1 Corintios 2:10 - TÄ̧DO Ä̧CUÄ̧ I̧HUȨNȨ

¹⁰ Iso päi'önä ja̧u̧ ttierumä Dios huo̧juȩti̧nö̧do ujuturu chutä Espíritu Santonä. Ja̧u̧ Espíritu Santo o'ca juiyönä Dios jähuä rö̧ȩnä̧ huo̧ju̧nä̧ ka̧cuä̧mö̧ huo̧jua̧.

Nuevo Testamento Uwotjüja

¹⁰ Jua̧u̧ ttieruwuö juei ja̧'a̧, ujuturu Epíritu-nä̧ tu̧wo̧jui̧pü̧nä̧ Dio i̧jȩpi̧nü̧mä̧; isopäi'ünä̧ Epíritumä̧ o'kajuiyünä̧tä̧ usäu wo̧jua̧, Dio jakuänä̧ amükuädü'i̧nä̧.

1 Corintios 2:10 Referans Kwoze

San Juan 14:26

Ja̧'hua̧nö̧ ja̧'a̧nä̧ Espíritu Santomä, Ppädäcuähuä I̧sa̧mä̧, Chä'o ttö chi̧mi̧nä̧ huȩä̧cua̧mä̧ o'ca juiyönä u̧huo̧juȩtä̧cua̧ ucuturu. Ja̧'hua̧ta̧nö̧ o'ca juiyönä ucuturu jidähuinömä cuamöcuädätucua pä'ö ji̧ä̧huä̧cua̧ ucuturu.

Efesios 3:5

Korotömä pä'äjimä jerupinätödo yoröiso ja̧u̧ huȩnȩ. Jitämä Dios i̧jȩpi̧nö̧do ja̧u̧ huȩnȩ Jesús hue'ähuotörö'inä, Dios i̧huȩnȩ jiäcuähuä isotörö'inä Espíritu Santonä huo̧juȩtö̧ ttami iso'quinä.

San Lucas 10:21

Ja̧u̧nu̧ pä̧nä̧ Jesús juiyo esehuinödo Espíritu Santonä. Ja̧'hua̧ ja̧'a̧ pä'inödo: —Chä'o mo̧ro̧jä̧'i̧nä̧, pi̧jä̧'i̧nä̧ Chu̧ru̧hua̧, ucuru eseusä. Ucumä pi̧yȩmä̧ adihuä juäimä, dajahuächäji'ca̧mä̧ huo̧juȩto̧cö̧ pi̧nö̧jä̧ rö̧ȩnä̧ huo̧juä̧tö̧rö̧'i̧nä̧, rö̧ȩnä̧ ucuocuätörö'inä. Ppo̧'ä̧tö̧ ttö̧'a̧nö̧ huotörö iyö huo̧juȩti̧nö̧jä̧. Iso päi'önä Chä'o, ja̧'hua̧nö̧ pä̧huä̧ rö̧ji̧nä̧cu̧jä̧ ucutä.

Efesios 3:3

Ttö̧ja̧ ttieru huȩnȩ jiähuinäcusä chu̧huo̧jua̧ pä'ö, ucuturu ji'äu chi̧huȩyu̧ti̧nö̧ ta'anö.

Gálatas 1:12

Pi̧jä̧ ttö̧ja̧ttö̧ ȩmo̧cö̧ pi̧nö̧sä̧. Ja̧'hua̧ta̧nö̧ yoröiso huo̧juȩcuo̧cö̧sä̧ pi̧jä̧ ttö̧ja̧ttö̧mä̧. Ja̧'hua̧nö̧ ttu̧huo̧juȩtä̧'i̧nö̧ juäimä, chutä Jesucristotä u̧huo̧juȩti̧nä̧cu̧sä̧.

San Mateo 16:17

Jesús pä'inödo Pedrorö: —Eseunu cu̧jä̧cua̧jä̧ Simón, Jonás i̧tti̧. Pi̧jä̧ ttö̧ja̧ i̧sa̧ ja̧'hua̧nö̧mä̧ huo̧juȩto̧cö̧ pi̧nö̧do ucuru. Chä'o mo̧ro̧jä̧nä̧ kö̧tä̧ u̧huo̧juȩti̧nä̧cu̧jä̧.

San Mateo 13:11

Jahuätörö ädätinödo: —Dios iyinödo ucuturu Dios Cu̧ru̧hua̧ päi'önä ö̧jä̧cuȩ huȩnȩ, ttö̧ja̧ ttieru huȩnȩ cu̧huo̧juä̧tu̧cua̧ pä'ö. Jahuätö ja̧u̧ huȩnȩ jerupätödo.

San Juan 16:13

Iso päi'önä Ppädäcuähuä I̧sa̧ Espíritu Santo ichomenä, ja̧u̧ iso päi'önä huȩnȩ u̧huo̧juȩtä̧cua̧ ucuturu. Chutä amönä amöcuädö ucuocuocö jä̧cua̧. O'ca juiyönä ä̧ju̧cuä̧ji̧tä̧ ji̧ä̧huä̧cua̧ ucuturu. Ja̧'hua̧ta̧nö̧ koronö 'cuäopä̧cuȩ'i̧nä̧ ji̧ä̧huä̧cua̧ ucuturu.

