1 Corintios 3:3 - TÄ̧DO Ä̧CUÄ̧ I̧HUȨNȨ

³ Ucutumä ji̧nä̧ cuamönätucu jähuätä amöcuädätöjä. Ucutumä jȩcu̧'ä̧tu̧cu̧tä̧ jȩcu̧'ä̧tu̧cuo̧mȩnä̧, i̧mi̧cu̧nä̧ amöcuädö, rohuähuä'chö, ji̧nä̧ yo̧mȩtȩ cuamöcuädätucuoca'a, korotö ttö̧ja̧ jȩttö̧'a̧nö̧ jȩpä̧tö̧jä̧.

Nuevo Testamento Uwotjüja

³ Jitä'i̧nä̧, kuidepä wea'anä̧tä̧ kka̧kuä̧tü̧jä̧!; ji̧nä̧ ukutunä̧ kka̧'a̧ kuä'kuoyäwätuku, kurowäwätuku'i̧nä̧, päkuä'chäkuäwätuku'i̧nä̧, jü̧nä̧ ja̧'wa̧nü̧ jȩpü̧ pi̧jä̧ jäwänä̧tä̧ kuidepä wea'anä̧ kka̧kuä̧tü̧jä̧.

1 Corintios 3:3 Referans Kwoze

Santiago 3:16

Tta̧'cua̧ ko̧mȩnä̧ ttamöcuädomenä, jitötä jähuä jȩtto̧mȩnä̧, adiu ji̧nä̧ yo̧mȩtȩ amöcuädö jȩpo̧co̧tö̧. O'ca juiyönä surojö jȩä̧cuä̧huä̧tä̧ jȩpä̧tö̧.

Tito 3:3

Iso päi'önä täbocö ujutumä ja̧'a̧tä̧ cue'ächö, Diosrö esetocotö pi̧nä̧tö̧jä̧. Re'tehuächätö cuettächö'a̧nö̧ cue'ächinätöjä. Ujutumä suronä amöcuädö cue'ächinätöjä. Ja̧'hua̧ta̧nö̧ suronä jȩpi̧nä̧tö̧jä̧ korotörö. Korotö ttu̧ju̧nä̧rö̧ ta'anö, tu̧ju̧nä̧ra̧ pä'inätöjä. Korotörö pä̧huä̧ juiyönä topö cue'ächinätöjä.

Gálatas 5:15

Ja̧'hua̧nö̧ ja̧'a̧nä̧ ucutu cuamönätucunä korotörö pä̧'o̧pä̧rö̧ rohuäu jȩcu̧'ä̧tu̧cu̧ttu̧mä̧, ttu̧ȩcuä̧nä̧ ka̧cuä̧tu̧cui̧, ucututä cuamönätucu becuhui'ächätucu juiyäcua'a̧nö̧.

2 Corintios 12:20

Ucuturu topö chi̧'chö̧ttö̧mä̧, ttö chamöcuädöttö'inä i̧mi̧cu̧nä̧ ka̧cuä̧tö̧jä̧cö̧ amöcuädö yȩ'ȩcua̧sä̧. Ja̧'hua̧ta̧nö̧ ucutu cuamöcuädätucuttu'inä i̧mi̧cu̧nä̧ kö̧sä̧cö̧ amöcuädösä. Ja̧'hua̧ta̧nö̧ rohuäcuähuä'inä, korotö ttu̧ju̧nä̧rö̧ pä̧huä̧ rö̧jö̧nä̧ toäcuähuä'inä, ra̧huä̧rä̧cuä̧huä̧'i̧nä̧, korotörö huȩnȩtö̧ jiäcuähuä'inä, amönä yapareu ucuocuäcuähuä'inä, korotörö a'cuoyäunu toäcuähuä'inä, ja̧'a̧tä̧ amöcuädö jȩä̧cuä̧huä̧'i̧nä̧ ka̧'a̧ a̧'cua̧ra̧'a̧ ucutu cu̧'quȩtȩtu̧cu̧ pä'ö amöcuädösä ttömä.

1 Corintios 11:18

Äcuomenä korotö pä'ätö ttörö ucuturu: “Ppäsähuipö ttucuocuomenä, ka̧ra̧'i̧nä̧ ka̧ra̧'i̧nä̧ i̧mi̧cu̧nä̧ amöcuädä'chö jȩpä̧tö̧ jahuätömä.” “Iso päi'önä pä'ätö a̧'cua̧ra̧'a̧” pä'ösä ttömä.

1 Corintios 1:11

Chö̧jä̧hua̧tö̧, ja̧'hua̧ta̧nö̧ Cloé kahuaruhuä ttörö ji'ähuinätö rohuäcuähuä huȩnȩ ka̧cua̧'a̧ ucutu cu̧'quȩtȩtu̧cu̧nä̧ pä'ö.

Romanos 13:13

Adiu cuetächaja, mo̧ro̧ cuettächa'a jä̧'i̧nö̧'a̧nö̧. Tä̧'ä̧mö̧'i̧nä̧, ttö̧ja̧cu̧ ca̧ca̧cu̧ huopö'inä, ka̧ra̧ irecuarö usu'inä, korotörö suronä jȩpö̧'i̧nä̧, korotörö rohuäu'inä, korotö ttu̧ju̧nä̧rö̧ pä̧huä̧ rö̧jö̧ topö'inä jȩpö̧ tö̧jö̧ juiyö'a̧nö̧ ja̧'a̧.

1 Corintios 1:10

Chö̧jä̧hua̧tö̧, Tu̧ru̧hua̧ Jesucristo i̧mi̧nä̧ pä'ösä ucuturu, yoräteunä amöcuädätucui. I̧mi̧cu̧nä̧ cuamöcuädätucuä'. Ja̧'hua̧ ji̧yä̧cu̧ pä'ösä, adiu ji̧nä̧ yo̧mȩtȩ amöcuädö ka̧cuä̧tu̧cui̧ yoräteunä.

1 Corintios 3:4

Ucututtu korotö pä'ätö: “Ttötäsä Pablo i̧sa̧mä̧.” Korotö pä'ätö: “Ttötäsä Apolos i̧sa̧mä̧.” Ja̧'hua̧nö̧ jȩcu̧'ä̧tu̧cuo̧mȩnä̧, ucututä cuamönätucu cuamöcuädätucunätä cue'ächätöjä.