1 Corintios 7:4 - TÄ̧DO Ä̧CUÄ̧ I̧HUȨNȨ

⁴ Yajute kirecuorö kȩmo̧mȩnä̧, ja̧u̧nu̧mä̧ yajutä kamönämä ruhuajucö̧. Ja̧u̧nu̧mä̧ yajutä kirecuo ku̧ru̧hua̧ pä'i'ö. Ja̧'hua̧ta̧nö̧ ya̧tȩ irecuarö ȩmo̧mȩnä̧, ja̧u̧nu̧mä̧ chutä amönämä ru̧hua̧cö̧. Ja̧u̧nu̧mä̧ chutä irecua uruhuaju pä'i'äju.

Nuevo Testamento Uwotjüja

⁴ Irekuamä̧ kka̧mü̧nä̧ pa̧ja̧tü̧ kkidepänä̧mä̧ we'äwokoju, kkirekuotä we'ü; pärokua'aku ubo a̧mü̧nä̧ pa̧ja̧tü̧ idepänä̧mä̧ we'äwokü, irekuatä ja̧'a̧ we'äjumä̧.

1 Corintios 7:4 Referans Kwoze

San Mateo 19:9

Ucuturu pä'ösä, ya̧tȩ irecua ka̧ra̧ uborö suronä jȩjo̧ca̧'a̧nä̧, ja̧'a̧tä̧ jaroi'öttömä karajuru ȩmö̧, suronä jȩpö̧. Ja̧'hua̧ta̧nö̧ ka̧ra̧mä̧ yajutä kirecuo jaroi'inäcuarö irecua päi'önä ȩmö̧ttö̧mä̧, suronä jȩpö̧, —pä'inödo.

1 Corintios 7:3

Ya̧tȩ irecuarö u̧ju̧nä̧ro̧mȩnä̧, jahuäjurutä öjö'ca'anä, o'ca juiyönä tti̧rȩcua̧mö̧rö̧ jȩttö̧'a̧nö̧ jȩä̧cua̧'a̧nö̧. Ja̧'hua̧ta̧nö̧ yajute kirecuorö ku̧ju̧nä̧ro̧mȩnä̧, ja̧u̧ru̧tä̧ köjö'ca'anä, o'ca juiyönä tti̧rȩcuo̧mö̧rö̧ jȩttö̧'a̧nö̧ jȩjä̧cua̧'a̧nö̧.

1 Corintios 7:5

Ja̧'hua̧nö̧ ja̧'a̧ttö̧ cuirecuorö pä̧huä̧ rö̧jo̧mȩnä̧, cuhuarodätucuä'. Ja̧'hua̧ta̧nö̧ cuirecuarö pä̧huä̧ rö̧jo̧mȩnä̧, cuhuarodätucuä'. Ja̧'hua̧ta̧nö̧ recuonänö Diosrö cucuocuätucua pä'ö cuhuarodätucuttumä, ä'canä cuirecuorö ucuocu ji̧nä̧ yo̧mȩtȩnä̧ amöcuädö jȩpä̧tu̧cui̧. Ja̧u̧nu̧ o'ca'a cuirecuorö jȩpä̧tu̧cui̧, korotöcu suronä jȩcu̧'ä̧tu̧cu̧ juiyäcua'a̧nö̧ ähuettä hueomenä.