1 Pedro 1:12

Ja̧'hua̧nö̧ ja̧'a̧nä̧ jahuätö ttȩmö̧ juiya pä'ö huo̧juȩti̧nö̧do Dios. Ujututä tȩmä̧cuȩ pä'ö huo̧juȩti̧nö̧do. Täbocö Dios i̧huȩnȩ jiäcuähuä isotörö Espíritu Santo u̧huo̧juȩti̧nö̧ ta'anö, ä̧ju̧cui̧nä̧tö̧jä̧ ucutu. Iso päi'önä Espíritu Santo, mo̧ro̧jä̧ra̧'a̧ttö̧ huȩ'ä̧hua̧ ujurunä, adihuä juäi huȩnȩ, suronä jȩttö̧ jȩpö̧ icu huȩnȩ, jittähua'a ä̧ju̧cui̧nä̧tö̧jä̧ ucutu. Angeles'inä ttä̧ju̧cua̧ pä'ätö pi̧yȩ huȩnȩmä̧.

1 Juan 2:27

Espíritu Santo, Jesucristo iyinäcumä, ucutucu kö̧. Ja̧'hua̧nö̧ ja̧'a̧ttö̧ “Ka̧ra̧ ujuturu u̧huo̧juȩtö̧'a̧nö̧ ja̧'a̧” pä'ocotöjä ucutumä. Espíritu Santomä, Jesucristo iyinäcu, o'ca juiyönä ucuturu huo̧juȩtö̧. Ja̧u̧ u̧huo̧juȩtö̧mä̧, iso päi'önä huȩnȩ ja̧'a̧. Yapareu huȩnȩmä̧cö̧. Ja̧u̧ u̧huo̧juȩti̧nö̧ ta'anö jȩpä̧tu̧cui̧. Jesucristocutä ka̧cuä̧tu̧cui̧.

1 Corintios 2:11

Ja̧'hua̧ta̧nö̧ pi̧jä̧ ttö̧ja̧ttö̧ ¿dijä̧ttö̧ ka̧ra̧ ami iso'quinä amöcuädö huo̧jua̧? Ya̧tȩä̧tä̧ chutä a̧'cua̧ru̧hua̧tä̧ ami iso'quinä huo̧jua̧. Ja̧'hua̧ta̧nö̧ ja̧'a̧nä̧ ya̧tȩtä̧ Espíritu Santotä o'ca juiyönä Dios jähuä huo̧jua̧.

1 Juan 2:20

Jesucristo iyinö Espíritu Santorö ucutucu ö̧ja̧ pä'ö. Ja̧'hua̧nö̧ ja̧'a̧ttö̧ ucutu o'ca toi'önä iso päi'önä huȩnȩ huo̧juä̧tö̧jä̧.

1 Corintios 14:30

Ja̧'hua̧nö̧ ja̧'a̧nä̧ ya̧tȩ ucuocuomenä, ka̧ra̧rö̧ ä̧ju̧cuä̧rö̧ pö̧rö̧, ami iso'quinä Dios koro u̧huo̧juȩtö̧ttö̧mä̧, ä'canä ucuocuäjimä yotäcu 'coruchi'ö ttä̧ju̧cuä̧cua̧'a̧nö̧ ka̧ra̧rö̧, Dios u̧huo̧juȩtä̧cu̧ru̧.

San Lucas 2:26

Ja̧'hua̧ta̧nö̧ Espíritu Santo u̧huo̧juȩti̧nä̧cu̧do: “Ucumä Cristorö, Dios huea päinäcuru tocu'u juiyäimä, 'corupä'i'ocö cuä̧cua̧jä̧.”

Apocalipsis 1:1

Pi̧yȩ huȩnȩ, Dios Jesucristorö u̧huo̧juȩti̧nö̧ huȩnȩ, juhua'a yabonö, yodoji chutä umöhuäyotörö u̧huo̧juȩta̧ pä'ö huo̧juȩti̧nö̧do. Jesucristo pi̧yȩ huȩnȩ, yodoji 'cuäopä̧cuȩ huȩnȩ, juhua'a yabonö huo̧juȩti̧nö̧do Juanrö, chutä u̧mö̧huä̧ya̧rö̧, ángel jiähua'anä.

1 Timoteo 4:1

Ja̧'hua̧nö̧ ja̧'a̧nä̧ Espíritu Santo huäjunä ji'äu röji mo̧ro̧ päi'omenä, korotö pö̧nä̧ jarotti'äcuotö adihuä huȩnȩ. Jahuätömä espíritus yapareu ji'ähuätörö ttesetäcuotö. Ja̧'hua̧ta̧nö̧ espíritus suropätö huo̧juȩcuä̧tä̧ ttesetäcuotö.

Apocalipsis 2:24

Ja̧'hua̧ta̧nö̧ korotömä, Tiatira ötahuiyänä ka̧cuä̧tö̧mä̧, ja̧u̧ huȩnȩ esetocotömä, ja̧'hua̧ta̧nö̧ adihuä ttieru juäi Satanás i̧huȩnȩ pättäji juäi jerupätömä, ucuturu pä'ösä, koro juäi jȩcu̧'ä̧tu̧cua̧ pä'ö hue'ocösä ucuturu.