1 Corintios 6:20 - TÄ̧DO Ä̧CUÄ̧ I̧HUȨNȨ

²⁰ Dios rö̧ȩnä̧ mitö ȩmi̧nä̧u̧jä̧. Ja̧'hua̧nö̧ ja̧'a̧ttö̧ cuamönätucu jättäpäyotönä'inä, cua̧'cua̧ru̧hua̧tu̧cu̧nä̧'i̧nä̧ ji̧nä̧ ji̧yȩtȩnä̧ adiu esehuätucui Diosrö.

Nuevo Testamento Uwotjüja

²⁰ Isopäi'ünä̧ Dio-mä̧ mitäu ȩmi̧nä̧u̧jä̧; ja̧'wa̧nü̧ ja̧'a̧ttü̧ kuidepätuku jättäpäyotü'i̧nä̧, kua̧'kua̧rü̧ i̧sa̧nä̧'i̧nä̧, Dio-rü eseäkuäwätukui, jua̧u̧mä̧ Dio jäwätä ja̧'a̧ttü̧.

1 Corintios 6:20 Referans Kwoze

1 Corintios 7:23

Diosmä rö̧ȩnä̧ mitö ȩmi̧nä̧u̧jä̧ ucuturu. Ja̧'hua̧nö̧ ja̧'a̧ttö̧ pi̧jä̧ ttö̧ja̧rö̧ pä̧huä̧ rö̧jö̧ huettö jȩpö̧, ttumöhuäyotö päi'önä cu̧ja̧cuä̧tu̧cuä̧'.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.

Romanos 12:1

Ja̧'hua̧nö̧ ja̧'a̧ttö̧ ttö chö̧jä̧hua̧tö̧, Dios ujuturu re rö̧jö̧nä̧ toa'attö, pä'ösä ucuturu: Sacrificios päi'önä ttiya'a jä̧'i̧nö̧'a̧nö̧ iyäcuähuätucui Diosrö ji̧nä̧ cua̧'cua̧rä̧i̧. Churutä pä̧huä̧ rö̧jö̧tä̧ jȩpä̧tu̧cui̧, chutä esehuäcua'a̧nö̧ ucuturu. Adiu amöcuädätömä, ja̧'hua̧nö̧ jȩttö̧'a̧nö̧ ja̧'a̧.

1 Pedro 1:18

Ucutumä cuä̧do̧tö̧ mi̧nä̧ suronä jȩpö̧ kä̧nö̧, ttö̧ja̧cui̧nö̧'a̧nö̧ cu̧ja̧cuä̧tu̧cuo̧mȩnä̧, suronä jȩcu̧'i̧nä̧tu̧cu̧ jȩpö̧ icuinä̧u̧jä̧ Dios. Ucutu huo̧juä̧tö̧jä̧, ja̧'hua̧nö̧ suronä jȩcu̧'i̧nä̧tu̧cu̧ jȩpö̧ icuomenä, pi̧jä̧ beipächö jähuättömä, oro'inä, pärätä'inä mitömä ȩmo̧co̧u̧ pi̧nä̧tö̧jä̧.

Filipenses 1:20

Ttömä yoröiso dä'ä juiyönä chö̧ja̧ pä'ösä. Jitämä suronä 'cuädopa'anä, 'cuäopönä yecuäcuähuä juiyönä jidähua pä'ösä Cristo i̧huȩnȩ, jidähuinö ta'anö. Ja̧'hua̧ta̧nö̧ chö̧jö̧ttö̧'i̧nä̧, 'corupädi'öttö'inä, korotömä ttörö topö, Cristorö ttesehuäcuähua pä'ösä.

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

Hebreos 9:12

Chutä Cristo Ji̧nä̧ Isocu Adihuo̧ca̧cu̧ täcö do'ächinödo. Juhua'attö oveja i̧tti̧'i̧nä̧, päcäyä i̧tti̧'i̧nä̧ ttucuoja iyocödo. Ja̧'hua̧ta̧nö̧ chutä amönä ucuojatä iya pä'ö do'ächinödo. Chutä ya'utenätä do'ächinödo, o'ca toi'önä suronä jȩttö̧ jȩpö̧ icu. Ja̧'hua̧nö̧ jȩpö̧, kä̧cuä̧huä̧ i'co ȩmö̧ iyinä̧u̧jä̧.

