1 Corintios 7:11 - TÄ̧DO Ä̧CUÄ̧ I̧HUȨNȨ

¹¹ Juhuorö'inä yajute isaju kirecuorö jaroji'öttömä, ka̧ra̧rö̧ yoröiso kȩmö̧ juiyäcua'a̧nö̧. Kirecuorötä pä'äji ta'anö kö̧jä̧cua̧'a̧nö̧. Ja̧'hua̧ta̧nö̧ ya̧tȩ ubo'inä irecuarö yoröiso jaroi'ö juiyäcua'a̧nö̧.

Nuevo Testamento Uwotjüja

¹¹ Ja̧'wa̧nü̧ ja̧'a̧nä̧, kkirekuorü jaropi'äjumä̧, kka̧ra̧rü̧mä̧ kuȩmo̧ka̧'a̧tä̧ kkä̧wi̧ ja̧'wa̧nü̧ jo̧ka̧'a̧ jü̧ttü̧mä̧ pä'äjita'anü̧ kuirekuoku eseku iku kkä̧wi̧; ja̧'wa̧ta̧nü̧ ubo'i̧nä̧ kuirekuarümä̧ jaro'kui'ä.

1 Corintios 7:11 Referans Kwoze

1 Corintios 7:10

Ja̧'hua̧ta̧nö̧ ttirecuorö ku̧nä̧rä̧tö̧rö̧ hue'ösä, isaju kirecuorö yoröiso jaroji'ö juiya pä'ö. Ttömä ja̧'hua̧nö̧ hue'ocösä. Tu̧ru̧hua̧ ji̧nä̧ isocu hue'ö ja̧'hua̧nö̧mä̧.

San Marcos 10:2

Ja̧'hua̧ ja̧'a̧ korotö fariseos huotö Jesúsru tö'cönänö ichi'ö, suronä ttucuocuarö pä'ö jä'epinätödo: —Ya̧tȩ irecuarö jaroi'äcuähuänämä, ¿adihua'a tä̧ji̧?

San Mateo 5:32

Jitämä ttö pä'ösä ucuturu, ya̧tȩ, irecua ka̧ra̧ uborö suronä jȩjo̧ca̧'a̧nä̧, ja̧'a̧tä̧ jaroi'öttömä, irecuamä suronä jȩja̧ pä'ö jȩpö̧. Ja̧'hua̧ta̧nö̧ ka̧ra̧, yajutä jaroi'inäcuarö irecua päi'önä ȩmö̧ttö̧mä̧, suronä jȩpö̧.

San Marcos 10:12

Ja̧'hua̧ta̧nö̧ yajute kirecuorö järoji'öttömä ka̧ra̧rö̧ ȩmö̧, jahuäju'inä suronä jȩpä̧ju̧, —pä'inödo Jesús.

San Lucas 16:18

“Ya̧tȩ irecuarö ja̧'a̧tä̧ jaroi'öttömä, karajuru ȩmö̧, suronä jȩpö̧. Ja̧'hua̧ta̧nö̧ ka̧ra̧mä̧ yajutä kirecuo jaroi'inäcuarö irecua päi'önä ȩmö̧ttö̧mä̧, suronä jȩpö̧, —pä'inödo Jesús.

1 Corintios 7:12

Ja̧'hua̧ta̧nö̧ korotörö ttötä chamöcuädö ji'äusä, Tu̧ru̧hua̧ i̧huȩnȩmä̧cö̧. Yajute isaju, Diosrö esetocojumä, ya̧tȩ Diosrö esetöcu eseunu kö̧jo̧mȩnä̧ kirecuo päi'önä, huäinä ö̧jä̧cua̧. Ja̧u̧mä̧ ubomä jahuäjuru, irecuarö, jaroi'ö juiyäcua'a̧nö̧ pä'ösä.