1 Corintios 5:11 - TÄ̧DO Ä̧CUÄ̧ I̧HUȨNȨ

¹¹ Ja̧'hua̧nö̧ chi̧huȩyu̧to̧mȩnä̧, ya̧tȩ Cristonä tö̧jä̧hua̧ pättäcuru ja̧'hua̧nö̧ cue'ächöcu, cuecuhuächätucu juiyäcua'a̧nö̧ pä'inösä. Iso päi'önä ya̧tȩ tö̧jä̧hua̧tö̧ ja̧'hua̧nö̧ jȩpö̧mä̧, ka̧ra̧ irecuarö usu, korotö ttu̧ju̧nä̧rö̧ ta'anö u̧ju̧nä̧ra̧ pä'ö'inä, pi̧jä̧ ttu̧mö̧nä̧ adicuä esetö'inä, yapareu ji'äu'inä, tä̧'ä̧mö̧'i̧nä̧, nä̧u̧cu̧'i̧nä̧, ja̧u̧cu̧mä̧ cu̧cuȩ'i̧nä̧ cucuätucuä'.

Nuevo Testamento Uwotjüja

¹¹ Ja̧'wa̧ta̧nü̧ pä'üsä, wȩyu̧tu̧ we'inü̧sä̧ Crito-nä̧ chi̧jä̧wa̧tü̧ tta'anä̧, tti̧rȩkua̧mü̧ wokotüku jȩä̧'chä̧kuä̧wä̧nä̧'i̧nä̧, ruwotü juotta pä'ü tta̧'kua̧ roekuäkuäwänä'i̧nä̧, ttü̧ä̧nä̧wo̧tü̧rü̧ kku̧nä̧rä̧'chä̧kuä̧wä̧nä̧'i̧nä̧; surojuo'epü pä'chäkuäwänä̧'i̧nä̧, tä̧mä̧'chä̧kuä̧wä̧nä̧'i̧nä̧, nä̧u̧kuä̧rä̧kuä̧wä̧nä̧'i̧nä̧ kka̧kuä̧tü̧rü̧. Ja̧'wa̧nü̧ wa̧ku̧mä̧ ttu̧kuȩ'i̧nä̧, ttüku juiya pä'ü.

1 Corintios 5:11 Referans Kwoze

Romanos 16:17

Chö̧jä̧hua̧tö̧, adiu ttu̧ȩcuä̧nä̧ topö cu̧ja̧cuä̧tu̧cua̧ pä'ösä korotö korotörö 'quȩ'ȩpä̧tö̧rö̧'i̧nä̧, surojöcu ma̧ttä̧cha̧ pä'ö jȩpä̧tö̧rö̧'i̧nä̧. Jahuätö jȩttö̧mä̧ ucutu cu̧huo̧jui̧'i̧nä̧tu̧cu̧ttu̧'i̧nä̧ i̧mi̧cu̧nä̧ jö̧. 'Quȩ'ȩcuä̧chä̧tu̧cui̧ jahuätöttö.

2 Tesalonicenses 3:14

Pi̧yȩ cuyärunä ti̧huȩyu̧tä̧ji̧ ta'anö jȩpo̧cö̧mä̧ ¿Di ja̧ pä'ö? cu̧huo̧juä̧tu̧cua̧ja̧. Ja̧u̧ ödäpecua pä'ö ja̧u̧cu̧ cuecuhuächätucuä'.

2 Tesalonicenses 3:6

Tö̧jä̧hua̧tö̧, Tu̧ru̧hua̧ Jesucristo i̧mi̧nä̧ hue'ätöjä ucuturu. Ya̧tȩ adita pä'ocörö'inä, ucuturu tu̧huo̧juȩti̧nö̧ jȩpo̧cö̧rö̧'i̧nä̧ 'quȩ'i̧pä̧chä̧tu̧cui̧.