Gálatas 3:13

Cristomä hueähuä huȩnȩ tä̧bo̧cuä̧ ja̧ji̧ jȩpö̧ icuinä̧u̧jä̧. Chutä Cristo ujuturu rettö pä'ö hueähuä huȩnȩ tä̧bo̧cuä̧ ja̧ji̧ päi'önä 'corupä'i'inö. Huȩyu̧cuä̧ Huȩnȩ päa'a: “O'ca toi'önä daunä pȩ'o̧pö̧ ttu̧ju̧nä̧u̧ 'corujuo'ächätömä suropätö.”

1 Corintios 10:31

O'ca juiyönä cucuätucu'inä, cuahuätucu'inä, jȩcu̧'ä̧tu̧cu̧'i̧nä̧, Diosrö eseunu jȩpä̧tu̧cui̧.

Apocalipsis 5:9

Ja̧'hua̧ta̧nö̧ pi̧yȩ jareö ra̧huä̧huä̧ ra̧'i̧nä̧tö̧: Iso päi'önä ucutä adihuä i̧sa̧jä̧. Ucutä ja̧u̧ cuyäru'tä ȩmö̧, sellos jȩpö̧ cuicu'a̧nö̧ hua̧. Ucurutä sacrificio päi'önä cuä'ö tticuinäcujä. Ucutä cucuojanä Dios i̧tti̧mö̧ päti'a pä'ö ȩmi̧nö̧jä̧ o'ca toi'önä pa̧ja̧cu̧nä̧ ttö̧ja̧ttö̧'i̧nä̧, tti̧huȩnȩ pö̧nä̧ ucuocuätöttö'inä, o'ca juiyönä ötahuiyä ttö̧ja̧ttö̧'i̧nä̧, korotö tti̧rȩjä̧ttö̧'i̧nä̧.

San Mateo 5:16

Ja̧'hua̧ta̧nö̧ ucutu'inä, lámpara adiu tȩa̧u̧'a̧nö̧, adiu ka̧cuä̧tu̧cui̧ o'ca toi'önä ttä'ca jo̧mȩttö̧, ucutu adiu jȩcu̧'ä̧tu̧cua̧'a̧ topö, Cuä'o Diosrö, mo̧ro̧jä̧ra̧'a̧ kö̧rö̧ ttesetäcua'a̧nö̧, —huo̧juȩti̧nö̧do Jesús.

2 Pedro 2:1

Ja̧'hua̧nö̧ ja̧'a̧nä̧'i̧nä̧ yapareu huȩnȩ ji'ähuinätömä ka̧cui̧nä̧tö̧do Israel ttö̧ja̧ ttö̧'quȩtȩnä̧. Ja̧'hua̧ta̧nö̧ ucutu cu̧'quȩtȩtu̧cu̧nä̧ yapareu huȩnȩ ji'ähuätömä ttö̧ja̧cuä̧cuo̧tö̧. Jahuätö yä̧huä̧i̧nä̧ yapareu huȩnȩ ttu̧huo̧juȩtä̧cuo̧tö̧. Churutä, suronä jȩttö̧ jȩpö̧ icuinörö, ä̧ppö̧tä̧rö̧ ji'ähuätö. Ja̧'hua̧nö̧ ttu̧huo̧juȩto̧mȩnä̧, o'ca päi'önä ttamönä bettipächäcuotö.

Romanos 6:19

Ja̧'hua̧nö̧ chucuocuomenä, pi̧jä̧ ttö̧ja̧ ttamöcuädö'a̧nö̧ ucuocusä, adiu cuä̧ju̧cuä̧tu̧cuo̧ca̧'a̧ttö̧. Ä'coji cuamönä iyäcuähuinätöjä suronä jȩä̧cuä̧huä̧nä̧, pi̧jä̧ttö̧ surojö jȩcu̧'ä̧tu̧cua̧ pä'ö. Ja̧'hua̧nö̧ ja̧'a̧nä̧ ucutu cuamönä iyäcuähuätucui cua̧'cua̧ adiu jȩpö̧ cu̧ja̧cuä̧tu̧cua̧ pä'ö, Diosrö pä̧huä̧ rö̧jö̧nä̧tä̧ cu̧ja̧cuä̧tu̧cuä̧cua̧'a̧nö̧.