1 Corintios 7:35 - TÄ̧DO Ä̧CUÄ̧ I̧HUȨNȨ

³⁵ Ttömä pa̧'a̧nö̧ ji'äusä ucuturu, ttö̧ja̧ ucuturu ttucuotönä cu̧ja̧cuä̧tu̧cuä̧cua̧'a̧nö̧, o'ca juiyönä cuami iso'quitucunä jȩpö̧ Tu̧ru̧hua̧ hueömä. Hueähuä huȩnȩ päi'önä huȩyu̧tu̧ ji'ähuocösä ucuturu.

Nuevo Testamento Uwotjüja

³⁵ Pi̧yȩ ukuturu pädümä̧, kuiweyekuätukunä̧ ja̧ pä'ümä̧ pädokü, pärokua'aku ukuturu adiunä̧ ku̧jä̧tu̧kua̧ pä'ü pä'üsä, kkorottü'i̧nä̧ u̧wä̧mȩnä̧ Dio-rü eseu ku̧jä̧tu̧kua̧ pä'ü.

1 Corintios 7:35 Referans Kwoze

1 Corintios 7:36

Ya̧tȩ ittiju böa juojomenä, kirecuorö kȩma̧ päjöttömä, kä'o'inä kirecuorö kȩma̧ päöttömä, huäinä kȩma̧ja̧ kirecuorö. Ja̧u̧mä̧ surojömäcö̧.

San Lucas 8:14

Korotömä, jacuä jähuä so̧ä̧'cua̧nä̧ ma̧ä̧chö̧ jä̧'i̧nö̧'a̧nö̧ huotö. Dios i̧huȩnȩ ä̧ju̧cu̧ tteseta'anä, pi̧jä̧ jähuä rö̧ȩnä̧ amöcuädätö. Ja̧u̧ juäitä esetätö. Pi̧jä̧ jähuä ku̧nä̧rä̧cuä̧huä̧, pärätänätä a̧mö̧cuä̧rö̧ jȩtta̧'a̧ttö̧ o'ca juiyönä rȩä̧cha̧'a̧ Dios i̧huȩnȩ ttesetomenä. Ja̧'hua̧nö̧ yoröiso u̧huä̧ju̧ jui'ätö.

Filipenses 4:8

Jitämä chö̧jä̧hua̧tö̧, röjinä ji'äusä. Amöcuädätucui o'ca juiyönä iso päi'önä huȩnȩ'i̧nä̧, ttö̧ja̧rö̧ adiu ucuotäcuähuä'inä, adiu jȩä̧cuä̧hua̧'i̧nä̧, surojö juiyönä amöcuädäcuähuä'inä, adiu topö jȩä̧cuä̧huä̧'i̧nä̧, adiu ucuocuäcuähuä'inä. Ja̧'hua̧ta̧nö̧ o'ca juiyönä adihuä juäi'inä, adiu eseäcuähuä'inä amöcuädätucui.

1 Corintios 7:2

Juhuorö'inä recuätö nä̧tö̧rö̧ suronä usu jȩtta̧'a̧ttö̧, o'ca toi'önä u̧mä̧tö̧'i̧nä̧ jitötä ttirecuarö ttu̧ju̧nä̧rä̧cua̧'a̧nö̧. Ja̧'hua̧ta̧nö̧ nä̧tö̧'i̧nä̧ jitötä ttirecuorö ttu̧ju̧nä̧rä̧cua̧'a̧nö̧.

San Lucas 21:34

“Ttu̧ȩcuä̧nä̧tä̧ ka̧cuä̧tu̧cui̧. Pi̧jä̧ jähuä jȩpö̧, tä̧'ä̧mä̧'chö̧ jȩpö̧, cuami iso'quitucu 'quiyönä juoächa'acu jȩcu̧'ä̧tu̧cuä̧'. Ja̧'hua̧ta̧nö̧ pi̧jä̧ jähuä amöcuädö kä̧nö̧, koro hua̧rö̧ 'chuttäda'a jä̧'i̧nö̧'a̧nö̧ ja̧u̧ juäi 'cuäopä̧cuȩ mo̧ro̧ tta̧cu̧huä̧rä̧tu̧cuo̧ca̧'a̧ adiu ka̧cuä̧tu̧cui̧. O'ca toi'önä ttö̧ja̧ pi̧jä̧ pa̧ja̧cu̧nä̧ ka̧cuä̧tö̧rö̧ ja̧'hua̧nö̧ ichäcua'a ja̧u̧nu̧ mo̧ro̧.

