1 Corintios 3:13 - TÄ̧DO Ä̧CUÄ̧ I̧HUȨNȨ

¹³ Yodoji Dios ttö̧ja̧rö̧ pojocuä mo̧ro̧ päi'omenä, o'ca juiyönä taditinömä adiu totäcuotöjä. Ja̧u̧nu̧ mo̧ro̧ ocuräcu ichäcua'a. Ja̧'hua̧nö̧ päi'omenä, ocuränä ka̧cuä̧mi̧pä̧cua̧'a̧ o'ca juiyönä taditinömä, iso päi'önä adiu taditinaja pä'ö tota pä'ö.

Nuevo Testamento Uwotjüja

¹³ Ttaditäwämä̧ wäjuönä̧ i̧jȩkuä̧chä̧kua̧'a̧ jȩtti̧nü̧'a̧kuä̧ ü'ojo'ü mo̧ro̧ päi'omȩnä̧; isopäi'ünä̧ jua̧u̧nü̧ mo̧ro̧mä̧ okuränä̧tä̧ i̧jȩkuä̧chä̧kua̧'a̧; ja̧'wa̧nü̧ ja̧'a̧ttü̧ yotukunä̧ jȩtti̧nü̧mä̧ okuränä̧tä̧ kka̧kuä̧mü̧ toäkuäwäkua'a.

1 Corintios 3:13 Referans Kwoze

1 Pedro 1:7

Ucutu cuami 'quicuhuächi'ätucumä oro jä̧'i̧nö̧'a̧nö̧ jö̧. Ocuränä ku icu totta'a jä̧'i̧nö̧'a̧nö̧, 'cuäopä̧cuȩ ucuturu. Ja̧'hua̧nö̧ 'cuäopomenä, ttami 'quiächi'äcuähuämä orottö'inä abonänö adiu. Oromä beipächö. Ja̧'hua̧nö̧ cuami 'quicuhuächi'ätucuttumä, Jesucristo ichomenä, Dios rö̧ȩnä̧ ȩsȩhuä̧cua̧ ucuturu. Ja̧'hua̧ta̧nö̧ “Adiu jȩpä̧tö̧jä̧” pä̧cua̧ ucuturu.

Apocalipsis 20:12

Ja̧'hua̧ta̧nö̧ 'corupä'i'inätörö, tä̧mö̧'i̧nä̧, ppo̧'ä̧tö̧'i̧nä̧ Dios ä'ca jo̧mȩ ttö̧ja̧'a̧ topinösä. Cuyäru bahuecuächina'a. Koro cuyäru'inä kä̧cuä̧huä̧ i'co cuyäru'tä bahuecuächina'a. 'Corupä'i'inätörö pä'äji jȩtti̧nö̧ cuyäru'tänä huȩyu̧cua̧'a̧ topö ro̧ȩpi̧nä̧u̧.

1 Corintios 4:5

Ja̧'hua̧ ji̧yä̧cu̧ ä'canä päcuhuätucuä' ucutumä. Tta̧'ä̧rä̧tu̧cui̧ Tu̧ru̧hua̧ ichäcua'a. Ja̧u̧ o'ca juiyönä yo̧ö̧mä̧ i̧jȩpä̧cua̧ tȩa̧u̧nä̧. Ja̧'hua̧ta̧nö̧ o'ca juiyönä pi̧jä̧ ttö̧ja̧ ttami iso'quinä ttamöcuädömä i̧jȩpä̧cua̧. Ja̧u̧nu̧tä̧ Dios i̧yä̧cua̧ eseäcuähuä o'ca toi'önä adiu jȩpä̧tö̧rö̧.

1 Pedro 4:12

Adihuä chö̧jä̧hua̧tö̧, koro juäi rö̧ȩnä̧ surojö 'cuäopomenä ucuturu, koro koronö cuamöcuädä'chätucuä'. Totocö jä̧'i̧jö̧ 'cuäopa'a ujuturu pä'ö cuamöcuädätucuä'.

