1 Corintios 7:25 - TÄ̧DO Ä̧CUÄ̧ I̧HUȨNȨ

²⁵ Ttirecua to'ätörö Tu̧ru̧hua̧ttö̧ hueähuä huȩnȩ jui̧'a̧sä̧. Ja̧'hua̧nö̧ ja̧'a̧nä̧ Diosrö pä̧huä̧ rö̧jo̧mȩnä̧ huȩ'ä̧hua̧ cha'attö, ttötä chamöcuädö ji'äusä.

Nuevo Testamento Uwotjüja

²⁵ Jitü, nä̧tü̧ Tti̧rȩkua̧mü̧ku̧ ü'käwokotü ttütü'kü, Tu̧ru̧wa̧ weinü̧mä̧ jui̧'a̧sä̧; ja̧'wa̧nü̧ ja̧'a̧nä̧ ttü päda'aku pä'üsä, Tu̧ru̧wa̧ rȩrü̧jü̧ toinü̧nä̧ chü̧ja̧'a̧ttü̧, jua̧u̧nä̧tä̧ yaboku 'chä̧nü̧ kkä̧nü̧.

1 Corintios 7:25 Referans Kwoze

1 Corintios 7:6

Ttömä ja̧'hua̧nö̧ hue'ömä hue'ocösä. Ja̧'hua̧nö̧ jȩcu̧'ä̧tu̧cu̧ttu̧mä̧, adihua'a pä'ö ji'äusä.

1 Corintios 4:2

Ja̧'hua̧ta̧nö̧ ya̧tȩ huȩ'ä̧hua̧mä̧ o'ca toi'önä adiu repe'ö ttucuocuarö pä'ö ö̧jö̧'a̧nö̧ ja̧'a̧.

1 Corintios 7:40

Juhuorö'inä kirecuo hua'ö icuomenä, ka̧ra̧rö̧ kö̧jö̧ juiyöttömä, rö̧ȩnä̧ kesehuäcuaju. Ttö ja̧'hua̧nö̧ amöcuädösä. Ja̧'hua̧ta̧nö̧ ttö'inä Espíritu Santorö ku̧nä̧rö̧sä̧.

1 Corintios 7:12

Ja̧'hua̧ta̧nö̧ korotörö ttötä chamöcuädö ji'äusä, Tu̧ru̧hua̧ i̧huȩnȩmä̧cö̧. Yajute isaju, Diosrö esetocojumä, ya̧tȩ Diosrö esetöcu eseunu kö̧jo̧mȩnä̧ kirecuo päi'önä, huäinä ö̧jä̧cua̧. Ja̧u̧mä̧ ubomä jahuäjuru, irecuarö, jaroi'ö juiyäcua'a̧nö̧ pä'ösä.

2 Corintios 11:17

Tu̧ru̧hua̧ hueähuä ji'ähuocösä ja̧'hua̧nö̧mä̧. Ja̧'hua̧nö̧ ttö chamönä chucuocuäcuähua pä'ö pädomenä, ya̧tȩ suripächö ucuocua'a jä̧'i̧nö̧'a̧nö̧, ttötä chamöcuädö ucuocuäjisä.

2 Corintios 2:17

Ujutumä Dios i̧huȩnȩ ji'äu kä̧nö̧, koro pä'ö ȩmo̧co̧tö̧jä̧ korotö recuätö jȩttö̧'a̧nö̧. Ujutu jueönä ta̧'cua̧ pö̧nö̧ ji'ähuätöjä Dios hue'ähuotö jittäu ta'anö. Ja̧'hua̧ta̧nö̧ Dios ä'ca jo̧mȩttö̧ ji'ähuätöjä Cristo umöhuäyotö jittäu ta'anö.

1 Corintios 15:10

Juhuorö'inä Dios ttörö ppäda'attö, o'ca juiyönä jȩchö̧mä̧ jȩpö̧sä̧. Ja̧'hua̧ta̧nö̧ Diosrö pä̧huä̧ rö̧jo̧mȩnä̧ jȩpö̧sä̧. Ja̧'hua̧nö̧ ja̧'a̧nä̧ korotö Jesús hue'ähuotöttö'inä abonänö rö̧ȩnä̧ aditinösä. Juhuorö'inä ttötä chamönä jȩcho̧ca̧'a̧nä̧, Dios ppädomenätä jȩpi̧nö̧sä̧.

1 Corintios 7:34

Ja̧'hua̧ta̧nö̧ ja̧'a̧nä̧ nä̧tö̧'i̧nä̧, yajute kirecuo to'aju, Tu̧ru̧hua̧rö̧ adiu amöcuädö jȩpä̧ju̧, Dios ä'ca jo̧mȩttö̧ adiu kö̧jä̧cua̧'a̧nö̧ ka̧'cua̧ru̧hua̧nä̧'i̧nä̧, jättäpäyajunä'inä. Ja̧'hua̧ta̧nö̧ kirecuoru ku̧nä̧rä̧ju̧, pi̧jä̧ jähuä amöcuädö jȩpä̧ju̧, kirecuo esehua pä'ö jahuäjuru.

1 Corintios 7:28

Ja̧'hua̧ta̧nö̧ ja̧'a̧nä̧ cuirecuarö cuȩmö̧ttö̧mä̧, suronämä jȩpo̧cö̧jä̧. Isaju'inä kirecuorö kȩmö̧ttö̧mä̧, jahuäju'inä suronämä jȩpo̧co̧ju̧. Ja̧'hua̧nö̧ ja̧'a̧nä̧ ttirecuarö ȩmä̧tö̧rö̧, jitämä pi̧jä̧nä̧ kä̧nö̧ pi̧jä̧ttö̧ rö̧ȩnä̧ surojö 'cuäopäcua'a. Ja̧'hua̧nö̧ surojö 'cuättopö juiya pä'ö ji'äusä pi̧yȩmä̧.

1 Corintios 7:10

Ja̧'hua̧ta̧nö̧ ttirecuorö ku̧nä̧rä̧tö̧rö̧ hue'ösä, isaju kirecuorö yoröiso jaroji'ö juiya pä'ö. Ttömä ja̧'hua̧nö̧ hue'ocösä. Tu̧ru̧hua̧ ji̧nä̧ isocu hue'ö ja̧'hua̧nö̧mä̧.