San Mateo 19:12

Yotöcunä ttirecuarö ȩmo̧co̧tö̧. Korotömä yoröiso ttȩma̧ pä'ocotö. Korotömä ttirecuarö ttȩmö̧ juiya pä'ö hue'ähuotö. Ja̧'hua̧ta̧nö̧ korotömä Diosrö amöcuädö ttirecuarö ȩmo̧co̧tö̧. Pi̧yȩ huȩnȩ ä̧ju̧cu̧mä̧ huäinä ä̧ju̧cu̧, —pä'inödo Jesús.

Tito 2:3

Ja̧'hua̧ta̧nö̧ nä̧tö̧ böäcuächätörö'inä huo̧juȩti̧. Dios ä'ca jo̧mȩ adiu ttö̧jä̧cua̧'a̧nö̧. Ttahuaruhuärö yapareu huȩnȩ jittähuä'chö juiyäcua'a̧nö̧. Ja̧'hua̧ta̧nö̧ tä̧ttä̧mö̧ juiyäcua'a̧nö̧. Korotö ttä'ca jo̧mȩ adiu huo̧juȩtö̧ jȩttä̧cua̧'a̧nö̧.

Efesios 5:3

Dios i̧tti̧mö̧ cu'ätucuttumä, suronä nä̧tö̧rö̧ jȩä̧cuä̧huä̧ cucuocuätucu juiyö'a̧nö̧ huotöjä. Ja̧'hua̧ta̧nö̧ koro juäi suräjuä huȩnȩ'i̧nä̧ cucuocuätucu juiyö'a̧nö̧ huotöjä. Ja̧'hua̧ta̧nö̧ korotö ttu̧ju̧nä̧rö̧ ta'anö, chu̧ju̧nä̧ra̧ päcuhuätucu juiyö'a̧nö̧ huotöjä.

1 Corintios 7:28

Ja̧'hua̧ta̧nö̧ ja̧'a̧nä̧ cuirecuarö cuȩmö̧ttö̧mä̧, suronämä jȩpo̧cö̧jä̧. Isaju'inä kirecuorö kȩmö̧ttö̧mä̧, jahuäju'inä suronämä jȩpo̧co̧ju̧. Ja̧'hua̧nö̧ ja̧'a̧nä̧ ttirecuarö ȩmä̧tö̧rö̧, jitämä pi̧jä̧nä̧ kä̧nö̧ pi̧jä̧ttö̧ rö̧ȩnä̧ surojö 'cuäopäcua'a. Ja̧'hua̧nö̧ surojö 'cuättopö juiya pä'ö ji'äusä pi̧yȩmä̧.

1 Timoteo 1:10

Ja̧'hua̧ta̧nö̧ nä̧tö̧rö̧ suronä jȩpä̧tö̧rö̧, u̧mä̧tö̧ u̧mä̧tö̧cu̧ suronä jȩpä̧tö̧rö̧, korotörö 'chu'ädö ȩmi̧pä̧tö̧rö̧, yapareu huȩnȩ ucuocuätörö, o'ca toi'önä adihuä huȩnȩ päö ta'anö jȩpo̧co̧tö̧rö̧ päa'a ja̧u̧ hueähuä huȩnȩ.

San Mateo 22:15

Ja̧u̧nu̧ o'ca'a fariseos huotö rä'opächö, ttamönätä ucuocuinätödo. Jahuätömä koro juäi jättepa pä'inätödo, suronä ttucuocua pä'ö Jesúsru.