1 Corintios 8:8 - TÄ̧DO Ä̧CUÄ̧ I̧HUȨNȨ

⁸ Iso päi'önä koro juäi cuä̧nö̧ Dios ä'ca jo̧mȩttö̧ adihuä isotö pä'i'ocotöjä. Koro juäi cuä̧nö̧, adiunä ka̧cuo̧co̧tö̧jä̧. Ja̧'hua̧ta̧nö̧ koronö koro juäi cuä̧nö̧, suronämä ka̧cuo̧co̧tö̧jä̧.

Nuevo Testamento Uwotjüja

⁸ Ja̧'wa̧nü̧ ja̧'a̧ttü̧, tu̧kuȩ tukú jäwättümä̧ Dio-mä̧ ȩmo̧ko̧ujä̧; tu̧kuȩ tukuajá pä'ü'i̧nä̧ adiwämä̧ isotü pokotüjä̧, tukú juiyajá pä'ü'i̧nä̧ suropokotüjä̧.

1 Corintios 8:8 Referans Kwoze

Romanos 14:17

Dios hueömä ttu̧cuȩnä̧tä̧mä̧cö̧, ttaunätämäcö̧. Dios hueömä adiu jȩä̧cuä̧huä̧, tta̧'cua̧ adiu, tta̧'cua̧rö̧ eseu, Espíritu Santonä ttö̧jo̧mȩnä̧.

Hebreos 13:9

Koro huȩnȩ, jareö huȩnȩ, i̧mi̧cu̧nä̧ jittähuä'chomenä cuesetätucuä'. Iso päi'önä tami iso'quinä Dios ppäda'attö tujuruhuomenä, pi̧jä̧ jähuä cuäcuähuä huȩnȩttö̧'i̧nä̧ abonänö adihua'ado. Ja̧u̧ juäi pi̧jä̧ huȩnȩ esetätörö yoröiso ppädoca'a ji̧na̧'a̧do.

1 Corintios 6:13

Iso päi'önä pä'ätö: “Adihua'a o'ca juiyönä cuäcuähuämä cuä̧nö̧ tö'cäbiyunä suhuädi'önä. Ja̧'hua̧ta̧nö̧ tö'cäbiyu adihua'a cuäcuähuä tucuomenä ȩca̧ pä'ö. Juhuorö'inä Diosrö pä̧huä̧ rö̧jo̧mȩnä̧, tö'cäbiyu'inä, cuäcuähuä'inä be'epö i̧cuä̧cua̧. Ja̧'hua̧ta̧nö̧ ja̧'a̧nä̧ ujutu jättäpäyotö nä̧tö̧rö̧ usu jȩtä̧'cho̧mȩnä̧mä̧ surojö. Ujutu jättäpäyotö aditinödo Tu̧ru̧hua̧, chutä öäre päi'önä. Ja̧'hua̧ta̧nö̧ Tu̧ru̧hua̧ kö̧ ujutu jättäpäyotönä suhuädi'önä.

San Mateo 25:15

“Ya̧tȩrö̧ cinco mil bolívares jo̧mȩnä̧ iyinödo. Ka̧ra̧rö̧ dos mil bolívares jo̧mȩnä̧ iyinödo. Ka̧ra̧rö̧ ya'ute mil bolívares jo̧mȩnä̧ iyinödo. Churutä ppa̧ttä̧dö̧'a̧nö̧ jo̧mȩtä̧ iyinä̧u̧do. Ja̧'hua̧nö̧ iyipö cue'ächö 'chi̧nö̧do.