1 Corintios 7:32 - TÄ̧DO Ä̧CUÄ̧ I̧HUȨNȨ

³² Ucutumä koro koronö cuamöcuädätucu juiya pä'ösä ttömä. Ya̧tȩ irecua to̧'a̧, 'cuäöpönä Tu̧ru̧hua̧rö̧ adiu amöcuädö jȩpö̧, Tu̧ru̧hua̧ esehua pä'ö ja̧u̧ru̧.

Nuevo Testamento Uwotjüja

³² Ttümä̧ kua̧'kua̧ roekuäkuäwä juiyünä̧ ku̧jä̧tu̧kua̧ pä'üsä. Irekua to̧'a̧mä̧ Tu̧ru̧wa̧ jäwätä a̧'kua̧ ro'eku, jua̧u̧ esewomȩnä̧ ü̧ja̧ pä'ü.

1 Corintios 7:32 Referans Kwoze

1 Timoteo 5:5

Ja̧'hua̧ta̧nö̧ yajute recua ki̧tti̧mö̧'i̧nä̧, kö̧nä̧mö̧'i̧nä̧ to'ajumä, Diosrötä adiu esetö tta̧'ä̧rä̧ju̧. Jahuäjumä mo̧ro̧'i̧nä̧, yodo'inä ucuocuäju Diosrö.

Filipenses 4:6

Koro koronö cuamöcuädätucuä'. 'Cuäopönä Diosrö jä'epö ucuocuätucui. Ja̧'hua̧ta̧nö̧ eseunu ucuocuätucuirö.

San Mateo 13:22

Koro so̧ä̧'cua̧nä̧ ma̧ä̧chi̧nö̧mä̧, korotö Dios i̧huȩnȩ ttä̧ju̧cuo̧mȩnä̧, pi̧jä̧ jähuä rö̧ȩnä̧ amöcuädätö jä̧'i̧nö̧'a̧nö̧ huotö. Ja̧u̧ juäi o'ca juiyönä rȩä̧cha̧'a̧ Dios i̧huȩnȩ ttesetomenä. U̧huä̧ju̧ jui'ätö.

San Marcos 4:19

Ja̧'hua̧nö̧ ja̧'a̧nä̧ pi̧jä̧ jähuä rö̧ȩnä̧ amöcuädätö. Ja̧u̧ juäitä esetätö. Pi̧jä̧ jähuä o'ca juiyönä ttu̧ju̧nä̧ra̧ pä'ö amöcuädätö. Ja̧u̧ juäi o'ca juiyönä rȩä̧cha̧'a̧ Dios i̧huȩnȩ ttesetomenä. U̧huä̧ju̧ jui'ätö.

San Juan 10:13

Ja̧u̧ ubomä aditähuä micuätä a̧mö̧cuä̧ra̧'a̧ttö̧, tö'ipächö. O̧vȩja̧stö̧rö̧ yoröiso tta̧huä̧ra̧ pä'ö amöcuädocö.

1 Corintios 7:33

Pärocua'acu ya̧tȩ irecuarö ku̧nä̧rö̧mä̧, pi̧jä̧ jähuä amöcuädö jȩpö̧, irecua kesehua pä'ö ja̧u̧ru̧.