1 Corintios 9:18 - TÄ̧DO Ä̧CUÄ̧ I̧HUȨNȨ

¹⁸ Ja̧'hua̧nö̧ ja̧'a̧ttö̧ ¿däjettö jidähuinö micuämä? Iso päi'önä ttö̧ja̧ suronä jȩttö̧ jȩpö̧ icu huȩnȩ jidähuomenä, korotörö koro juäi jädepoca'anä, ja̧u̧tä̧ ttö jidähuinö micuä. Ja̧'hua̧nö̧ jȩpö̧, ttömä ȩmo̧cö̧sä̧ koro juäi korotöttö micuä juiyönä Dios i̧huȩnȩ ji'äusä pä'ö kä̧nö̧.

Nuevo Testamento Uwotjüja

¹⁸ ¿Ja̧'wa̧nü̧ ja̧'a̧mä̧, ti̧yȩjä̧ttü̧ ttü mikuä chȩmä̧kuȩmä̧? Jua̧u̧mä̧ Crito weinü̧ mipponä̧ jidäutä ja̧'a̧, jareü wȩnȩ jidäwomȩnä̧ mikuä chȩma̧ pä'ü ji̧nü̧mä̧ chȩmo̧ka̧'a̧tä̧.

1 Corintios 9:18 Referans Kwoze

1 Tesalonicenses 2:6

Ucutu'inä, korotö'inä ttucuotatö pä'ömä ji'ähuocotö pi̧nä̧tö̧jä̧. Ujutumä Cristo hue'ähuotö tö̧ja̧cua̧'a̧ttö̧, tamönä pä̧huä̧ rö̧jö̧ jȩtö̧ttö̧mä̧ hue'ajatöjä ja̧'hua̧nö̧ ttucuotatö pä'ö.

1 Corintios 8:9

Juhuorö'inä ttu̧ȩcuä̧nä̧ ka̧cuä̧tu̧cui̧, korotö Diosrö a̧'u̧cu̧nä̧tä̧ esetätö suronä jȩttö̧ juiya pä'ö, ucuturu topö o'ca juiyönä cucuätucuomenä.

2 Corintios 4:5

Ujutu Cristo i̧huȩnȩ jitähuomenä, tamönämä ji'ähuocotöjä. Jesucristo Tu̧ru̧hua̧ päi'önä ö̧jö̧ huȩnȩ ji'ähuätöjä. Ja̧'hua̧ta̧nö̧ Jesús ujuturu repea'attö: “Ujutumä ucutu cumöhuäyotöjä” pä'ätöjä.

1 Corintios 10:33

Ttömä 'cuäopönä jȩcha̧ pä'ösä o'ca toi'önä ttesehuäcua'anö̧. Ttötä chamönämä amöcuädäcuähuocösä. Korotörö amöcuädösä, jahuätö'inä ttesetäcuä'a̧nö̧.

1 Corintios 7:31

Pi̧jä̧nä̧ aditö ȩmä̧tö̧'i̧nä̧, ttȩmö̧ juiyönä jȩttä̧cua̧'a̧nö̧. Pi̧jä̧mä̧ totömä beipächä̧ra̧'a̧.

Romanos 14:15

Ucu koro juäi cucuomenä, ya̧tȩ cucua'a topö a̧'cua̧ tta̧huȩpö̧ttö̧mä̧, cu̧jä̧hua̧rö̧ repeönö jȩpo̧cö̧jä̧. Ja̧'hua̧ta̧nö̧ koro juäi cucua'attö, ya̧tȩ cua̧hua̧ru̧hua̧ Cristo repe'ö 'corupäi'inäcuru surojuoächa'acu jȩcu̧'ä̧'.

San Juan 4:36

Ya̧tȩ se'ömä, seäji micuä ȩmö̧. Ja̧u̧ se'ömä, kä̧cuä̧huä̧ i'co ȩmö̧nö̧ se'ö. Ja̧'hua̧nö̧ ja̧'a̧ttö̧ ku̧ni̧nö̧'i̧nä̧, se'inö'inä ji̧nä̧ yo̧mȩtȩnä̧ ttesehuäcuotö.

Hechos 18:3

Aquilacu, Priscilacu isotö tti̧jȩti̧yu̧ttu̧ 'tö̧'ö̧ aditinätödo odehuiyä. Pablo'inä ja̧u̧ juäi aditina'attö, jahuätöcu aditö ki̧nö̧do.

1 Corintios 3:8

Ujutumä, ku̧ni̧nö̧'i̧nä̧, riripinö'inä yorätehuätöjä. Ja̧'hua̧nö̧ ja̧'a̧ttö̧ Dios i̧yä̧cua̧ ka̧ra̧rö̧'i̧nä̧, ka̧ra̧rö̧'i̧nä̧ aditinö micuä.

1 Corintios 9:12

Korotö ucuturu jittähuomenä, jahuätö “ppäcuhuädätucuatö” pä'ätö. Ja̧'hua̧ ja̧'a̧ jahuätöttö'inä abonänö ppäcuhuädätucua pä'ö ujuturu ¿adihua'adi̧? Iso päi'önä ujutumä jä'epocotö pi̧nä̧tö̧jä̧ ucuturu. Pärocua'acu o'ca juiyönä tami 'qui'ächi'inätöjä, adiu cuä̧ju̧cuä̧tu̧cua̧ pä'ö Cristo i̧huȩnȩ.

1 Corintios 9:15

Ttömä pa̧'a̧nö̧ jȩpo̧cö̧ pi̧nö̧sä̧. Jitä'inä huȩyu̧to̧cö̧sä̧ cuiyätucuattö pä'ö. Korotömä Dios i̧huȩnȩ jidähuinö micuä päi'önä, ttörö ttiya pättöttömä, chȩmo̧ca̧'a̧nä̧ 'corupädi'ö'a̧nö̧ jä̧cu̧sä̧.

1 Corintios 9:17

Iso päi'önä ttörötä pä̧huä̧ rö̧jo̧mȩnä̧ jidäuttumä, adiu chȩmä̧cua̧'a̧nö̧ jidähuinö micuä. Juhuorö'inä pä̧huä̧ juiyönä jidäuttömä, Dios hueinäcusä pä'ö ji'äusä.