1 Corintios 7:31 - TÄ̧DO Ä̧CUÄ̧ I̧HUȨNȨ

³¹ Pi̧jä̧nä̧ aditö ȩmä̧tö̧'i̧nä̧, ttȩmö̧ juiyönä jȩttä̧cua̧'a̧nö̧. Pi̧jä̧mä̧ totömä beipächä̧ra̧'a̧.

Nuevo Testamento Uwotjüja

³¹ Ja̧'wa̧ta̧nü̧ pi̧jä̧ jäwänä̧ eseäkuäwätümä̧, eseäkuäwokotü 'kua̧rü̧nä̧ kka̧kuä̧tu̧kui̧; isopäi'ünä̧ pi̧jä̧ jäwä totümä̧ beipächä̧kuȩ.

1 Corintios 7:31 Referans Kwoze

1 Juan 2:17

Pi̧jä̧ beipächa'a. Pi̧jä̧ jähuä pä̧huä̧ rö̧jö̧ toäcuähuä'inä beipächa'a. Ja̧'hua̧nö̧ ja̧'a̧nä̧ Diosrö pä̧huä̧ rö̧jö̧ jȩpä̧tö̧mä̧ 'cuäopönä ttö̧ja̧cuä̧cuo̧tö̧.

1 Pedro 4:7

O'ca juiyö beipächäcuome tö'cöhuächa'ado. Ja̧'hua̧nö̧ ja̧'a̧ttö̧ cua̧'cua̧ pö̧nö̧ ka̧cuä̧tu̧cui̧. Adiunä Diosrö amöcuädö ucuocu ka̧cuä̧tu̧cui̧.

Santiago 4:14

Ja̧'hua̧nö̧ päcuhuätucua'anä, jerupätöjä yo̧ȩi̧ mo̧ro̧ 'cuäopä̧cuȩmä̧. Ja̧'hua̧ ja̧'a̧ cu̧jä̧tu̧cu̧mä̧, ¿tta̧'a̧nö̧ jö̧jä̧ttö̧? Isoppa jä̧'i̧nö̧'a̧nö̧ jö̧ cu̧jä̧tu̧cu̧mä̧. Isoppamä jurunätä rä̧cua̧'a̧. Ju̧huȩnȩ o'comenä, täcö toepo'ö.

San Lucas 21:34

“Ttu̧ȩcuä̧nä̧tä̧ ka̧cuä̧tu̧cui̧. Pi̧jä̧ jähuä jȩpö̧, tä̧'ä̧mä̧'chö̧ jȩpö̧, cuami iso'quitucu 'quiyönä juoächa'acu jȩcu̧'ä̧tu̧cuä̧'. Ja̧'hua̧ta̧nö̧ pi̧jä̧ jähuä amöcuädö kä̧nö̧, koro hua̧rö̧ 'chuttäda'a jä̧'i̧nö̧'a̧nö̧ ja̧u̧ juäi 'cuäopä̧cuȩ mo̧ro̧ tta̧cu̧huä̧rä̧tu̧cuo̧ca̧'a̧ adiu ka̧cuä̧tu̧cui̧. O'ca toi'önä ttö̧ja̧ pi̧jä̧ pa̧ja̧cu̧nä̧ ka̧cuä̧tö̧rö̧ ja̧'hua̧nö̧ ichäcua'a ja̧u̧nu̧ mo̧ro̧.

1 Pedro 1:24

Huȩyu̧cuä̧ Huȩnȩ päa'a: O'ca toi'önä pi̧jä̧ ttö̧ja̧, isade kö̧'a̧nö̧ ka̧cuä̧tö̧. Ttamönä adiu ttöadihuä, isade ȩ'u̧cuade jä̧'i̧nö̧'a̧nö̧ ka̧cuä̧tö̧. Isade joi'omenä, ȩ'u̧mä̧ ttahuähuächö.

1 Corintios 9:18

Ja̧'hua̧nö̧ ja̧'a̧ttö̧ ¿däjettö jidähuinö micuämä? Iso päi'önä ttö̧ja̧ suronä jȩttö̧ jȩpö̧ icu huȩnȩ jidähuomenä, korotörö koro juäi jädepoca'anä, ja̧u̧tä̧ ttö jidähuinö micuä. Ja̧'hua̧nö̧ jȩpö̧, ttömä ȩmo̧cö̧sä̧ koro juäi korotöttö micuä juiyönä Dios i̧huȩnȩ ji'äusä pä'ö kä̧nö̧.

1 Corintios 7:29

Chö̧jä̧hua̧tö̧, pa̧'a̧nö̧ ji'äusä: Recuome ka̧cuo̧co̧tö̧jä̧ pi̧jä̧nä̧mä̧. Ja̧'hua̧nö̧ ja̧'a̧ttö̧ jitä mo̧ro̧ kä̧mä̧dö̧, ttirecuorö ku̧nä̧rä̧tö̧mä̧, ttirecua toa'a jä̧'i̧nö̧'a̧nö̧, ttö̧ja̧cuä̧tu̧cuä̧cua̧'a̧nö̧.

1 Corintios 7:30

Tta̧'cua̧ tta̧'ȩcuä̧tö̧'i̧nä̧, tta̧'cua̧ tta̧'ȩcuo̧co̧tö̧ jȩttö̧'a̧nö̧, jȩttä̧cua̧'a̧nö̧. Esehuätö'inä, esehuocotö jȩttö̧'a̧nö̧, jȩttä̧cua̧'a̧nö̧. Koro juäi jä'epö ȩmä̧tö̧'i̧nä̧, korotö ttöäre päi'önä ttȩmö̧'a̧nö̧, jȩttä̧cua̧'a̧nö̧.

Hebreos 12:27

Jitä ya'utenätä päomenä, o'ca juiyönä Dios aditinö ttö̧ȩpö̧mä̧ jȩpö̧ icuäcua'a huo̧juä̧tö̧jä̧. Ja̧'hua̧ta̧nö̧ ttö̧ȩpo̧cö̧tä̧ ki̧'ä̧cua̧'a̧do.