1 Corintios 8:7 - TÄ̧DO Ä̧CUÄ̧ I̧HUȨNȨ

⁷ Ucututtu yotöcunä ja̧u̧ huȩnȩmä̧ huo̧juo̧co̧tö̧. Yotöte ucututtu ttu̧mö̧nä̧ adicuä juäi esetinätömä, ji̧nä̧ jitä päi'önä cuätö ttu̧cuȩmä̧, pä'äji jȩpö̧ ttucuinö'a̧nö̧ amöcuädö. Ja̧'hua̧nö̧ jȩtto̧mȩnä̧, ttami iso'quinä o'ca juiyönä ttesetoca'attö, suronä jȩpä̧tö̧jä̧ pä'ö amöcuädätö.

Nuevo Testamento Uwotjüja

⁷ Ja̧'wa̧nü̧ ja̧'a̧nä̧ pi̧yȩ wȩnȩmä̧ o'katoi'ünä̧mä̧ wo̧juo̧ko̧tü̧. Yotukunä̧mä̧, weye juo'inü̧'kotü ttü̧ä̧nä̧wo̧tü̧rü̧ ukuokuäkuäwa'a idepä kuätü; ja̧'wa̧ta̧nü̧ tta̧mü̧kuädüttü, jo̧mȩnü̧ ttoka'amä̧, jitütä surojuo'ekuätü.

1 Corintios 8:7 Referans Kwoze

Romanos 14:14

Ttö huo̧jua̧sä̧ koro juäi yoröiso juiya'a iditö icumä. Ttö Chu̧ru̧hua̧ Jesucristorö cheseta'attö, ja̧'hua̧nö̧ huo̧jua̧sä̧. Ja̧'hua̧nö̧ ja̧'a̧nä̧ korotömä pi̧yȩmä̧ iditö icudo pä'ö ttamöcuädöttömä, jahuätörö surojö ja̧'a̧.

Hechos 15:20

—Ji̧yȩä̧cuȩtä̧ ti̧huȩnȩ huȩyu̧tu̧ huetö'a̧nö̧ ja̧'a̧ jahuätörö korotö ttä̧do̧ ä̧cua̧ a̧'u̧cuä̧ ä'ca jo̧mȩ iyähuämä ttȩmö̧ juiyö'a̧nö̧ ja̧'a̧. Ja̧'hua̧ta̧nö̧ ya̧tȩ chutä irecua pocojucu suronä jȩä̧'chö̧ juiyö'a̧nö̧ ja̧'a̧. Ja̧'hua̧ta̧nö̧ nu̧'ä̧hua̧rö̧'i̧nä̧, a̧'ä̧u̧ru̧'i̧nä̧ ttucu juiyö'a̧nö̧ ja̧'a̧. Isotö ttucuoja'inä ttucu juiyö'a̧nö̧ ja̧'a̧.

Romanos 15:14

Ttö chö̧jä̧hua̧tö̧, ttötä iso päi'önä huo̧jua̧sä̧ ucutu yoröiso adiu jȩpä̧tö̧jä̧. Ja̧'hua̧ta̧nö̧ o'ca juiyönä huo̧juä̧tö̧jä̧. Ja̧'hua̧ta̧nö̧ ucutu huo̧juä̧tö̧jä̧ cu̧huo̧juȩtä̧tu̧cua̧ pä'ö korotö korotönörö.

1 Corintios 8:1

Jitämä ji'äusä koro huȩnȩ, cuäcuähuä ttucuäcua'a ä'canä, ttu̧mö̧nä̧ adicuä juäi ttä'ca ttucuocu huȩnȩ. Ja̧u̧ juäi huȩnȩ amöcuädö, o'ca toi'önä pä'ätöjä ttö ja̧u̧ juäi rö̧ȩnä̧ huo̧jua̧sä̧ pä'ö. Ja̧'hua̧nö̧ pätomenä, iso päi'önä adiu ppädoca'a ujuturu. Ji̧yȩä̧cuȩtä̧ tahuaruhuärö repeähuätä adiu ppäda'a ujuturu.

1 Corintios 8:4

Ja̧'hua̧ ja̧'a̧ttö̧ cuäcuähuä ttucuäcua'a ä'canä, ttu̧mö̧nä̧ adicuä juäi ttä'ca ttucuocuomenä, yoröiso micuähuoca'a huo̧juä̧tö̧jä̧. Iso päi'önä huo̧juä̧tö̧jä̧ ya̧tȩä̧tä̧ kö̧ Diosmä.

1 Corintios 10:25

O'ca juiyönä idepä ttiyomettö, ȩmö̧ cuätucui, koro amöcuädö jäcuhue'ätucuoca'a.

1 Tesalonicenses 5:14

Tö̧jä̧hua̧tö̧, ja̧'hua̧ta̧nö̧ pä'ätöjä ucuturu. Ötähuätörö adiu ucuocu ji'ähuätucui. Ye'ecuätörö ppä'ädätucui. Juiyupätörö'inä ppä'ädätucui. O'ca toi'önärö cuami 'qui'ächi'ö ka̧cuä̧tu̧cui̧.