2 Pedro 3:10

Tta̧ttä̧ro̧cö̧ mo̧ro̧ i̧chä̧cua̧do Tu̧ru̧hua̧mä̧. Nä̧u̧cuä̧rä̧tö̧ yodo ttichö'a̧nö̧, i̧chä̧cua̧do. Mo̧ro̧jä̧ra̧'a̧ttö̧ juruhuächi'ö ucuocuäcua'ado. Mo̧ro̧jä̧nä̧ ka̧cuä̧tö̧mä̧ kä̧hua̧tö̧'i̧nä̧, si̧ri̧'cö̧'i̧nä̧ o'ca toi'önä ocuränä cuo'ö icu bettipächäcuotödo. Pi̧jä̧ rȩjȩ'i̧nä̧, pi̧jä̧nä̧ ka̧cu̧'i̧nä̧ o'ca juiyönä cuo'ö icu beipächä̧cuȩdo.

Romanos 2:16

Adihuä huȩnȩ ttö jidäumä päa'a, ji̧yȩnö̧ mo̧ro̧, Dios Jesucristonä ttö̧ja̧ yä̧huä̧i̧nä̧ jȩttö̧ ro̧ȩpä̧cuȩ mo̧ro̧, ja̧'hua̧nö̧ 'cuäopäcua'a.

2 Timoteo 1:18

Tu̧ru̧hua̧rö̧ ttucuotarö pä'ö ichö mo̧ro̧ päi'omenä, Tu̧ru̧hua̧ ja̧u̧ru̧ re rö̧jö̧nä̧ toö'a̧nö̧ ja̧'a̧. Ucu huo̧jua̧jä̧, ujuturu adiu ppä'ädinö Efesos ötahuiyänä kä̧nö̧.

1 Corintios 1:8

Dios cuami 'qui'ächi'ö cu̧ja̧cuä̧tu̧cua̧ pä'ö tta̧huä̧rä̧cua̧ ucuturu röji mo̧ro̧ päi'önä, Tu̧ru̧hua̧ Jesucristo ichö mo̧ro̧ päi'önä, yoröiso suronä ttucuocu juiya pä'ö ucuturu.

Romanos 2:5

Cuami iso'qui 'qui̧'a̧jä̧. Ucu yoröiso pärocuäcu amöcuädocöjä. Ja̧'hua̧ ja̧'a̧ttö̧ ucuhuätä ca̧ca̧cu̧jä̧ ro̧ȩcuä̧ ucuru 'cuäopä̧cuȩ ji̧yȩnö̧ mo̧ro̧, Dios ro̧ȩpö̧ mo̧ro̧ päi'omenä. Ja̧u̧nu̧ mo̧ro̧ tottäcua'a Dios yoräteu ro̧ȩcuȩmä̧.

San Lucas 2:35

Ja̧'hua̧nö̧ ttu̧huo̧juä̧cuo̧tö̧ ya̧cu̧nä̧ ttami iso'quinä ttamöcuädö. Ja̧'hua̧nö̧ ja̧'a̧nä̧ ucurumä dacuo'quȩ cuamönä cuhuacuänä tahuähuächa'a jä̧'i̧nö̧'a̧nö̧ cua̧'cua̧ tta̧cu̧huȩcuä̧cua̧ju̧jä̧, —pä'inödo Simeón.

2 Timoteo 3:9

Ja̧'hua̧nö̧ ja̧'a̧nä̧ juhua'a yabonömä rö̧ä̧chö̧nä̧ jȩpo̧co̧tö̧ ttäcuotö. O'ca toi'önä ttö̧ja̧ tottäcuotö amönä micuähuocö juäi jȩtta̧'a̧. Ja̧'hua̧nö̧ 'cuäopina'a Janesrö'inä, Jambresrö'inä, Moisésrö esetocotö pi̧nä̧tö̧rö̧.