San Mateo 18:17

Ucuturu ji̧nä̧ ä̧ju̧cu̧ juiyöttömä, o'ca toi'önä iglesia ruhuä ttä'ca jo̧mȩttö̧ ucuocuirö. Ja̧'hua̧nö̧ ja̧'a̧nä̧ jahuätörö o'ca toi'önärö ä̧ju̧cu̧ juiyöttömä, 'quȩ'i̧pä̧chä̧tu̧cui̧rö̧ ka̧ra̧ Diosrö esetocö ö̧jö̧'a̧nö̧ ö̧ja̧ pä'ö. Ja̧'hua̧ta̧nö̧ ru̧hua̧ öäre pärätä ȩmä̧'i̧jö̧ ö̧jö̧'a̧nö̧ ö̧jä̧cua̧.

1 Corintios 5:13

Churutä esetocotörö, chutä Diostä pä̧cua̧. Ja̧'hua̧nö̧ ja̧'a̧ttö̧ chutä ucututtu suronä jȩpö̧rö̧ 'quȩ'ȩpö̧ icuätucui ucututtu.

2 Juan 1:10

Ya̧tȩ ucuturu huo̧juȩtö̧ ichömä, Jesucristo u̧huo̧juȩti̧nö̧ttö̧'i̧nä̧ i̧mi̧cu̧nä̧ u̧huo̧juȩtö̧ttö̧mä̧, cuojusodera̧'a̧ doächö juiya pä'ätucuirö. Ja̧'hua̧ta̧nö̧ ja̧u̧ru̧ tecuhuähuätucuä'.

Apocalipsis 22:15

Ja̧'hua̧nö̧ ja̧'a̧nä̧ esetocotö'inä, märirö esetätö'inä, nä̧tö̧rö̧ suronä usätö'inä, ttö̧ja̧rö̧ cuä'ö icuätö'inä, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esehuätö'inä, yapareu jȩpö̧ kö'cätö'inä, yapareu ji'ähuätö'inä u̧mi̧nä̧tä̧ ttö̧ja̧cuä̧cuo̧tö̧.

Apocalipsis 21:8

Ja̧'hua̧nö̧ ja̧'a̧nä̧ ye'ecuätö'inä, esetocotö'inä, ttahuaruhuärö kö'cocotö'inä, korotörö cuä'ö icuätö'inä, nä̧tö̧rö̧ suronä usätö'inä, märirö esetö jȩpä̧tö̧'i̧nä̧, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esetö ucuocuätö'inä, o'ca toi'önä yapareu ji'ähuätö'inä, ocurä rö̧arära̧'a̧, azufrenä cuoarära̧'a̧ tti̧'chä̧cuo̧tö̧. Ja̧u̧ todärenä 'corupäi'äcuähuä ja̧'a̧.

1 Timoteo 3:3

Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä yapareu ucuocu ȩmo̧cö̧. Pärocua'acu ahuaruhuärö adiu ppä'ädö. Adiu kö̧ korotö ttä'ca jo̧mȩ. Ja̧u̧mä̧ pärätä u̧ju̧nä̧ra̧ pä'ömä amöcuädocö.

San Mateo 23:25

“Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Ucutumä sä̧rä̧bä̧'i̧nä̧, i̧so̧'ta̧'i̧nä̧ huämetä töcätöjä, jacuänä suhuädi'önä ka̧'a̧nä̧ korotö ttöäre cu̧nä̧u̧cuä̧ri̧nä̧tu̧cua̧'a̧ttö̧.

Apocalipsis 2:20

Ja̧'hua̧nö̧ ja̧'a̧nä̧ koro huȩnȩtä̧ pä'ösä ucuru. Ucumä cuami 'qui'ächi'ö topöjä jahuäju isaju Jezabelrö, “Dios i̧huȩnȩ ucuocuäjusä” pä'äjuru. Ja̧'hua̧nö̧ päjomenä, ji̧nä̧ isocu yapareutä huo̧juȩtä̧ju̧ chumöhuäyotörö, u̧mä̧tö̧ nä̧tö̧rö̧ suronä jȩpö̧ ttö̧ja̧cua̧ pä'ö. Ja̧'hua̧ta̧nö̧ koro juäi cuäcuähuä, ttu̧mö̧nä̧ adicuä juäi iyähuä ttucua pä'ö huo̧juȩtä̧ju̧.

