1 Corintios 6:15 - TÄ̧DO Ä̧CUÄ̧ I̧HUȨNȨ

¹⁵ ¿Ucutu jerupätöjä tä̧ji̧? Ucutu jättäpäyotö Cristo jä̧ttä̧pä̧ya̧ pä'i'ätöjä. Ja̧'hua̧nö̧ ja̧'a̧ttö̧ Cristorö cheseta'attö, ja̧'a̧tä̧ra̧'a̧ huajuru jȩchä̧'cho̧mȩnä̧ ¿adihua'a tä̧ji̧? Isocö̧. Ja̧u̧mä̧ yoröiso surojödo.

Nuevo Testamento Uwotjüja

¹⁵ ¿Ukutumä̧ juiyo jerupätüjä̧ tä̧jí̧, ya̧ku̧nä̧ jättäpäyotümä̧, Crito jä̧ttä̧pä̧ya̧rü̧, jua̧u̧ru̧tä̧ todepätüjä̧ pä'ümä̧? ¿Ja̧'wa̧nü̧ ja̧'a̧ttü̧, jua̧u̧ Crito jä̧ttä̧pä̧ya̧rü̧ chutodewa'amä̧, mä̧nä̧ isaju kkidepä jü̧nä̧ juodepa'a tä̧jí̧? Ja̧'wa̧nü̧mä̧ jȩchü̧ juiyü'anü̧ ja̧'a̧.

1 Corintios 6:15 Referans Kwoze

Efesios 5:30

Iso päi'önä Diosrö esetätömä Cristo jä̧ttä̧pä̧ya̧ huotö. Ujutu'inä idepä'inä ka̧'a̧nä̧, ihue'quiyu'inä ka̧cua̧'a̧nä̧, ja̧u̧ jä̧ttä̧pä̧ya̧ huotöjä ucutumä.

Romanos 12:5

Ja̧'hua̧ta̧nö̧ ujutu recuätö ta'anä, ji̧nä̧ ji̧yȩtȩ huotöjä Cristonä. Ja̧'hua̧nö̧mä̧ i̧mi̧cu̧nä̧ amöcuädocotöjä.

Colosenses 2:19

Jahuätömä Cristorö esetocotö. Ja̧u̧ Cristo ujutu, chutä jä̧ttä̧pä̧ya̧ huotö, Tu̧ru̧hua̧ päi'önä kö̧. Ja̧u̧ tujuru iyö. Ja̧'hua̧ta̧nö̧ ji̧nä̧ yo̧mȩtȩ tö̧ja̧ pä'ö tta̧'ä̧rö̧, recuätö juotächa pä'ö. Ja̧'hua̧nö̧ jȩpö̧ Diosrö pä̧huä̧ rö̧jo̧mȩnä̧.

1 Corintios 12:27

Ja̧'hua̧ ja̧'a̧ ucutumä o'ca toi'önä ji̧nä̧ yo̧mȩtȩ Cristo jä̧ttä̧pä̧ya̧ huotöjä. Ja̧'hua̧ta̧nö̧ ka̧ra̧'i̧nä̧, ka̧ra̧'i̧nä̧ aditö, Cristo jä̧ttä̧pä̧ya̧ hua̧ ja̧'a̧nä̧.

Efesios 4:12

Ja̧'hua̧nö̧ iyinödo, i̧tti̧mö̧ aditö ppättäda pä'ö korotörö, Dios i̧huȩnȩ rö̧ä̧cha̧ pä'ö.

1 Corintios 11:3

Ja̧'hua̧nö̧ ja̧'a̧nä̧ ucutu cu̧huo̧juä̧tu̧cuä̧cua̧'a̧nö̧ pä'ösä, Cristo o'ca toi'önä pi̧jä̧ ttö̧ja̧ u̧mä̧tö̧ Ttu̧ru̧hua̧ päi'önä kö̧. Ja̧'hua̧ta̧nö̧ Dios chutä Cristo U̧ru̧hua̧ ö̧jö̧'a̧nö̧, ubo'inä irecua ku̧ru̧hua̧ päi'önä kö̧.

