'ca toi'önä suronä jȩpä̧tö̧mä̧ Moisés hueähuä huȩnȩ jerupätömä, totte'äcuotö Moisés hueähuä huȩnȩ ttieruhua'anä. Ja̧'hua̧ta̧nö̧ o'ca toi'önä suronä jȩpä̧tö̧mä̧ Moisés hueähuä huȩnȩ huo̧juä̧tö̧mä̧, tä̧bo̧cuä̧ ttȩmä̧cuo̧tö̧ Moisés hueähuä huȩnȩ ttu̧huo̧jua̧'a̧ttö̧.

Gálatas 3:2

Chu̧huo̧jua̧ ji'ähuätucuittö: ¿Ucutumä Espíritu Santorö ku̧nä̧rä̧tö̧jä̧ tä̧ji̧, Moisés hueähuä huȩnȩ jȩcu̧'i̧nä̧tu̧cua̧'a̧ttö̧mä̧? Isocö̧. Ucutumä Espíritu Santorö ku̧nä̧rä̧tö̧jä̧, ujutu jitähuinö esetö cuä̧ju̧cui̧nä̧tu̧cua̧'a̧ttö̧.

Romanos 2:14

Ja̧'hua̧nö̧ ja̧'a̧nä̧ judíos huocotö Moisés hueähuä huȩnȩ ttieruhua'anä, ttamönä amöcuädö jȩtto̧mȩnä̧, hueähuä huȩnȩ huea'a jä̧'i̧nö̧'a̧nö̧ jȩpä̧tö̧. Ja̧'hua̧nö̧ jȩtto̧mȩnä̧, ttamönä hueähuä huȩnȩ päi'önä jȩpä̧tö̧.

Romanos 8:4

Ja̧'hua̧nö̧ jȩpi̧nö̧ Dios, hueähuä huȩnȩ hueö jȩta̧ pä'ö. Ujutu tidepä pä̧huä̧ rö̧jö̧tä̧ ko̧co̧tö̧jä̧. Espíritu Santorö pä̧huä̧ rö̧jö̧tä̧ ka̧cuä̧tö̧jä̧.

Romanos 7:25

Ya̧tȩtä̧ Diostä Tu̧ru̧hua̧ Jesucristorö tesetomenä ppä'ädö. Ttö eseusä Diosrö. Ja̧'hua̧nö̧ ja̧'a̧ ttö chamöcuädönämä ttörö pä̧huä̧ rö̧jö̧mä̧ Dios hueö jȩcha̧ pä'ösä. Ja̧'hua̧nö̧ ja̧'a̧nä̧ ttö chidepänä surojö hueötä jȩpö̧sä̧.

Romanos 7:22

Ttö cha̧'cua̧nä̧ chamöcuädömä, Dios hueähuä pä̧huä̧ rö̧jä̧cu̧sä̧.

Hechos 21:25

Ja̧'hua̧nö̧ ja̧'a̧nä̧ judíos huocotöttö Jesucristorö esetätörö cuyäru isojä huȩyu̧tu̧ hue'inätöjä. Ji'ähuinätöjä ujutu tamöcuädömä. Ji̧yȩä̧cuȩtä̧ koro juäi cuäcuähuä korotö ttä̧do̧ ä̧cua̧ a̧'u̧cuä̧ ä'ca jo̧mȩ iyähuämä, ttucu juiyö'a̧nö̧ ja̧'a̧. Isotö ttucuoja'inä nu̧'ä̧hua̧rö̧'i̧nä̧ ttucu juiyö'a̧nö̧ ja̧'a̧. Ja̧'hua̧ta̧nö̧ ya̧tȩ chutä irecua pocojucu suronä jȩä̧'chö̧ juiyö'a̧nö̧ ja̧'a̧, —pä'inätödo ancianos huotö.

Hechos 16:4

Pablocu, ahuaruhuäcu koro ötahuiyättö koro ötahuiyära̧'a̧ 'cuä'opö 'chi̧nä̧tö̧do. Jesús hue'ähuotöcu, ancianos huotöcu Jerusalén ötahuiyänä ka̧cuä̧tö̧mä̧ cuyäru isojä huettinö ta'anö jȩtta̧ pä'ö ji'ähuinätödo.

Hebreos 8:10

Ja̧u̧nu̧ pä̧nä̧ o'ca'a, Israel ttö̧ja̧rö̧ pi̧yȩ huȩnȩ chiyäcuotö, pä'ödo Tu̧ru̧hua̧. Ttö huedömä, ttamöcuädönä chiyäcuotö. Ttami iso'quinä'inä ttö huedömä chi̧huȩyu̧tä̧cua̧sä̧. Ja̧'hua̧ ja̧'a̧ttö̧ ttö jitötä Dios pä̧di̧'ä̧cua̧sä̧. Jahuätö'inä chumöhuäyotö pätti'äcuotö.

Hechos 15:28

Espíritu Santo'inä, ujutu'inä amöcuädäjätöjä koro juäi hue'ocotöjä pä'ö. Pi̧yȩtä̧ ji̧yȩä̧cuȩtä̧ hue'ätöjä.

Gálatas 6:2

Ja̧'hua̧ta̧nö̧ korotö korotönö surojö 'cuäopomenä, ppä'ädäcuähuätucui. Ja̧'hua̧nö̧ jȩpö̧ Cristo hueähuä jȩcu̧'ä̧cuo̧tö̧jä̧.