Efesios 5:5

Täcö huo̧juä̧tö̧jä̧, ya̧tȩ irecua pocojuru jȩpö̧'i̧nä̧, koro juäi suronä jȩpö̧'i̧nä̧, korotö ttu̧ju̧nä̧rö̧ ta'anö, u̧ju̧nä̧ra̧ pä'ö'inä, koro ttu̧mö̧nä̧ adicuä juäi pä̧huä̧ rö̧jö̧nä̧ topö'inä, Cristocu Dioscu ttö̧jo̧mȩ yoröiso 'cho̧cö̧.

San Lucas 21:34

“Ttu̧ȩcuä̧nä̧tä̧ ka̧cuä̧tu̧cui̧. Pi̧jä̧ jähuä jȩpö̧, tä̧'ä̧mä̧'chö̧ jȩpö̧, cuami iso'quitucu 'quiyönä juoächa'acu jȩcu̧'ä̧tu̧cuä̧'. Ja̧'hua̧ta̧nö̧ pi̧jä̧ jähuä amöcuädö kä̧nö̧, koro hua̧rö̧ 'chuttäda'a jä̧'i̧nö̧'a̧nö̧ ja̧u̧ juäi 'cuäopä̧cuȩ mo̧ro̧ tta̧cu̧huä̧rä̧tu̧cuo̧ca̧'a̧ adiu ka̧cuä̧tu̧cui̧. O'ca toi'önä ttö̧ja̧ pi̧jä̧ pa̧ja̧cu̧nä̧ ka̧cuä̧tö̧rö̧ ja̧'hua̧nö̧ ichäcua'a ja̧u̧nu̧ mo̧ro̧.

1 Corintios 6:10

Ja̧'hua̧ta̧nö̧ nä̧u̧cuä̧rä̧tö̧'i̧nä̧, korotö ttu̧ju̧nä̧rö̧ ta'anö, ttu̧ju̧nä̧ra̧ pä'ätö'inä, tä̧'ä̧mä̧tö̧'i̧nä̧, amönä yapareu ucuocuätö'inä yoröiso toäcua'a Dios ö̧jo̧mȩttö̧.

Colosenses 3:5

Pä'äji jähuä, pi̧jä̧ jähuä, jȩcu̧'i̧nä̧tu̧cu̧mä̧, jitämä amöcuädö jȩcu̧'ä̧tu̧cuä̧'. Ka̧ra̧ irecuarö suronä jȩcu̧'ä̧tu̧cuä̧'. Suronämä amöcuädö jȩcu̧'ä̧tu̧cuä̧'. Ucutuätä pä̧huä̧ rö̧jö̧tä̧ jȩcu̧'ä̧tu̧cuä̧'. Korotöttö'inä abonänö cu̧ju̧nä̧ra̧ pä'ö cuamöcuädätucuä'. Ttu̧mö̧nä̧ adicuä juäi pä̧huä̧ rö̧jö̧nä̧ tocu'ätucuä'.

1 Corintios 8:11

Ja̧'hua̧nö̧ ja̧'a̧ttö̧ ya̧tȩ cu̧jä̧hua̧mä̧ ji̧'qui̧cha̧nö̧ esetömä, ucutu jȩcu̧'ä̧tu̧cua̧'a̧ tomenä, ami iso'quinä esetoca'anä jȩö̧ttö̧mä̧, ucutumä toä̧u̧jä̧ suronä jȩpä̧tö̧jä̧ cu̧huo̧juä̧tu̧cua̧'a̧nä̧'i̧nä̧. Cristomä 'corupä'i'inödo ja̧u̧ru̧'i̧nä̧.

