Biblia Todo Logo
Bib sou entènèt

- Piblisite -




1 Corintios 6:2 - TÄ̧DO Ä̧CUÄ̧ I̧HUȨNȨ

2 ¿Ucutumä jerupätöjä tä̧ji̧? Diosrö esetätö pi̧jä̧ ttö̧ja̧rö̧: “Ucu adiu jȩpö̧jä̧”, “Ucu suronä jȩpö̧jä̧” pättäcuotö. Ja̧'hua̧nö̧ ja̧'a̧ttö̧ ucutumä pi̧jä̧ ttö̧ja̧rö̧ päcuhuätucuäcua'a jö̧ttö̧mä̧, ja̧u̧ juäi ji̧'qui̧cha̧nö̧ ra̧huä̧rä̧cuä̧huä̧ huȩnȩ'i̧nä̧ ¿pä'ocotöjä tä̧ji̧ ucutumä?

Gade chapit la Kopi

Nuevo Testamento Uwotjüja

2 ¿Ukutumä̧ kuieruwätukua'a tä̧jí̧, Dio-rü esetätütä jä̧kua̧'a̧, pi̧jä̧nä̧ttü̧ adiwomȩnä̧ wettäkuotü pä'ümä̧? ¿Tta̧'a̧nü̧ pä'ü ji̧'ki̧cha̧jü̧tä̧'i̧nä̧ adiwomȩnä̧ wekuätuku juiyünä̧ wotüjä̧ttü̧?

Gade chapit la Kopi




1 Corintios 6:2
18 Referans Kwoze  

Jesús ädätinödo: —Iso päi'önä pä'ösä ucuturu, yodoji pä̧nä̧ o'ca juiyönä jareönä ttaditö mo̧ro̧, Ubo I̧tti̧ adihuä i̧dȩä̧cä̧nä̧ o'ca toi'önä Ttu̧ru̧hua̧ päi'önä ö̧ja̧ pä'ö ö̧'ä̧mä̧dä̧cua̧. Ja̧u̧nu̧ mo̧ro̧ ucutu ttöcu cue'ächinätömä cu̧'ä̧mä̧dä̧cuo̧tö̧jä̧ ttö̧jä̧pö̧ttö̧nö̧ tocäre adihuä cui̧dȩä̧cä̧tu̧cu̧nä̧ Israel ttö̧ja̧rö̧ huecuhuätucua pä'ö.


Ja̧u̧nu̧ o'ca'a, tti̧dȩä̧qui̧yä̧ topinösä. Ja̧u̧ juäi tti̧dȩä̧qui̧yä̧nä̧ pȩji̧nä̧tö̧, ttö̧ja̧rö̧ ro̧ttȩpa̧ pä'ö huettinä̧u̧. Ja̧'hua̧ta̧nö̧ korotö Jesús i̧huȩnȩ jittähua'attö, ttu 'cui'opö tticuinä̧u̧, Dios hueö'inä esetinätörö topinösä. Jahuätömä ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧ esehuocotö, ja̧u̧ pä̧i̧cua̧ i̧sa̧ öäre sello ttö'änä'inä, ttu̧mö̧nä̧'i̧nä̧ ta'ähuocotö tta̧'cua̧ru̧hua̧rö̧ topinösä. Jahuätö pä'äji ta'anö ttö̧ja̧cua̧'a̧. Cristocu ya'ute mil a̧'ȩ jo̧mȩnä̧ huetta'a topinösä.


O'ca toi'önä pi̧jä̧ttö̧'i̧nä̧ abonänö juruhuätömä, ttöcu chi̧dȩä̧cä̧nä̧ chö̧'o̧mȩnä̧, chippeyänä ttö̧'ä̧mä̧da̧ pä'ö, ttö pi̧jä̧ttö̧'i̧nä̧ abonänö chujuruhuomenä, Chä'o i̧dȩä̧cä̧nä̧ ö̧'o̧mȩnä̧ ippeyänä chö̧'ä̧mä̧da̧ pä'ö hueinö'a̧nö̧ huȩdä̧cua̧sä̧ jahuätörö.


Ja̧'hua̧ta̧nö̧ ujutumä totomenätä esetocotöjä. Ujutumä totoca'anä'inä esetätöjä. Iso päi'önä tö'ärenä totä'ijö recuomä ko̧cö̧. Juhuorö'inä koromä tö'ärenä totocö jä̧'i̧jö̧mä̧, iso päi'önä 'cuäopönä kä̧cua̧'a̧.


Ja̧'hua̧ ja̧'a̧ ucutumä cuahuaruhuärö cu̧ra̧huä̧rä̧tu̧cuo̧mȩnä̧, ¿dä̧bö̧ huecuhuätucuättö: “Ucu adiu jȩpö̧jä̧”, “Ucu suronä jȩpö̧jä̧” pätta pä'ö korotörö, iglesia ruhuärö yoröiso ppä'ädocotörö?


Cuami iso'quitucunä cuami 'qui'ächi'ö esetö, Tä'o Dios ä'ca jo̧mȩttö̧ Tu̧ru̧hua̧ Jesús chutä ahuaruhuäcu ichomenä, Tu̧ru̧hua̧ ppäda'attö, adiunä jȩpö̧ surojö juiyönä cu̧ja̧cuä̧tu̧cua̧ pä'ätöjä.


Ücutu adiu huo̧juä̧tö̧jä̧ cuiyäcuähuätucuomenä ya̧tȩ hueö jȩä̧cuä̧huä̧ isotö cu'ätucua pä'ö, yoröiso chutä hueö jȩä̧cuä̧huä̧ isotö huotöjä. Cuiyäcuähuätucuomenä suronä jȩcu̧'ä̧tu̧cua̧ pä'ö, surojö hueö jȩä̧cuä̧huä̧ isotö huotöjä. Surojömä hua'are i'cächö. Ja̧'hua̧ta̧nö̧ ja̧'a̧nä̧ Diosrö cuiyäcuähuätucuomenä, Dios hueö jȩä̧cuä̧huä̧ isotö huotöjä, cua̧'cua̧ adiu jȩpö̧ cu̧ja̧cuä̧tu̧cua̧ pä'ö.


¿Tȩnȩjä̧ttö̧ pi̧jä̧ttö̧ huo̧juä̧huä̧ i̧sa̧mä̧? ¿Tȩnȩjä̧ttö̧ pi̧jä̧ttö̧ huo̧juȩcuä̧ i̧sa̧mä̧? ¿Tȩnȩjä̧ttö̧ pi̧jä̧ttö̧ ucuocuäcuähuä i̧sa̧mä̧? Pi̧jä̧ttö̧ huo̧juä̧huä̧ ttu̧'ȩpä̧ro̧co̧tö̧ ttucuocu'a̧nö̧ a̧'cua̧rö̧nä̧ jȩpi̧nö̧do Dios.


Diosmä huo̧jua̧ chutä jȩö̧. Dios hue'inödo pi̧jä̧ ttö̧ja̧ jitötä ttamönä huo̧juä̧huä̧nä̧ ttu̧huo̧jui̧'i̧yi̧ya̧rö̧ pä'ö. Chutä i̧huȩnȩ, korotö ttu̧'ȩpä̧ro̧co̧tö̧ ttucuocu'a̧nö̧ a̧'cua̧rö̧nä̧ pättö huȩnȩ ttesetomenä, suronä jȩttö̧ jȩpö̧ icua pä'inödo.


Swiv nou:

Piblisite


Piblisite