San Mateo 10:15

Iso päi'önä pä'ösä ucuturu, yodoji Dios ttö̧ja̧rö̧ pojocuä mo̧ro̧ päi'omenä, Sodoma ötahuiyä ttö̧ja̧ttö̧'i̧nä̧, Gomorra ötahuiyä ttö̧ja̧ttö̧'i̧nä̧ abonänö rö̧ȩnä̧ suronä 'cuäopäcua'a juhua'a ötahuiyä ttö̧ja̧rö̧, —pä'ö hue'inödo Jesús.

San Mateo 16:27

Ubo I̧tti̧mä̧ Jä'o esehua'attö, i̧chä̧cua̧ ángelescu o'ca toi'önä jȩtti̧nö̧ ji'äu. Adiu jȩpi̧nä̧tö̧rö̧'i̧nä̧ adiu pä̧cua̧. Suronä jȩpi̧nä̧tö̧rö̧'i̧nä̧ suronä pä̧cua̧.

1 Corintios 3:12

Ja̧'hua̧nö̧ ttaditomenä, korotömä orocu, pärätäcu, ido'qui rö̧ȩnä̧ micuähuo'quicu aditätö. Ja̧'hua̧ta̧nö̧ korotömä daucu, rȩjȩ isä'checu, ojiyäcu aditätö.

2 Timoteo 1:12

Ja̧'hua̧nö̧ ja̧'a̧ttö̧ jitä ubara ttu'usä. Ja̧'hua̧nö̧ ja̧'a̧nä̧ dä'äcuocösä. Ttö cha̧'cua̧ chu̧huȩnä̧rä̧cu̧ru̧ huo̧jua̧sä̧. Ja̧'hua̧ta̧nö̧ ttörö iyinömä, röji mo̧ro̧ päi'omenä tta̧huä̧rä̧cua̧'a̧ huo̧jua̧sä̧.

2 Timoteo 4:8

Adiu jȩchi̧na̧'a̧ttö̧, ttö̧ja̧rö̧ pojocuä mo̧ro̧ päi'omenä, Tu̧ru̧hua̧ adihuä juäi iya päinömä i̧yä̧cua̧ ttörö. Chutä adihuä Tu̧ru̧hua̧mä̧ o'ca toi'önärö pä̧cua̧. Ttörötä ya̧tȩrö̧tä̧mä̧ iyocö. O'ca toi'önä ja̧u̧ru̧ adiu esetö ichä̧cuȩ mo̧ro̧ tta̧'ä̧rä̧tö̧rö̧ i̧yä̧cua̧.

Hebreos 10:25

Korotö cultora̧'a̧, Diosrö ttucuocuomecu 'cho̧co̧tö̧ jȩttö̧'a̧nö̧mä̧, jȩtö̧ juiyö'a̧nö̧ ja̧'a̧ ujutumä. Ujutumä, korotö korotönörö juhua'a yabonö adiu ppätädö'a̧nö̧ ja̧'a̧. Iso päi'önä Tu̧ru̧hua̧ ichä̧cuȩ mo̧ro̧ ötö'cöhuächa'a topö, ja̧'hua̧nö̧ jȩtö̧'a̧nö̧ ja̧'a̧.

2 Pedro 3:7

Ja̧'hua̧nö̧ ja̧'a̧nä̧ jitä ka̧cu̧mä̧, mo̧ro̧jä̧'i̧nä̧, pi̧jä̧'i̧nä̧ Diosrö pä̧huä̧ rö̧jo̧mȩnä̧ hua'adö ku̧ni̧nö̧do, churutä pä̧huä̧ rö̧jo̧mȩnä̧ ku icua pä'ö. Dios ttö̧ja̧rö̧ pojocuä mo̧ro̧, suronä jȩpä̧tö̧rö̧ to'ädö icu mo̧ro̧, jahuätö cuo'ö tticuäcuotödo ja̧u̧ ocuränä.