1 Corintios 7:15 - TÄ̧DO Ä̧CUÄ̧ I̧HUȨNȨ

¹⁵ Ja̧'hua̧nö̧ ja̧'a̧nä̧ ya̧tȩ Diosrö esetocömä, irecuarö jaroi'a päöttömä, huäinä jaropi'ö. Ja̧'hua̧ta̧nö̧ yajute Diosrö esetocojumä, kirecuorö jaroji'a päjöttömä, huäinä jaropi'äju. Ja̧u̧nu̧ Diosrö esetäjimä adiunä ö̧jä̧cua̧. Isaju'inä Diosrö esetäjäjumä adiunä kö̧jä̧cua̧ju̧. Iso päi'önä Dios huoinä̧u̧jä̧ ujutu adiu eseunu tö̧ja̧cua̧ pä'ö.

Nuevo Testamento Uwotjüja

¹⁵ Ja̧'wa̧nü̧ ja̧'a̧nä̧, ubo ja̧ pä'ü'i̧nä̧, isaju ja̧ pä'ü'i̧nä̧, Dio-rü esetokü ja̧'a̧ jaroi'a, päjüttümä̧, jaropi'i. Ta̧wa̧ru̧wa̧ ti̧jä̧wa̧ jü̧ttü̧'i̧nä̧, tijäwaju jü̧ttü̧'i̧nä̧ jua̧u̧ttü̧ rä'opächätü. Isopäi'ünä̧ Dio-mä̧ wȩnȩ juiyünä̧ tü̧ja̧ pä'ü woinä̧u̧jä̧, jua̧u̧ surojü kkȩdä̧ra̧tü̧ pä'ümä̧ wooko̧u̧ pinä̧tü̧jä̧.

1 Corintios 7:15 Referans Kwoze

Romanos 14:19

Ja̧'hua̧nö̧ ja̧'a̧ttö̧ eseunu tusu'a̧nö̧ ja̧'a̧ adiu kä̧cuä̧huä̧, tesetö rö̧ä̧cha̧ pä'ö juhua'a yabocutä korotö korotönörö.

2 Corintios 13:11

Jitämä chö̧jä̧hua̧tö̧, Diosrö pä̧huä̧ rö̧jo̧mȩnä̧, adiu cu̧ja̧cuä̧tu̧cua̧ja̧. Esehuätucui. Ji̧nä̧ ji̧yȩtȩ amöcuädö ka̧cuä̧tu̧cui̧. Ja̧'hua̧nö̧ jȩpö̧ Dios, eseäcuähuä'inä, repeähuä'inä iyömä, ucutucu ö̧jä̧cua̧.

1 Corintios 14:33

Iso päi'önä Diosmä ja̧'a̧tä̧ jȩä̧cuä̧huä̧mä̧ kö'cocö. Diosmä o'ca juiyönä eseunu jȩä̧cuä̧huä̧tä̧ kö̧'ca̧. O'ca toi'önä kara'attö'inä iglesia ruhuä ja̧'hua̧nö̧ adiunä jȩpä̧tö̧.

Romanos 12:18

O'ca juiyönä jȩcu̧'ä̧tu̧cu̧mä̧ jȩpä̧tu̧cui̧, korotöcu eseunu cu̧ja̧cuä̧tu̧cuä̧cua̧'a̧nö̧.

San Mateo 12:50

O'ca toi'önä Chä'o mo̧ro̧jä̧ra̧'a̧ kö̧rö̧ pä̧huä̧ rö̧jo̧mȩnä̧ jȩpä̧tö̧tä̧, jahuätötä ttö cha̧ju̧'i̧nä̧, chö̧jä̧hua̧tö̧'i̧nä̧ pä'i'ätö, —pä'inödo Jesús.

Hebreos 12:14

O'ca toi'önärö adiunä kä̧nö̧, eseunu cu̧ja̧cuä̧tu̧cua̧ja̧. Adiunä ttö̧ja̧cu̧ juiyöttömä, yoröiso topocotö ttäcuotödo Tu̧ru̧hua̧rö̧.

Gálatas 5:22

Ja̧'hua̧nö̧ ja̧'a̧nä̧ Espíritu Santo ujuturu iyömä repeäcuähuä, eseäcuähuä, tami iso'quinä eseäcuähuä, ta̧'cua̧ pö̧nö̧ jö̧, korotörö adiu ppädäcuähuä, ucuotäcuähuä, o'ca juiyönä yaparehuäcuähuä juiyönä jȩä̧cuä̧huä̧.

Santiago 2:15

Ucututtu ya̧tȩ cu̧jä̧hua̧, yajute cujähuaju'inä ö̧'ca̧tä̧huä̧ta̧ jui̧'a̧, u̧cuȩ jui̧'a̧ ö̧jö̧ttö̧mä̧, ucututtu ya̧tȩ päöttömä: “Adiu kä̧hui̧. Cu̧'ca̧tä̧huä̧ta̧ adiu 'ca̧tä̧hui̧. Cu̧cuȩ'i̧nä̧ adiu cuiti.” Ja̧u̧ru̧ u̧cuȩ iyoca'a, ö̧'ca̧tä̧huä̧ta̧ iyoca'a, ja̧'hua̧nö̧ päömä ¿adihua'a tä̧ji̧?

San Lucas 9:39

Espíritu su̧ro̧pa̧ ö̧jä̧mä̧dä̧rä̧'i̧jä̧cu̧, huoönä jä̧'i̧jä̧cu̧. Na̧huä̧chi̧po̧mȩnä̧, änä tteyuhuoppa räopönä suronä jȩä̧'i̧jä̧cu̧. Juiyo 'cuächi'omenätä cädä'ijäcu.