1 Corintios 8:4 - TÄ̧DO Ä̧CUÄ̧ I̧HUȨNȨ

⁴ Ja̧'hua̧ ja̧'a̧ttö̧ cuäcuähuä ttucuäcua'a ä'canä, ttu̧mö̧nä̧ adicuä juäi ttä'ca ttucuocuomenä, yoröiso micuähuoca'a huo̧juä̧tö̧jä̧. Iso päi'önä huo̧juä̧tö̧jä̧ ya̧tȩä̧tä̧ kö̧ Diosmä.

Nuevo Testamento Uwotjüja

⁴ Ja̧'wa̧nü̧ ja̧'a̧ttü̧, ttu̧kuȩ ttü̧ä̧nä̧wo̧tü̧ tti̧mi̧nä̧ ukuokuä'chü jȩttü̧ tü'kümä̧, jua̧u̧mä̧ pi̧jä̧ttü̧mä̧ mikuäwokü pä'ü wo̧juä̧tü̧jä̧, Dio-mä̧ ya̧tȩtä̧ ja̧'a̧ pä'ü tu̧wo̧jua̧'a̧ttü̧.

1 Corintios 8:4 Referans Kwoze

1 Timoteo 2:5

Ya̧tȩtä̧ kö̧ Dios. Ja̧'hua̧ta̧nö̧ ya̧tȩtä̧ Dios ä'ca jo̧mȩttö̧ pi̧jä̧ ttö̧ja̧ ttucuocuomenä ji'äu. Ja̧u̧ ubomä Jesucristo.

Efesios 4:6

Ya̧tȩtä̧ o'ca toi'önä Ttä'o Diosmä. Ja̧u̧tä̧ o'ca toi'önä Ttu̧ru̧hua̧ päi'önä kö̧do. Ja̧u̧tä̧ o'ca toi'önä ttami iso'quinä aditödo. Ja̧'hua̧ta̧nö̧ o'ca toi'önärö kö̧do.

San Marcos 12:29

Jesús ädätinäcudo: —Korottö'inä abonänö adihuä juäi hueähuä huȩnȩ pi̧yȩjä̧: “Ä̧ju̧cuä̧tu̧cui̧ Israel ttö̧ja̧, Tu̧ru̧hua̧ Diostä, ya̧tȩtä̧ Tu̧ru̧hua̧mä̧.

1 Corintios 8:10

Pa̧'a̧nö̧ pä'ösä ucuturu, ucututtu ya̧tȩ huo̧jua̧mä̧, koromettö ttu̧mö̧nä̧ adicuä juäi ttä'ca ttucuocuomettö pä̧mä̧dö̧ ucuomenä, ka̧ra̧'i̧nä̧ ji̧'qui̧cha̧nö̧ esetömä 'cuä'opö tomenä, ttö'inä ja̧'hua̧ta̧nö̧ pä̧mä̧dö̧ chucu'a̧nö̧ ja̧'a̧cuä̧ pä'ö amöcuädäcua'a̧nö̧, ka̧ra̧ ö̧jä̧hua̧rö̧ topö.

1 Corintios 8:1

Jitämä ji'äusä koro huȩnȩ, cuäcuähuä ttucuäcua'a ä'canä, ttu̧mö̧nä̧ adicuä juäi ttä'ca ttucuocu huȩnȩ. Ja̧u̧ juäi huȩnȩ amöcuädö, o'ca toi'önä pä'ätöjä ttö ja̧u̧ juäi rö̧ȩnä̧ huo̧jua̧sä̧ pä'ö. Ja̧'hua̧nö̧ pätomenä, iso päi'önä adiu ppädoca'a ujuturu. Ji̧yȩä̧cuȩtä̧ tahuaruhuärö repeähuätä adiu ppäda'a ujuturu.

