1 Corintios 2:7 - TÄ̧DO Ä̧CUÄ̧ I̧HUȨNȨ

⁷ Ujutumä ji'ähuätöjä Dios u̧huo̧ju̧nä̧ pi̧jä̧ ttö̧ja̧ ttierunä. Ja̧'hua̧ta̧nö̧ pi̧jä̧ aditäcua'a ä'canä, Dios ja̧u̧ u̧huo̧ju̧mä̧ ku̧nä̧ri̧nö̧do ujuturu iya pä'ö, suronä jȩtö̧ jȩpö̧ icua pä'ö.

Nuevo Testamento Uwotjüja

⁷ Ja̧'wa̧nü̧ ja̧'a̧ttü̧ ukuokuätüjä̧, Dio jäwä wo̧juä̧wä̧ wȩnȩ wo̧jui̧'ä̧kuä̧wo̧kü̧. Mo̧ täbokütä päi'ünä̧ ttieruwomȩnä̧ amükuädü u̧ju̧ni̧nü̧ chutä uruwo ujuturu iya pä'ü.

1 Corintios 2:7 Referans Kwoze

2 Pedro 1:3

Dios ujurunä iyinö ujuturu o'ca juiyönä tö̧jö̧mä̧. Ja̧'hua̧ta̧nö̧ ujuturu huopinörö tu̧huo̧jua̧ pä'ö adihuä juäi iyinö ujuturu, adiu tucuocuarö pä'ö.

San Mateo 13:35

Dios i̧huȩnȩ jiäcuähuä i̧sa̧ päinö ta'anö 'cuäopa'a pä'ö huo̧juȩti̧nö̧do ja̧'hua̧nö̧mä̧. Ja̧u̧ pä'inödo: Koro juäi jä̧'i̧nö̧'a̧nö̧ jö̧ huȩnȩnä̧ chu̧cuo̧cuä̧cua̧sä̧. Koro juäi, Dios pi̧jä̧ aditinö o'ca'a yä̧huä̧i̧nä̧ ji̧nö̧mä̧, chu̧cuo̧cuä̧cua̧sä̧.

San Mateo 11:25

Ja̧u̧nu̧ pä̧nä̧ Jesús ucuocuinödo: —Chä'o, mo̧ro̧jä̧'i̧nä̧, pi̧jä̧'i̧nä̧ Tu̧ru̧hua̧, ucuru eseusä. Ucumä pi̧yȩmä̧ adihuä juäimä, dajahuächäji'ca̧mä̧ huo̧juȩto̧cö̧ pi̧nö̧jä̧ rö̧ȩnä̧ huo̧juä̧tö̧rö̧'i̧nä̧, rö̧ȩnä̧ ucuocuätörö'inä. Ppo̧'ä̧tö̧ ttö̧'a̧nö̧ huotörö iyö huo̧juȩti̧nö̧jä̧.

1 Pedro 5:10

Ucutu a̧'u̧cu̧nä̧tä̧ ubara ttucuhuätucu o'ca'a, Dios cujuru'inä iyäcuotöjä. Ja̧'hua̧ta̧nö̧ cuami 'qui'ächi'ö cu̧ja̧cuä̧tu̧cua̧ pä'ö ȩmä̧cuo̧tö̧jä̧. Ja̧u̧tä̧ Dios o'ca juiyönä ppä'ädö ujuturu. Ujuturu ȩmi̧nö̧, Jesucristocu eseunu tö̧ja̧cua̧ pä'ö 'cuäopönä.

Efesios 1:4

Dios pi̧jä̧ juiyäi'inä, Cristonä ȩmi̧nä̧u̧jä̧, chutä ä'ca jo̧mȩttö̧ yoröiso surojö juiyönä, adiunätä tö̧ja̧cua̧ pä'ö.

Apocalipsis 13:8

O'ca toi'önä pi̧jä̧nä̧ ka̧cuä̧tö̧mä̧, Cordero 'corupä'i'inö u̧ju̧närä̧'tänä, kä̧cuä̧huä̧ i'co cuyäru'tänä, Dios pi̧jä̧ aditinö mo̧ro̧ i̧huȩyu̧ti̧nö̧'tänä tti̧mi̧ jui'ätömä, ja̧u̧ pä̧i̧cua̧ i̧sa̧rö̧ esehuinätö.