1 Corintios 6:19

¿Ucutu jerupätöjä tä̧ji̧? Dios iyinödo ucuturu cuamönätucu jättäpäyotö Espíritu Santo ö̧ja̧ pä'ö. Ja̧'hua̧nö̧ ja̧'a̧ttö̧ Espíritu Santo kö̧ ucutucu. Ja̧'hua̧nö̧ ja̧'a̧ttö̧ ucutumä cuamönätucu jättäpäyotönä ruhuotö huocotöjä.

Efesios 5:23

Ubomä irecua ku̧ru̧hua̧ päi'önä kö̧, Cristo Diosrö esetätörö Ttu̧ru̧hua̧ päi'önä ö̧jö̧ ta'anö. Ja̧u̧tä̧ Cristo, chutä jä̧ttä̧pä̧ya̧ huotö, Diosrö esetätö, suronä jȩttö̧ jȩpö̧ icu.

San Lucas 20:16

Ichi'ö cuä'ö i̧cuä̧cua̧ jahuätö adicuä ttö̧ja̧rö̧. Pättamä korotörötä huȩä̧cua̧. Jesús ja̧'hua̧nö̧ jiähua'a ä̧ju̧cui̧nä̧tö̧mä̧ pä'inätödo: —Dios ja̧'hua̧nö̧ amöcuädö juiyöto pä'ätöjä, —pä'inätödo.

Gálatas 6:14

Ttömä ucuturu chu̧huo̧juȩti̧nö̧mä̧ adiu huo̧juȩti̧nö̧sä̧ päda pä'ocösä. Ji̧yȩä̧cuȩtä̧ Chu̧ru̧hua̧ Jesucristo dau isodänä 'corupäi'inötä, ja̧u̧tä̧, adiu chucuocua pä'ösä. Ja̧u̧ Cristorö chesetomenä, pi̧jä̧ jähuä 'corupäi'ina'a jä̧cu̧sä̧ ttömä. Ja̧'hua̧ta̧nö̧ pi̧jä̧ jähuä pä̧huä̧ juida'anä 'corupädi'ina'a ja̧'a̧.

Gálatas 3:21

¿Moisés hueähuä huȩnȩmä̧ Dios iya päinö huȩnȩttö̧'i̧nä̧ i̧mi̧cu̧nä̧ päa'a tä̧ji̧? Juhua'acumäcö̧. Ja̧u̧ hueähuä huȩnȩ kä̧cuä̧huä̧ i'co ttu̧ju̧nä̧ra̧ pä'ö iyinö jö̧ttö̧mä̧, ja̧u̧nu̧mä̧ Diosmä jȩpa̧ji̧ ja̧u̧cu̧ ji̧nä̧ ji̧yȩtȩ huotö tta pä'ö hueähuä huȩnȩ esetö jȩpä̧tö̧rö̧.

Gálatas 2:17

Ja̧'hua̧nö̧ ja̧'a̧ Diosmä Cristonä ȩma̧tö̧ pätöttömä, “Ujutu'inä suronä jȩpä̧tö̧jä̧” pätäu'a̧nö̧ ja̧'a̧. Ja̧'hua̧nö̧ jȩpö̧ ¿Cristorö esetömä suronä jȩta̧ pä̧u̧jä̧ tä̧ji̧? Yoröiso juhua'acumäcö̧.

1 Corintios 6:13

Iso päi'önä pä'ätö: “Adihua'a o'ca juiyönä cuäcuähuämä cuä̧nö̧ tö'cäbiyunä suhuädi'önä. Ja̧'hua̧ta̧nö̧ tö'cäbiyu adihua'a cuäcuähuä tucuomenä ȩca̧ pä'ö. Juhuorö'inä Diosrö pä̧huä̧ rö̧jo̧mȩnä̧, tö'cäbiyu'inä, cuäcuähuä'inä be'epö i̧cuä̧cua̧. Ja̧'hua̧ta̧nö̧ ja̧'a̧nä̧ ujutu jättäpäyotö nä̧tö̧rö̧ usu jȩtä̧'cho̧mȩnä̧mä̧ surojö. Ujutu jättäpäyotö aditinödo Tu̧ru̧hua̧, chutä öäre päi'önä. Ja̧'hua̧ta̧nö̧ Tu̧ru̧hua̧ kö̧ ujutu jättäpäyotönä suhuädi'önä.