1 Corintios 6:6

Cu̧jä̧hua̧cu̧ rohuäu, ¿adihua'a tä̧ji̧ Diosrö esetocotörö huecuhuätucuomenä: “Ucu suronä jȩpö̧jä̧” pätta pä'ö?

Romanos 13:13

Adiu cuetächaja, mo̧ro̧ cuettächa'a jä̧'i̧nö̧'a̧nö̧. Tä̧'ä̧mö̧'i̧nä̧, ttö̧ja̧cu̧ ca̧ca̧cu̧ huopö'inä, ka̧ra̧ irecuarö usu'inä, korotörö suronä jȩpö̧'i̧nä̧, korotörö rohuäu'inä, korotö ttu̧ju̧nä̧rö̧ pä̧huä̧ rö̧jö̧ topö'inä jȩpö̧ tö̧jö̧ juiyö'a̧nö̧ ja̧'a̧.

Apocalipsis 2:14

Ja̧'hua̧nö̧ ja̧'a̧nä̧ koro huȩnȩtä̧ pä'ösä ucuru. Ju̧huȩnȩmä̧, Pérgamo ötahuiyänä, cu̧'quȩtȩtu̧cu̧nä̧ korotömä Balaam pä'ö mi̧cua̧ u̧huo̧juȩti̧nö̧ huȩnȩ jarotti'a pä'ocotömä ka̧cuä̧tö̧. Ja̧u̧ Balaammä, Balacrö ji'äu Israel ttö̧ja̧rö̧ u̧huo̧juȩta̧ pä'ö koro juäi cuäcuähuä, ttu̧mö̧nä̧ adicuä juäi iyähuämä cuä̧nö̧, suronä jȩtta̧ pä'ö huo̧juȩti̧nö̧do. Ja̧'hua̧ta̧nö̧ u̧mä̧tö̧ nä̧tö̧rö̧ suronä jȩpö̧ ttö̧ja̧cua̧ pä'ö huo̧juȩti̧nö̧do.

1 Timoteo 6:5

Ja̧'hua̧ta̧nö̧ u̧mä̧tö̧ rohuähuätö korotö u̧mä̧tö̧cu̧. Jahuätömä yoröiso adiu amöcuädocotö. Iso päi'önä huȩnȩ päö'a̧nö̧ jȩpo̧co̧tö̧. Jahuätö amöcuädätö järe ȩmä̧huä̧ huȩnȩcö̧ pä'ö Dios i̧huȩnȩmä̧. Jahuätöttö 'quȩ'i̧pä̧chi̧.

Efesios 5:18

Tä̧cu̧huä̧mä̧tu̧cuä̧'. Ja̧'hua̧nö̧ jȩpö̧ be'ipächätöjä. Pärocua'acu rö̧ȩnä̧ ku̧nä̧rä̧tu̧cui̧ Espíritu Santorö cuami iso'quinä su'penö.

Gálatas 2:12

Jacobo umöhuäyotö ttichö juiyäimä, judíos huocotöcu u̧cuȩ cuä̧nö̧ ki̧nö̧ Pedro. Jacobo umöhuäyotö tti̧rȩbȩhuä̧ji̧ o'ca'a, täcö cuocö pi̧nö̧ judíos huocotöcu, circuncisión jȩä̧cuä̧huä̧ jȩpä̧tö̧rö̧ ye'ecu.

1 Corintios 11:21

Ucutu ja̧'hua̧nö̧ jȩpö̧, korotö ucututtu ttu̧cuȩ päi'önä cuätö, korotömä ppäi rö̧ja̧'a̧ ttö̧'o̧mȩnä̧. Ja̧'hua̧ta̧nö̧ korotömä tä̧'ä̧mä̧tö̧.

1 Corintios 10:14

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, ttu̧mö̧nä̧ adicuä juäi esetäcuähuämä, jaropi'ätucui.