1 Pedro 1:11

Espíritu Santo ä'canä u̧huo̧juȩti̧nä̧u̧do jahuätörö Cristo ubara ttuhuä̧cuȩ huȩnȩ. Ja̧'hua̧ta̧nö̧ ubara ttuhuäji o'ca'a, eseäcuähuä huȩnȩ'i̧nä̧ u̧huo̧juȩti̧nä̧u̧do. Jahuätö jä'epinätödo: “¿Dirö ucuocua'attö pi̧yȩmä̧?” Ja̧'hua̧ta̧nö̧: “Ja̧u̧mä̧, ¿ti̧yȩnö̧ jä̧cuȩttö̧?” pä'ö jä'epinätödo.

2 Timoteo 1:9

Dios ujutu suronä jȩtö̧ jȩpö̧ icuinö. Ja̧'hua̧ta̧nö̧ adiu tö̧ja̧cui̧ya̧rö̧ pä'ö huoinä̧u̧jä̧. Ujutu yoröiso adiu jȩpo̧co̧tö̧ pi̧nä̧tö̧jä̧. Diostä ujuturu pä̧huä̧ rö̧ji̧nä̧cu̧. Pi̧jä̧ juiyäi Dios ujuturu repe'inö, Cristo Jesúsru teseta'attö.

1 Pedro 5:1

Ttö chi̧huȩnȩ hue'ösä jitämä ancianos huotörö, iglesia ruhuärö tta̧'ä̧rä̧tö̧rö̧. Ttö'inä anciano hua̧sä̧, jahuätö ta'anö. Cristo ubara ttuhua'a topinösä. Ttö'inä jahuätö ta'anö, eseunu chö̧jä̧cua̧sä̧ Cristo ichä̧cuȩ mo̧ro̧ päi'omenä.

Romanos 8:29

Dios u̧huo̧jui̧nä̧u̧ru̧ äcuomenä päi'önä ȩmi̧nö̧, Itti̧ jö̧'a̧nö̧ juottächa pä'ö, recuätö ä'canä ttuböo ja̧ pä'ö ja̧u̧ru̧.

Romanos 8:30

Ja̧'hua̧ta̧nö̧ äcuomenä päi'önä Dios 'quȩpi̧nä̧u̧ru̧mä̧ huopinödo. Huoinä̧u̧ru̧mä̧ jȩpi̧nö̧do chutäcu ji̧nä̧ ji̧yȩtȩ huotö tta pä'ö. Ja̧'hua̧ta̧nö̧ chutäcu ji̧nä̧ ji̧yȩtȩ huotörö iyinö doächäcuähuä mo̧ro̧jä̧ra̧'a̧.

Romanos 11:25

Chö̧jä̧hua̧tö̧, Dios yä̧huä̧i̧nä̧ amöcuädinö huȩnȩ cu̧huo̧juä̧tu̧cua̧ pä'ösä, ucutu “huo̧jua̧sä̧” cuamöcuädätucu juiya pä'ö. Israel ttö̧ja̧mä̧ 'cuäopönä jarode'ocotö ttäcuotö. Judíos huocotöttö Dios oipinä̧u̧ ttesetome jubö päi'önä ttöarodäcuotö Israel ttö̧ja̧mä̧.

1 Corintios 2:1

Iso päi'önä chö̧jä̧hua̧tö̧, Dios i̧huȩnȩ ji'äu chi̧'cho̧mȩnä̧, ucuturu rö̧ȩnä̧ huo̧ju̧nä̧ ttucuocu'a̧nö̧mä̧ ucuocuocö pi̧nö̧sä̧.

Efesios 3:10

Ja̧'hua̧nö̧ 'cuäopina'ado jitä o'ca toi'önä pi̧jä̧ isoppanä ka̧cuä̧tö̧ hue'ähuotömä Diosrö esetätörö topö, ttu̧huo̧jua̧ pä'ö o'ca juiyönä Dios u̧huo̧ju̧mä̧.

Hebreos 1:2

Ja̧u̧nu̧ o'ca'a, jitämä I̧tti̧rö̧tä̧ ucuocuinödo ujuturu. Ja̧'hua̧ta̧nö̧ chutä I̧tti̧, Jä'o ujurunä aditinödo pi̧jä̧ o'ca juiyönä. Ja̧'hua̧ta̧nö̧ Dios o'ca juiyönä ku̧ni̧pi̧nö̧do ja̧u̧ru̧, I̧tti̧rö̧.

Hebreos 11:3

Diosrö esetö, huo̧juä̧tö̧jä̧ chutä Dios i̧huȩnȩ päö'a̧nö̧ pi̧jä̧ aditinö pä'ö. Ja̧'hua̧ ja̧'a̧ttö̧ jitä totömä, totocö juäittö adicuina'ado.