Romanos 7:13

Ja̧'hua̧nö̧ ja̧'a̧nä̧ ¿ja̧u̧ adihuä juäimä chesetomenä, hua'are ttörö ichina'a tä̧ji̧? Ja̧'hua̧nö̧mä̧cö̧. Ttörö adiunämä surojötä 'corupä'i'ätö jä̧'i̧nö̧'a̧nö̧ chö̧jö̧nä̧ hueina'a ttörö, o'ca toi'önä surojö ttu̧huo̧jua̧ pä'ö. Ja̧'hua̧ta̧nö̧ hueähuä huȩnȩ surojö jȩtö̧ juiya pä'ö päa'anä, surojötä ji̧nä̧ isocu rö̧ä̧cha̧'a̧.

Romanos 7:7

Ja̧'hua̧ ja̧'a̧ttö̧ ¿tta̧'a̧nö̧ pätäcua'ajä̧ttö̧ hueähuä huȩnȩmä̧? ¿Hueähuä huȩnȩ surojö tä̧ji̧? Tta̧'a̧huä̧jä̧. Hueähuä huȩnȩmä̧ surojöcö̧. Ttö'inä surojö jerupajisä, hueähuä huȩnȩ hueö juiyinöttömä. Ja̧'hua̧ta̧nö̧ hueähuä huȩnȩ päa'a: “Korotö ttöäre pä̧huä̧ rö̧jö̧ tocu'ä'.” Hueähuä huȩnȩ ja̧'hua̧nö̧ päa'attö, korotö ttöäre pä̧huä̧ rö̧jö̧ toäcuähuämä surojö pä'ö huo̧jua̧sä̧.

Romanos 6:15

Ja̧'hua̧ ja̧'a̧ ¿tta̧'a̧nö̧ jȩta̧'a̧huä̧jä̧ttö̧? ¿Suronä jȩpä̧tö̧jä̧ tä̧ji̧, hueähuä huȩnȩ jȩto̧ca̧'a̧nä̧, Dios ppädäcuähuänä tö̧ja̧'a̧nä̧? Ja̧'hua̧nö̧mä̧cö̧.

Romanos 6:2

Tta̧'a̧huä̧jä̧. Suronä jȩti̧nö̧ttö̧mä̧, huä'ö icuätö jä̧'i̧nö̧'a̧nö̧ ka̧cuä̧tö̧jä̧. Ja̧'hua̧nö̧ ja̧'a̧ttö̧ ¿tta̧'a̧nö̧ suronä jȩpö̧ tö̧ja̧cuä̧ttö̧?

Romanos 3:31

Ja̧hua̧ ja̧'a̧ Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö tesetomenä, ¿hueähuä huȩnȩ jȩpö̧ icuätöjä tä̧ji̧? Isocö̧. Ja̧'hua̧nö̧ esetö: “Hueähuä huȩnȩ adiu jȩä̧cuä̧huä̧” pä'atöjä.

Romanos 3:6

Isocö̧. Surojöcö̧ Dios ro̧ȩpö̧mä̧. Dios suronä jȩö̧ttö̧mä̧, ¿tta̧'a̧nö̧ ro̧ȩpa̧ttö̧ o'ca toi'önä ttö̧ja̧rö̧mä̧?

1 Corintios 6:3

¿Iso päi'önä jerupätöjä tä̧ji̧? Ujutumä ángelesrö'inä: “Ucu adiu jȩpö̧jä̧”, “Ucu suronä jȩpö̧jä̧” pätäcuotöjä. Ja̧'hua̧nö̧ ja̧'a̧ttö̧ pi̧jä̧ jähuä'inä ji̧nä̧ isocu pätö'a̧nö̧ ja̧'a̧.

1 Corintios 6:17

Ja̧'hua̧ ja̧'a̧ ya̧tȩ Tu̧ru̧hua̧rö̧ esetomenä, Espíritu Santonä ji̧nä̧ ji̧yȩtȩ pä'i'ö Tu̧ru̧hua̧cu̧.