Hechos 19:26

Ucutu topätöjä. Ucutu ä̧ju̧cuä̧tö̧jä̧ Pablo jȩö̧mä̧. Ja̧u̧ pä'inö ttä̧do̧ ä̧cua̧tö̧ tta̧'u̧cuä̧ ttu̧mö̧nä̧ adicuä, ttä̧do̧ ä̧cua̧tö̧mä̧cö̧. Ja̧u̧ päinömä recuätö ttö̧ja̧ esetinätö, Efeso ötahuiyänä ka̧cuä̧tö̧'i̧nä̧, o'ca juiyönä Asia rȩjȩnä̧ ka̧cuä̧tö̧'i̧nä̧.

Hechos 14:15

Huopinätödo: —¡Chahuaruhuä! ¿Dä̧bö̧ ja̧'hua̧nö̧ jȩcu̧'ä̧tu̧cua̧'a̧ttö̧? Ujutumä ucutu ta'anö u̧mä̧tö̧jä̧. Ujutumä ucuturu ji'äu ichäjätöjä adihuä huȩnȩ, ja̧u̧ juäi, micuähuocö juäimä jȩcu̧'ä̧tu̧cumä̧, jarocu'ipätucu'a̧nö̧ ja̧'a̧, kö̧ Diosrö cuesetätucua pä'ö. Kö̧ Diosmä mo̧ro̧jä̧'i̧nä̧, mo̧ro̧jä̧nä̧ ka̧cu̧'i̧nä̧, pi̧jä̧'i̧nä̧, pi̧jä̧nä̧ ka̧cu̧'i̧nä̧, ajehuiyä'inä, ajehuiyänä kä̧cu̧'i̧nä̧, o'ca juiyönä aditinödo.

1 Timoteo 1:17

Ja̧'hua̧nö̧ ja̧'a̧ttö̧ ya̧tȩä̧tä̧ Diosrö, o'ca juiyönä huo̧jua̧rö̧, yoröiso hua'ö icuocörö, uhuäpocörö, 'cuäopönä Tu̧ru̧hua̧ päi'önä kö̧rö̧ eseunu tucuotäcua'a̧nö̧. Amén.

Hechos 15:20

—Ji̧yȩä̧cuȩtä̧ ti̧huȩnȩ huȩyu̧tu̧ huetö'a̧nö̧ ja̧'a̧ jahuätörö korotö ttä̧do̧ ä̧cua̧ a̧'u̧cuä̧ ä'ca jo̧mȩ iyähuämä ttȩmö̧ juiyö'a̧nö̧ ja̧'a̧. Ja̧'hua̧ta̧nö̧ ya̧tȩ chutä irecua pocojucu suronä jȩä̧'chö̧ juiyö'a̧nö̧ ja̧'a̧. Ja̧'hua̧ta̧nö̧ nu̧'ä̧hua̧rö̧'i̧nä̧, a̧'ä̧u̧ru̧'i̧nä̧ ttucu juiyö'a̧nö̧ ja̧'a̧. Isotö ttucuoja'inä ttucu juiyö'a̧nö̧ ja̧'a̧.

1 Corintios 8:11

Ja̧'hua̧nö̧ ja̧'a̧ttö̧ ya̧tȩ cu̧jä̧hua̧mä̧ ji̧'qui̧cha̧nö̧ esetömä, ucutu jȩcu̧'ä̧tu̧cua̧'a̧ tomenä, ami iso'quinä esetoca'anä jȩö̧ttö̧mä̧, ucutumä toä̧u̧jä̧ suronä jȩpä̧tö̧jä̧ cu̧huo̧juä̧tu̧cua̧'a̧nä̧'i̧nä̧. Cristomä 'corupä'i'inödo ja̧u̧ru̧'i̧nä̧.

Gálatas 4:8

Pä'äjimä Diosrö cu̧huo̧juä̧tu̧cu̧ juiyäimä, ttu̧mö̧nä̧ adicuä, ttö̧ja̧ i̧sa̧ a̧'u̧cuä̧ adicuä, esetäcuähuä ttö̧ja̧ pi̧nä̧tö̧jä̧. Ja̧u̧ ä'coji cuesetinätucumä yoröiso Diosmäcö̧.