1 Corintios 9:1 - TÄ̧DO Ä̧CUÄ̧ I̧HUȨNȨ

¹ Ttömä Jesús huȩ'ä̧hua̧sä̧. Ja̧'hua̧nö̧ ja̧'a̧ttö̧ pi̧jä̧ ttöja̧rö̧ ädätocösä. Ttömä Tu̧ru̧hua̧ Jesúsru topinösä. Ja̧'hua̧ta̧nö̧ ucutumä Tu̧ru̧hua̧ hueö jȩcho̧mȩnä̧ esetinätöjä.

Nuevo Testamento Uwotjüja

¹ ¿Ttümä̧ apóto-mä̧kü̧sä̧? ¿Ttümä̧ unichä̧rü̧ chu̧ju̧nä̧ rä'epü ikuokoku pinü̧sä̧? ¿Ttümä̧ Tu̧ru̧wa̧ Jesucrito-rü topokü pinü̧sä̧? ¿Ukutumä̧ Tu̧ru̧wa̧ a̧'kua̧ iweyenä̧ chaditäwämä̧kü̧jä̧?

1 Corintios 9:1 Referans Kwoze

Hechos 9:17

Ja̧'hua̧ ja̧'a̧ Ananías Saulo ö̧jodera̧'a̧ 'chi̧nö̧do. Do'ächi'ö u̧mö̧nä̧ mȩ'i̧nö̧do Saulorö. Ja̧u̧ru̧ pä'inödo: —Chö̧jä̧hua̧ Saulo, Tu̧ru̧hua̧ Jesús ucuru i̧jȩcuä̧ji̧mä̧ mä̧nä̧nä̧ cuichomenä, ttörö hue'äji pä'äji ta'anö tocu'a pä'ö, ja̧'hua̧ta̧nö̧ Espíritu Santo ucuru ö̧jä̧mä̧da̧ pä'ö.

1 Timoteo 2:7

Ja̧u̧ huȩnȩ jiäcuähuä i̧sa̧ päi'önä huȩ'ä̧hua̧sä̧. Diosrö esetäcuähuä huȩnȩ'i̧nä̧, iso päi'önä huȩnȩ'i̧nä̧ chu̧huo̧juȩta̧ pä'ö judíos huocotörö huȩ'ä̧hua̧sä̧. Cristorö cheseta'attö, iso päi'önä ji'äusä. Yapareumä ji'ähuocösä.

1 Corintios 3:6

Ttömä äcuomenä ku̧ni̧nö̧sä̧. Ja̧u̧nu̧ o'ca'a Apolos riripinödo. Ja̧'hua̧nö̧ jȩto̧mȩnä̧, Diostä ppöröhua pä'ö hue'inödo.

Hechos 23:11

Ja̧u̧tä̧ yodo Tu̧ru̧hua̧mä̧ Pablorö i̧jȩcui̧nö̧do. Ja̧u̧ru̧ pä'inödo: —Cua̧'cua̧ eseunu kä̧hui̧, Pablo. Porö Jerusalén ötahuiyättö ttö chi̧huȩnȩ jicuhuähuäji'a̧nö̧ Roma ötahuiyättö'inä ji̧cu̧huä̧huä̧cua̧jä̧.

Hechos 9:3

Ja̧'hua̧ ja̧'a̧ Saulo i̧'cho̧mȩnä̧ Damasco ötahuiyä ötö'cöhuächi'a'a, yotäcu mo̧ro̧jä̧ra̧'a̧ttö̧ tȩa̧u̧ kä̧dȩ'i̧nä̧cu̧do chutä ö̧jo̧mȩ.

1 Corintios 9:19

Ttömä ka̧ra̧ huȩ'ä̧hua̧mä̧cö̧sä̧. Juhuorö'inä o'ca toi'önä Cristorö tteseta pä'ö, huȩ'ä̧hua̧ i̧sa̧ jö̧'a̧nö̧ kö̧sä̧.

2 Timoteo 1:11

Dios hue'inö ttörö pi̧yȩ huȩnȩ jidähua pä'ö. Ja̧'hua̧ta̧nö̧ huȩ'ä̧hua̧sä̧ judíos huocotörö chu̧huo̧juȩta̧ pä'ö.

Gálatas 5:1

Cristomä ujuturu surojöttö ejädö icuinö adiunätä cuetächa pä'ö. Ucuturu ejädö icuinö o'ca'a, cuami 'qui'ächi'ö cue'ächätucui, pä'äji ta'anö hueähuä huȩnȩ umöhuäyotö päi'äcuähuä juiyönä.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

Romanos 1:1

Ttö Pablo, Dios huoina'attö, Jesucristo huȩ'ä̧hua̧sä̧. Ttörö pätetö hue'inö Dios, adihuä i̧huȩnȩ jidähua pä'ö.

Gálatas 1:1

Ttö Pablo Jesucristo huȩ'ä̧hua̧sä̧. Ja̧'hua̧ta̧nö̧ Tä'o Dios, Cristorö 'corupä'i'inätö ttö̧'quȩtȩttö̧ tto'ädinö'inä, huȩ'ä̧hua̧sä̧. Pi̧jä̧ ttö̧ja̧mä̧ hue'ähuocösä.

1 Tesalonicenses 2:6

Ucutu'inä, korotö'inä ttucuotatö pä'ömä ji'ähuocotö pi̧nä̧tö̧jä̧. Ujutumä Cristo hue'ähuotö tö̧ja̧cua̧'a̧ttö̧, tamönä pä̧huä̧ rö̧jö̧ jȩtö̧ttö̧mä̧ hue'ajatöjä ja̧'hua̧nö̧ ttucuotatö pä'ö.