1 Corintios 7:15

Ja̧'hua̧nö̧ ja̧'a̧nä̧ ya̧tȩ Diosrö esetocömä, irecuarö jaroi'a päöttömä, huäinä jaropi'ö. Ja̧'hua̧ta̧nö̧ yajute Diosrö esetocojumä, kirecuorö jaroji'a päjöttömä, huäinä jaropi'äju. Ja̧u̧nu̧ Diosrö esetäjimä adiunä ö̧jä̧cua̧. Isaju'inä Diosrö esetäjäjumä adiunä kö̧jä̧cua̧ju̧. Iso päi'önä Dios huoinä̧u̧jä̧ ujutu adiu eseunu tö̧ja̧cua̧ pä'ö.

1 Corintios 7:12

Ja̧'hua̧ta̧nö̧ korotörö ttötä chamöcuädö ji'äusä, Tu̧ru̧hua̧ i̧huȩnȩmä̧cö̧. Yajute isaju, Diosrö esetocojumä, ya̧tȩ Diosrö esetöcu eseunu kö̧jo̧mȩnä̧ kirecuo päi'önä, huäinä ö̧jä̧cua̧. Ja̧u̧mä̧ ubomä jahuäjuru, irecuarö, jaroi'ö juiyäcua'a̧nö̧ pä'ösä.

Hechos 9:17

Ja̧'hua̧ ja̧'a̧ Ananías Saulo ö̧jodera̧'a̧ 'chi̧nö̧do. Do'ächi'ö u̧mö̧nä̧ mȩ'i̧nö̧do Saulorö. Ja̧u̧ru̧ pä'inödo: —Chö̧jä̧hua̧ Saulo, Tu̧ru̧hua̧ Jesús ucuru i̧jȩcuä̧ji̧mä̧ mä̧nä̧nä̧ cuichomenä, ttörö hue'äji pä'äji ta'anö tocu'a pä'ö, ja̧'hua̧ta̧nö̧ Espíritu Santo ucuru ö̧jä̧mä̧da̧ pä'ö.

San Lucas 18:11

Fariseo i̧sa̧ ä̧rä̧mi̧'ö̧ ucuocuinö pa̧'a̧nö̧: “Chä̧do̧ ä̧cua̧ Dios, eseunu pä'ösä korotö ttö'a̧nö̧mä̧ huocösä. Nä̧u̧cuä̧rä̧tö̧'a̧nö̧'i̧nä̧, suronä jȩpä̧tö̧'a̧nö̧'i̧nä̧, nä̧tö̧rö̧ suronä usätö'a̧nö̧'i̧nä̧ chujua ru̧hua̧ öäre pärätä ȩmä̧'i̧jö̧'a̧nö̧'i̧nä̧ huocösä.

Hechos 1:15

Ja̧u̧nu̧ mo̧ro̧ Pedro, ö̧jä̧hua̧tö̧ ttö̧'quȩtȩttö̧ ä̧rä̧mi̧'ö̧ ucuocuinödo. Jahuätö ciento veinte ttö̧ja̧ ji̧na̧'a̧do. Jahuätörö pä'inödo:

1 Corintios 6:9

¿Ucutumä jerupätöjä tä̧ji̧? Suronä jȩpä̧tö̧mä̧ yoröiso toäcua'a Dios ö̧jo̧mȩttö̧. Yapareu cuesetätucuä'. Korotö korotö tti̧rȩcua̧mö̧rö̧ usätö'inä, ttu̧mö̧nä̧ adicuänä esetätö'inä, nä̧tö̧rö̧ jȩpä̧'chä̧tö̧'i̧nä̧, u̧mä̧tö̧ korotö u̧mä̧tö̧rö̧, nä̧tö̧rö̧ jȩttö̧'a̧nö̧ jȩpä̧'chä̧tö̧'i̧nä̧ yoröiso toäcua'a Dios ö̧jo̧mȩttö̧.