2 Corintios 11:5

Ja̧'hua̧ta̧nö̧ korotö Jesús hue'ähuotö päcuhuätucuä̧u̧ jö̧ ta'anö yoräteunä kö̧sä̧ ttö'inä.

1 Corintios 1:1

Ttö Pablo, Diosrö pä̧huä̧ rö̧jo̧mȩnä̧ huoinäcusä, Jesucristo huȩ'ä̧hua̧ päi'önä chö̧ja̧ pä'ö. Ji̧nä̧ yo̧mȩtȩnä̧ chö̧jä̧hua̧ Sóstenescu huȩyu̧tu̧sä̧ pojä cuyäru isojänä chö̧jä̧hua̧tö̧rö̧, Dios i̧huȩnȩ esetätörö, Cristo Jesúsru tteseta'attö Dios i̧tti̧mö̧rö̧, Corinto ötahuiyänä ka̧cuä̧tö̧rö̧. Dios huoinä̧u̧jä̧ ucutu adihuä juäitä amöcuädö cu̧ja̧cuä̧tu̧cua̧ pä'ö, o'ca toi'önä pa̧ja̧cu̧nä̧ Ttu̧ru̧hua̧ Jesucristo i̧mi̧nä̧ ucuocu esetätöcu. Ja̧u̧mä̧ jitö'inä Ttu̧ru̧hua̧, ujutu'inä Tu̧ru̧hua̧ päi'önä kö̧.

Romanos 11:13

Jitä koro juäi jidähua pä'ösä ucuturu, judíos huocotörö. Dios ttörö hue'inö judíos huocotörö jidähua pä'ö. Ja̧'hua̧nö̧ ja̧'a̧ttö̧ adiu chadita pä̧huä̧ rö̧jä̧cu̧sä̧.

Romanos 1:5

Jesucristorö chesetomenä, Dios hueinäcusä Jesucristo i̧mi̧nä̧ i̧huȩnȩ jidähua pä'ö o'ca toi'önä ttö̧ja̧rö̧, yotöcunä i̧huȩnȩ esetö, Dios hueö jȩttä̧cua̧'a̧nö̧.

Hechos 14:14

Jesús hue'ähuotö Bernabécu, Pablocu ttö̧ja̧ ja̧'hua̧nö̧ jȩtta̧'a̧ tottomenä, tta̧'cua̧ tta̧'ȩcu̧nu̧ jitötä ttö̧'ca̧tä̧huä̧ti̧yu̧ serächönä jopinätödo ttö̧ja̧ ttö̧'quȩtȩnä̧.

Hechos 14:4

Iconio ötahuiyä ttö̧ja̧ttö̧ korotö judíos ttö̧ja̧ jittäu huȩnȩ esetinätödo. Ja̧'hua̧ta̧nö̧ korotö Pablocu, Bernabécu jittäu huȩnȩ esetinätödo.

Hechos 13:2

Ttu̧cuȩ a̧do̧chö̧ Diosrö ucuocuinätödo. Espíritu Santo jahuätörö pä'inödo: —'Quȩ'ȩpö̧ ȩmä̧tu̧cui̧ Bernabérö'inä, Saulorö'inä. Jahuätörö täcö pätetö hue'äjisä ttadita pä'ö.

Hechos 9:15

Ja̧'hua̧nö̧ ja̧'a̧ Tu̧ru̧hua̧ pä'inödo Ananíasrö: —Täi. Ja̧u̧ru̧ ȩmä̧ji̧sä̧ adicuä i̧sa̧ päi'önä judíos huocotörö'inä, tturuhuotörö'inä, Israel ttö̧ja̧rö̧'i̧nä̧ chi̧huȩnȩ jiähua pä'ö.

Hechos 9:5

Saulo pä'inödo: —Chu̧ru̧hua̧, ¿di jä̧ ucumä? Ja̧'hua̧nö̧ jäepomenä ädätinödo: —Ttötäsä Jesúsmä. Suronä jȩcu̧'u̧mä̧ ttörötä suronä jȩpö̧jä̧. Ucutä cuamönätä suronä jȩpä̧cuä̧u̧jä̧, buey chuta amönä so̧a̧ri̧nä̧ teächäcuähua'a jä̧'i̧nö̧'a̧nö̧.

1 Corintios 10:29

Ja̧'hua̧nö̧ pädomenä, ka̧ra̧ amöcuädötä pä'ösä, ucutä cuamöcuädömäcö̧. Ja̧'hua̧ta̧nö̧, ka̧ra̧ chutä amönä amöcuädö jȩö̧'a̧nö̧, ttö'inä ja̧'hua̧ta̧nö̧ ¿dä̧bö̧ jȩchä̧cua̧'a̧jä̧ttö̧? pä'ö jä̧cu̧huȩ'ä̧cua̧jä̧.

1 Corintios 10:30

Ttö koro juäi cuä̧nö̧, Diosrö eseunu chucuocuttumä, ¿tta̧'a̧nö̧ pä'ö suronä ttucuocua'ajä̧ttö̧ ttörömä?

1 Corintios 11:16

Ya̧tȩ pi̧yȩ huȩnȩ jä'epö ä̧ju̧cua̧ päöttömä, pa̧'a̧nö̧tä̧ pä'ösä ttömä. Ujutu'inä, iglesias ruhuä'inä pädäji ta'anö jȩpä̧tö̧jä̧. Koromä jȩpo̧co̧tö̧jä̧.

2 Corintios 10:7

Ucutu huämenätä topätöjä. Iso päi'önä ya̧tȩ “Cristo a̧hua̧ru̧hua̧sä̧” päöttömä, ujutu'inä chutä ta'anö Cristo ahuaruhuäjä pä'ö u̧huo̧juä̧cua̧'a̧nö̧.